ਥਾਣਾ ਕੋਤਵਾਲੀ ਕੀਤਾ ਚਾਰ ਜਣੀਆਂ ਵਿਰੁੱਧ ਚੈਨੀ ਖੋਹਣ ਤੇ ਕੇਸ ਦਰਜ

ਪਟਿਆਲਾ, 9 ਜੂਨ 2025 : Kotwali police station registers case against four people for snatching chain : ਥਾਣਾ ਕੋਤਵਾਲੀ (Police Station) ਪਟਿਆਲਾ ਦੀ ਪੁਲਸ ਨੇ ਚਾਰ ਜਣੀਆਂ ਵਿਰੁੱਧ ਵੱਖ ਵੱਖ ਧਾਰਾਵਾਂ 304, 3 (5) ਬੀ. ਐਨ. ਐਸ. ਤਹਿਤ ਚੈਨੀ ਖੋਹਣ ਤੇ ਕੇਸ ਦਰਜ ਕੀਤਾ ਹੈ । ਜਿਹੜੀਆਂ ਚਾਰ ਮਹਿਲਾਵਾਂ ਵਿਰੁੱਧ ਕੇਸ ਦਰਜ ਕੀਤਾ ਗਿਆ ਹੈ ਵਿਚ ਰਾਣੀ ਪਤਨੀ ਪੱਪੂ ਵਾਸੀ ਗੁਨੀਆਣਾ ਮੰਡੀ ਬਠਿੰਡਾ, ਰਜਨੀ ਪਤਨੀ ਦੀਪਕ ਕੁਮਾਰ, ਸੁੰਦਰੀ ਪਤਨੀ ਸਤਬੀਰ, ਰੋਸ਼ਨੀ ਪਤਨੀ ਸਤਪਾਲ ਵਾਸੀਆਨ ਚਾਰ ਬਾਗ ਕਲੋਨੀ ਰਾਮਾ ਮੰਡੀ ਬਠਿੰਡਾ ਸ਼ਾਮਲ ਹਨ ।

ਗਲ ਵਿੱਚ ਪਾਈ ਦੋ ਤੋਲੇ ਦੀ ਸੋਨੇ ਦੀ ਚੈਨ ਖੋਹ ਕਰ ਲਈ

ਪੁਲਸ ਕੋਲ ਦਰਜ ਕਰਵਾਈ ਸਿ਼ਕਾਇਤ ਵਿਚ ਸਿ਼ਕਾਇਤਕਰਤਾ (Complainant) ਰੀਨਾ ਦੇਵੀ ਪਤਨੀ ਸੋਹਨ ਲਾਲ ਵਾਸੀ ਪਿੰਡ ਪਵਾਨਾ ਹਸ਼ਨਪੁਰ ਥਾਣਾ ਮੂਣਕ ਜਿਲਾ ਕਰਨਾਲ ਹਰਿਆਣਾ ਨੇ ਦੱਸਿਆ ਕਿ 7 ਜੂਨ 2025 ਨੂੰ ਉਹ ਮੱਥਾ ਟੇਕਣ ਲਈ ਕਾਲੀ ਮਾਤਾ ਮੰਦਰ (Kali Mata Temple) ਪਟਿਆਲਾ ਵਿਖੇ ਆਈ ਸੀ ਅਤੇ ਮੱਥਾ ਟੇਕਣ ਲਈ ਲਾਇਨ ਵਿੱਚ ਖੜ੍ਹੀ ਸੀ ਤੇ ਉਸ ਨਾਲ ਉਕਤ ਚਾਰੋਂ ਜਣੀਆਂ ਵੀ ਖੜ੍ਹੀਆਂ ਸਨ ਅਤੇ ਜਿਆਦਾ ਭੀੜ ਹੋਣ ਕਾਰਨ ਉਪਰੋਕਤ ਮਹਿਲਾਵਾਂ ਨੇ ਉਸ ਨੂੰ ਘੇਰੇ ਵਿੱਚ ਲੈ ਕੇ ਉਸਦੇ ਗਲ ਵਿੱਚ ਪਾਈ ਦੋ ਤੋਲੇ ਦੀ ਸੋਨੇ ਦੀ ਚੈਨ ਖੋਹ (snatching chain) ਕਰ ਲਈ । ਪੁਲਸ ਨੇ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।

Read More : ਥਾਣਾ ਕੋਤਵਾਲੀ ਪੁਲਿਸ ਨੇ ਕੀਤਾ ਦੋ ਵਿਅਕਤੀਆਂ ਵਿਰੁੱਧ ਕੇਸ ਦਰਜ