15 ਸਕਿੰਟ ਜਾਂ 1 ਘੰਟ ਲਓ ਅਸੀ ਡਰਨ ਵਾਲੇ ਨਹੀ : ਓਵੈਸੀ

15 ਸਕਿੰਟ ਜਾਂ 1 ਘੰਟ ਲਓ ਅਸੀ ਡਰਨ ਵਾਲੇ ਨਹੀ : ਓਵੈਸੀ
ਹੈਦਰਾਬਾਦ : ਹੁਣ ਏਆਈਐਮਆਈਐਮ ਦੇ ਮੁਖੀ ਅਸਦੁਦੀਨ ਓਵੈਸੀ ਨੇ ਭਾਜਪਾ ਨੇਤਾ ਨਵਨੀਤ ਰਾਣਾ ਦੀ ਟਿੱਪਣੀ ‘ਤੇ ਪਲਟਵਾਰ ਕੀਤਾ ਹੈ ਕਿ ‘ਇਹ 15 ਸਕਿੰਟ ਲਵੇਗਾ’। ਓਵੈਸੀ ਨੇ ਕਿਹਾ ਕਿ ਉਨ੍ਹਾਂ ਨੇ 15 ਸੈਕਿੰਡ ਦਾ ਸਮਾਂ ਮੰਗਿਆ ਹੈ, ਪਰ ਉਨ੍ਹਾਂ ਨੂੰ ਇਕ ਘੰਟਾ ਦਿਓ, ਅਸੀਂ ਡਰਨ ਵਾਲੇ ਨਹੀਂ ਹਾਂ। ਓਵੈਸੀ ਨੇ ਕਿਹਾ ਕਿ ਅਸੀਂ ਦੇਖਣਾ ਚਾਹੁੰਦੇ ਹਾਂ ਕਿ ਉਸ ‘ਚ ਕਿੰਨੀ ਇਨਸਾਨੀਅਤ ਬਚੀ ਹੈ।
ਅਸਦੁਦੀਨ ਓਵੈਸੀ ਨੇ ਕਿਹਾ, ਮੈਂ ਮੋਦੀ ਜੀ ਨੂੰ ਕਹਿੰਦਾ ਹਾਂ, ਰਾਣਾ ਜੀ ਨੂੰ 15 ਸਕਿੰਟ ਦੀ ਬਜਾਏ 1 ਘੰਟਾ ਦਿਓ, ਉਹ ਕੀ ਕਰਨਗੇ? ਅਸੀਂ ਇਹ ਵੀ ਦੇਖਣਾ ਚਾਹੁੰਦੇ ਹਾਂ ਕਿ ਕੀ ਤੁਹਾਡੇ ਅੰਦਰ ਥੋੜੀ ਜਿਹੀ ਵੀ ਇਨਸਾਨੀਅਤ ਬਚੀ ਹੈ। ਕੌਣ ਡਰਦਾ ਹੈ? ਅਸੀਂ ਤਿਆਰ ਹਾਂ, ਜੇਕਰ ਕੋਈ ਖੁੱਲ੍ਹਾ ਕਾਲ ਕਰ ਰਿਹਾ ਹੈ ਤਾਂ ਹੋ ਜਾਓ, ਪ੍ਰਧਾਨ ਮੰਤਰੀ ਤੁਹਾਡਾ ਹੈ, RSS ਤੁਹਾਡਾ ਹੈ, ਸਭ ਕੁਝ ਤੁਹਾਡਾ ਹੈ। ਤੁਹਾਨੂੰ ਕੌਣ ਰੋਕ ਰਿਹਾ ਹੈ, ਦੱਸ ਕਿੱਥੇ ਆ, ਅਸੀਂ ਉੱਥੇ ਆਵਾਂਗੇ।