ਨਾਭਾ, 30 ਮਾਰਚ : ਥਾਣਾ ਸਦਰ ਨਾਭਾ ਦੀ ਪੁਲਸ ਨੇ ਇਕ ਵਿਅਕਤੀ ਵਿਰੁੱਧ ਧਾਰਾ 137 (2), 87 ਬੀ. ਐਨ. ਐਸ. ਤਹਿਤ ਕੇਸ ਦਰਜ ਕੀਤਾ ਹੈ । ਜਿਹੜੇ ਵਿਅਕਤੀ ਵਿਰੁੱਧ ਕੇਸ ਦਰਜ ਕੀਤਾ ਗਿਆ ਹੈ ਵਿਚ ਯੁਵਰਾਜ ਵਾਲੀਆ ਪੁੱਤਰ ਸੁਰਿੰਦਰ ਵਾਲੀਆ ਵਾਸੀ ਵਾਰਡ ਨੰ. 3 ਮੇਘ ਕਲੋਨੀ ਅਲੋਹਰਾ ਨਾਭਾ ਸ਼ਾਮਲ ਹੈ ।
ਸਕੂਲ ਤੋਂ ਫੋਨ ਆਇਆ ਕਿ ਲੜਕੀ ਸਕੂਲ ਨਹੀਂ ਆਈ
ਪੁਲਸ ਕੋਲ ਦਰਜ ਕਰਵਾਈ ਸਿ਼ਕਾਇਤ ਵਿਚ ਸਿ਼ਕਾਇਤਕਰਤਾ ਨੇ ਦੱਸਿਆ ਕਿ ਉਸਦੀ 17 ਸਾਲਾ ਭਤੀਜੀ ਜੋ ਕਿ ਉਸ ਕੋਲ ਹੀ ਰਹਿ ਰਹੀ ਹੈ 26 ਮਾਰਚ ਨੂੰ ਪੇਪਰ ਦੇਣ ਲਈ ਸਕੂਲ ਗਈ ਸੀ ਤੇ 11 ਵਜੇ ਉਸਨੂੰ ਸਕੂਲ ਤੋਂ ਫੋਨ ਆਇਆ ਕਿ ਲੜਕੀ ਸਕੂਲ ਨਹੀਂ ਆਈ ਅਤੇ ਕਾਫੀ ਭਾਲ ਕਰਨ ਤੇ ਪਤਾ ਲੱਗਿਆ ਕਿ ਉਕਤ ਵਿਅਕਤੀ ਉਸਦੀ ਭਤੀਜੀ ਨੂੰ ਵਰਗਲਾ ਕੇ ਵਿਆਹ ਕਰਵਾਉਣ ਦਾ ਝਾਂਸਾ ਦੇ ਕੇ ਭਜਾ ਲੈ ਗਿਆ ਹੈ। ਪੁਲਸ ਨੇ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।