ਅਮਰੀਕੀ ਪੁਲੀਸ ਨੇ 12 ਪੰਜਾਬੀਆਂ ਨੂੰ ਕੀਤਾ ਗ੍ਰਿਫਤਾਰ

ਦਿੱਲੀ, 24 ਅਕਤੂਬਰ : ਅਮਰੀਕੀ ਪੁਲੀਸ ਨੇ ਵਾਸ਼ਿੰਗਟਨ ਅਤੇ ਕੈਲੇਫੋਰਨੀਆ ਸੂਬਿਆਂ ਵਿੱਚ ਇਕ ਆਰਗੇਨਾਈਜੇਸ਼ਨ ਦੇ ਨਾਲ ਜੁੜੇ 12 ਪੰਜਾਬੀਆਂ ਨੂੰ ਗ੍ਰਿਫਤਾਰ ਕਰਕੇ ਜਾਂਚ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਇਨਾ ਪੰਜਾਬੀਆਂ ਨੂੰ “ਸਿੰਘ ਆਰਗੇਨਾਈਜੇਸ਼ਨ” ਦੇ ਨਾਂਅ ਹੇਠ ਕਾਰੋਬਾਰ ਕਰ ਰਹੇ ਗੈਂਗ ਦੇ 12 ਮੈਂਬਰਾਂ ਨੂੰ ਕਰੋੜਾਂ ਡਾਲਰਾਂ ਦੀ ਟਰਾਂਸਪੋਰਟ ਠੱਗੀ ਦੇ ਦੋਸ਼ਾਂ ਵਿੱਚ ਗ੍ਰਿਫਤਾਰ ਕੀਤਾ ਹੈ।

ਪੁਲੀਸ ਦੀ ਸਾਂਝੀ ਜਾਂਚ ਟੀਮ ਨੇ ਦੱਸਿਆ ਕਿ 2021 ਤੋਂ ਕੈਲੇਫੋਰਨੀਆ ਅਤੇ ਵਾਸ਼ਿੰਗਟਨ ਵਿੱਚ “ਢੋਆ ਢੁਆਈ” ਦੇ ਨਾਂਅ ਹੇਠ ਕੀਮਤੀ ਸਮਾਨ ਗਾਇਬ ਹੋਣ ਦੀਆਂ ਸੈਂਕੜੇ ਸ਼ਿਕਾਇਤਾਂ ਮਿਲਣ ਤੋਂ ਬਾਅਦ ਟੀਮਾਂ ਬਣਾਈਆਂ ਗਈਆਂ। ਲੰਮੀ ਜਾਂਚ ਦੌਰਾਨ ਪਤਾ ਲੱਗਾ ਕਿ ਕੁਝ ਵਿਅਕਤੀਆਂ ਨੇ ਸਿੰਘ ਆਰਗੇਨਾਈਜ਼ੇਸ਼ਨ ਦੇ ਨਾਂਅ ਹੇਠ ਗੈਂਗ ਬਣਾਇਆ ਸੀ, ਜੋ ਵੱਡੀਆਂ ਟਰਾਂਸਪੋਰਟ ਕੰਪਨੀਆਂ ਤੋਂ ਠੇਕੇ ਲੈ ਕੇ ਸਮਾਨ ਲੁੱਟਦੇ ਅਤੇ ਠਿਕਾਣੇ ਤੱਕ ਪਹੁੰਚਾਉਣ ਦੀ ਥਾਂ ਵੇਚ ਦਿੰਦੇ।

ਇਹ ‌ਵਿਅਕਤੀ ਹਨ ਸ਼ਾਮਲ

ਇਸ ਮਾਮਲੇਵਿਚ ਸੇਂਟ ਬਰਨਾਰਡ ਕਾਉਂਟੀ ਸ਼ੈਰਿਫ਼ ਦਫ਼ਤਰ ਵਲੋਂ ਪੜਤਾਲ ਕੀਤੀ ਗਈ ਇਹਨਾਂ ਦੋਸ਼ੀਆਂ ਦੀ ਪਛਾਣ ਇਸ ਤਰ੍ਹਾਂ ਕੀਤੀ ਗਈ: ਪਰਮਵੀਰ ਸਿੰਘ (29), ਹਰਪ੍ਰੀਤ ਸਿੰਘ (26), ਅਰਸ਼ਪ੍ਰੀਤ ਸਿੰਘ (27) — ਸਾਰੇ ਰੈਂਚੋ ਕੂਕਾਮੋਂਗਾ ਦੇ ਵਾਸੀ; ਸੰਦੀਪ ਸਿੰਘ (31) — ਸੇਂਟ ਬਰਨਾਰਡ; ਮਨਦੀਪ ਸਿੰਘ (42) ਅਤੇ ਰਣਜੋਧ ਸਿੰਘ (38) — ਬੇਕਰਜ਼ਫੀਲਡ; ਗੁਰਨੇਕ ਸਿੰਘ ਚੌਹਾਨ (40), ਵਿਕਰਮਜੀਤ ਸਿੰਘ (30), ਨਰਾਇਣ ਸਿੰਘ (27) — ਫੋਨਟਾਨਾ; ਬਿਕਰਮਜੀਤ ਸਿੰਘ (27) — ਸੈਕਰਾਮੈਂਟੋ; ਹਿੰਮਤ ਸਿੰਘ ਖਾਲਸਾ (28) — ਰੈਂਟਨ, ਵਾਸ਼ਿੰਗਟਨ; ਅਤੇ ਐਲਗਰ ਹਰਨਾਂਦੇਜ (27) — ਫੋਨਟਾਨਾ।
ਪੁਲੀਸ ਨੇ ਇਹ ਵੀ ਕਿਹਾ ਕਿ ਇਕੋ ਵੇਲੇ ਛਾਪੇ ਮਾਰ ਕੇ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਚਾਰ ਸਾਲਾਂ ਦੀ ਠੱਗੀ ਦੀ ਪੜਤਾਲ ਜਾਰੀ ਹੈ।