ਚੋਰੀਆਂ ਕਰਨ ਵਾਲੇ ਗਿਰੋਹ ਦੇ ਤਿੰਨ ਮੈਂਬਰ ਕਾਬੂ
ਨਾਬਾਲਿਗ ਦੋਸੀ ਪਾਸੋਂ ਘਰਾਂ ਅਤੇ ਦੁਕਾਨਾਂ ਦੀ ਕਰਵਾਉਂਦੇ ਸਨ ਰੈਕੀ, ਫਿਰ ਇਕੱਠੇ ਤਿੰਨੇ ਚੋਰੀ ਨੂੰ ਦਿੰਦੇ ਸਨ ਅੰਜਾਮ
– ਚੋਰਾਂ ਤੋਂ ਸੋਨੇ ਦੇ ਜੇਵਰਾਤ, ਮੋਬਾਇਲ ਫੋਨ ਅਤੇ ਕੈਸ ਕਰੀਬ 24 ਹਜਾਰ ਰੁਪਏ ਹੋਏ ਬਰਾਮਦ
ਘਨੌਰ, 1 ਜੁਲਾਈ –ਐਸ.ਐਸ.ਪੀ.ਪਟਿਆਲਾ ਸ੍ਰੀ ਵਰੁਨ ਸ਼ਰਮਾ ਆਈ ਪੀ ਐਸ ਦੇ ਦਿਸ਼ਾ ਨਿਰਦੇਸ਼ਾ ਅਤੇ ਹਰਬੀਰ ਸਿੰਘ ਅਟਵਾਲ, ਪੀ.ਪੀ.ਐਸ ਕਪਤਾਨ ਪੁਲਿਸ ਇੰਨਵੈਸਟੀਗੇਸਨ ਪਟਿਆਲਾ ਦੀ ਹਦਾਇਤਾਂ ਅਨੁਸਾਰ ਅਤੇ ਰਘਬੀਰ ਸਿੰਘ ਪੀ.ਪੀ.ਐਸ.ਉਪ ਕਪਤਾਨ ਪੁਲਿਸ ਸਰਕਲ ਘਨੌਰ ਦੀ ਰਹਿਨੁਮਾਈ ਹੇਠ ਇੰਸਪੈਕਟਰ ਰਾਹੁਲ ਕੌਸ਼ਲ ਮੁੱਖ ਅਫਸਰ ਥਾਣਾ ਸੰਭੂ, ਐਸ.ਆਈ. ਗੁਰਨਾਮ ਸਿੰਘ ਮੁੱਖ ਅਫਸਰ ਥਾਣਾ ਘਨੌਰ ਦੀ ਸਪੈਸਲ ਟੀਮ ਬਣਾਈ ਗਈ। ਜਿਨ੍ਹਾਂ ਨੇ ਅੱਗੇ ਕਾਰਵਾਈ ਕਰਦਿਆਂ ਤਿੰਨ ਦੋਸੀਆਨ ਸਮੀਰ ਪੁੱਤਰ ਰਾਮ ਪਾਲ ਵਾਸੀ ਢੇਹਾ ਕਲੋਨੀ ਘਨੌਰ ਹਾਲ ਵਾਸੀ ਝੁੰਗੀਆ ਨੇੜੇ ਅੰਡਰ ਬ੍ਰਿਜ ਰਾਜਪੁਰਾ, ਵੀਰ ਸਿੰਘ ਉਰਫ ਕਾਲੂ ਪੁੱਤਰ ਵਿਜੇ ਪੁਰੀ ਵਾਸੀ 10 ਨੰਬਰ ਠੋਕਰ ਹਰਿਦੁਆਰ ਹਾਲ ਵਾਸੀ ਝੂੰਗੀਆ ਨੇੜੇ ਅੰਡਰ ਬ੍ਰਿਜ ਰਾਜਪੁਰਾ ਅਤੇ ਇੱਕ ਦੋਸ਼ੀ ਨਾਬਾਲਿਗ ਉਮਰ ਕਰੀਬ 17 ਸਾਲ ਗ੍ਰਿਫਤਾਰ ਕੀਤਾ ਗਿਆ। ਜਿਨ੍ਹਾਂ ਨੇ ਥਾਣਾ ਘਨੌਰ ਅਤੇ ਥਾਣਾ ਸੰਭੂ ਵਿੱਚ ਸਕੂਲ, ਮਕਾਨ ਅਤੇ ਦੁਕਾਨਾ ਵਿਚ ਕਾਫੀ ਚੋਰੀਆਂ ਕੀਤੀਆਂ। ਜਿਨ੍ਹਾਂ ਦੀ ਪੁੱਛ ਗਿਛ ਤੋਂ ਥਾਣਾ ਘਨੌਰ ਦੀ ਹਦੂਦ ਅੰਦਰ 05 ਚੋਰੀ ਦੀਆ ਵਾਰਦਾਤਾਂ ਅਤੇ ਥਾਣਾ ਸ਼ੰਭੂ ਦੀ ਹਦੂਦ ਅੰਦਰ 01 ਚੋਰੀ ਦੀ ਵਾਰਦਾਤ ਟਰੇਸ ਹੋਈਆਂ ਹਨ। ਜਿਨ੍ਹਾਂ ਵਿਚ ਸੋਨੇ ਦੇ ਜੇਵਰਾਤ, ਮੋਬਾਇਲ ਫੋਨ ਅਤੇ ਕੈਸ ਕਰੀਬ 24 ਹਜਾਰ ਰੁਪਏ ਬਰਾਮਦ ਹੋਇਆ ਹੈ। ਦੋਸੀਆਨ ਸਮੀਰ ਅਤੇ ਵੀਰ ਸਿੰਘ ਉਕਤਾਨ, ਨਾਬਾਲਿਗ ਦੋਸੀ ਪਾਸੋਂ ਲੋਕਾ ਦੇ ਘਰਾ ਅਤੇ ਦੁਕਾਨਾ ਦੀ ਰੈਕੀ ਕਰਵਾਉਦੇ ਸਨ ਅਤੇ ਫਿਰ ਤਿੰਨੋ ਜਣੇ ਮਿਲ ਕਰ ਚੋਰੀ ਦੀ ਵਾਰਦਾਤਾ ਨੂੰ ਅੰਜਾਮ ਦਿੰਦੇ ਸਨ । ਨਾਬਾਲਗ ਦੋਸੀ ਨੂੰ ਮਾਨਯੋਗ ਅਦਾਲਤ ਵਿਚ ਪੇਸ਼ ਕਰਕੇ ਅਬਜਰਵੇਸ਼ਨ ਹੋਮ ਲੁਧਿਆਣਾ ਛੱਡਿਆ ਗਿਆ। ਦੋਸੀਆਨ ਸਮੀਰ ਅਤੇ ਵੀਰ ਸਿੰਘ ਉਰਫ ਕਾਪੂ ਉਕਤਾਨ ਦਾ 2 ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ। ਜਿਨ੍ਹਾਂ ਪਾਸੋਂ ਹੋਰ ਚੋਰੀ ਦੀਆ ਵਾਰਦਾਤਾਂ ਟਰੇਸ ਹੋਣ ਦੀ ਸੰਭਾਵਨਾ ਹੈ। ਪੁਲਿਸ ਨੇ ਇਨ੍ਹਾਂ ਖਿਲਾਫ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।