ਪੀ. ਡੀ. ਏ. ਇਨਕਲੇਵ ਧੂਰੀ ਦੇ ਪਲਾਟਾਂ ਦੀ 22 ਮਾਰਚ ਤੱਕ ਈ-ਆਕਸ਼ਨ ਰਾਹੀਂ ਕੀਤੀ ਜਾ ਰਹੀ ਹੈ ਬੋਲੀ : ਮਨੀਸ਼ਾ ਰਾਣਾ
ਧੂਰੀ/ਸੰਗਰੂਰ, 19 ਮਾਰਚ : ਪਟਿਆਲਾ ਡਿਵੈਲਪਮੈਂਟ ਅਥਾਰਿਟੀ (ਪੀ. ਡੀ. ਏ.), ਪਟਿਆਲਾ ਵੱਲੋਂ ਪੀਡੀਏ ਇਨਕਲੇਵ ਧੂਰੀ ਦੇ ਵੱਖੋ-ਵੱਖਰੇ ਸਾਈਜ਼ ਦੇ 140 ਪਲਾਟ ਆਕਸ਼ਨ ‘ਤੇ ਲਗਾਏ ਗਏ ਹਨ । ਇਨ੍ਹਾਂ ਪਲਾਟਾਂ ਦੀ 12 ਮਾਰਚ ਤੋਂ 22 ਮਾਰਚ ਤੱਕ ਈ-ਆਕਸ਼ਨ ਰਾਹੀਂ ਬੋਲੀ ਕੀਤੀ ਜਾ ਰਹੀ ਹੈ । ਇਸ ਈ-ਆਕਸ਼ਨ ਵਿੱਚ 250 ਵਰਗ ਗਜ਼ ਦੇ ਪਲਾਟ ਦਾ ਰੇਟ ਤਕਰੀਬਨ 15050/ ਰੁਪਏ ਪ੍ਰਤੀ ਗਜ਼ ਅਤੇ 250 ਵਰਗ ਗਜ਼ ਤੋਂ ਉਪੱਰ ਪਲਾਟਾਂ ਦਾ ਰੇਟ ਤਕਰੀਬਨ 16210/ ਪ੍ਰਤੀ ਵਰਗ ਗਜ਼ ਰੱਖਿਆ ਗਿਆ ਹੈ ।
ਮੁੱਖ ਪ੍ਰਸ਼ਾਸਕ ਪੀਡੀਏ ਪਟਿਆਲਾ ਮਨੀਸ਼ਾ ਰਾਣਾ ਨੇ ਦੱਸਿਆ ਕਿ ਪੀਡੀਏ ਇਨਕਲੇਵ ਧੂਰੀ ਵਿੱਚ ਵਾਟਰ ਸਪਲਾਈ, ਸੀਵਰੇਜ, ਸਟਰੀਟ ਲਾਈਟਾਂ, ਸੜਕਾਂ ਆਦਿ ਦੇ ਕੰਮ ਮੁਕਮੰਲ ਹੋ ਚੁੱਕੇ ਹਨ । ਲਾਈਟਾਂ ਲੱਗਣ ਕਾਰਨ ਕਲੋਨੀ ਪੂਰੀ ਤਰ੍ਹਾਂ ਜਗਮਗ ਹੋ ਗਈ ਹੈ । ਪ੍ਰਸ਼ਾਸਕ ਮਨੀਸ਼ਾ ਰਾਣਾ ਨੇ ਦੱਸਿਆ ਕਿ ਇਹ ਸਾਈਟ ਆਉਣ ਵਾਲੇ ਸਮੇਂ ਧੂਰੀ ਹੀ ਨਹੀਂ ਬਲਕਿ ਜ਼ਿਲ੍ਹਾ ਸੰਗਰੂਰ ਦੀ ਸਭ ਤੋਂ ਵਧੀਆ ਅਤੇ ਖੂਬਸੂਰਤ ਕਲੋਨੀ ਬਣਨ ਜਾ ਰਹੀ ਹੈ, ਇਸ ਲਈ ਲੋਕਾਂ ਨੂੰ ਸੂਚਿਤ ਕੀਤਾ ਜਾਂਦਾ ਹੈ ਕਿ ਇਸ ਆਕਸ਼ਨ ਵਿੱਚ ਵੱਧ ਤੋਂ ਵੱਧ ਭਾਗ ਲਿਆ ਜਾਵੇ । ਉਨ੍ਹਾਂ ਕਿਹਾ ਕਿ ਹੋਰ ਵਧੇਰੇ ਜਾਣਕਾਰੀ ਪੁੱਡਾ ਦਫਤਰ ਅਰਬਨ ਅਸਟੇਟ, ਫੇਜ਼ 2, ਪਟਿਆਲਾ ਜਾਂ ਮੋਬਾਇਲ ਨੰਬਰ 90416-64738 ਤੋਂ ਪ੍ਰਾਪਤ ਕੀਤੀ ਜਾ ਸਕਦੀ ਹੈ ।