ਦੁਬਈ ਤੋ ਭਾਰਤ ਪੁੱਜ ਭਾਰਤੀ ਖਿਡਾਰੀ ਪੀਵੀ ਸਿੰਧੂ ਨੇ ਲਿਆ ਸੁੱਖ ਦਾ ਸਾਹ
ਨਵੀਂ ਦਿੱਲੀ, 3 ਮਾਰਚ : ਇਰਾਨ ਵਲੋ ਦੁਬਾਈ ਉਪਰ ਕੀਤੇ ਜਾ ਰਹੇ ਹਮਲਿਆਂ ਕਾਰਨ ਉਥੇ ਅਨੇਕਾਂ ਭਾਰਤੀ ਫਸੇ ਹੋਏ ਹਨ, ਜਿਸ ਕਾਰਨ ਲੋਕਾਂ ਅੰਦਰ ਭਾਰੀ ਡਰ ਦਾ ਮਾਹੌਲ ਹੈ। ਇਸੇ ਤਰ੍ਹਾਂ ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਭਾਰਤੀ ਬੈਡਮਿੰਟਨ ਸਿਤਾਰਾ ਪੀਵੀ ਸਿੰਧੂ , ਜੋ ਪਿਛਲੇ ਕੁਝ ਦਿਨਾਂ ਤੋਂ Dubai ਵਿੱਚ ਫਸੀ ਹੋਈ ਸੀ, ਆਖ਼ਰਕਾਰ ਸੁਰੱਖਿਅਤ ਆਪਣੇ ਘਰ ਬੇਗਲੁਰੂ ਪਰਤ ਆਈ ਹੈ, ਜਿਨਾ ਵਾਪਸੀ ਕਰਕੇ ਸੁਖ ਦਾ ਸਾਹ ਲਿਆ ਹੈ।
ਜਾਣਕਾਰੀ ਦੇ ਅਨੁਸਾਰ ਦੁਬਈ ਵਿਚ ਹੋ ਰਹੇ ਹਮਲਿਆਂ ਦੇ ਕਾਰਨ ਉੱਥੇ ਹਾਲਾਤ ਨਾਜ਼ੁਕ ਬਣੇ ਹੋਏ ਸਨ, ਜਿਸ ਕਰਕੇ ਸਿੰਧੂ ਅਤੇ ਉਨ੍ਹਾਂ ਦੇ ਸਟਾਫ਼ ਲਈ ਵਾਪਸੀ ਦਾ ਸਫ਼ਰ ਮੁਸ਼ਕਲ ਹੋ ਗਿਆ ਸੀ। ਯਾਤਰਾ ਸੰਬੰਧੀ ਪਾਬੰਦੀਆਂ ਅਤੇ ਸੁਰੱਖਿਆ ਚਿੰਤਾਵਾਂ ਦੇ ਮੱਦੇਨਜ਼ਰ ਉਨ੍ਹਾਂ ਨੂੰ ਕੁਝ ਦਿਨ ਉੱਥੇ ਹੀ ਰਹਿਣਾ ਪਿਆ। ਭਾਰਤ ਪਰਤਣ ਤੋਂ ਬਾਅਦ ਸਿੰਧੂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ’ਤੇ ਆਪਣੀ ਸੁਰੱਖਿਅਤ ਵਾਪਸੀ ਦੀ ਜਾਣਕਾਰੀ ਸਾਂਝੀ ਕੀਤੀ ਅਤੇ ਸਮਰਥਕਾਂ ਦਾ ਧੰਨਵਾਦ ਕੀਤਾ।
