2 ਸਾਲ ਬਾਅਦ 250 ਗ੍ਰਾਮ ਗਹਿਣੇ ਤੇ ਹੀਰੇ ਵਾਲੀ ਮੁੰਦਰੀ ਬੈਂਕ ਲਾਰਕ ਵਿਚੋਂ ਗਾਇਬ ਹੋਣ ਦਾ ਪੀੜ੍ਹਤਾ ਲਗਾਇਆ ਬੈਂਕ ਕਰਮਚਾਰੀ ਤੇ ਦੋਸ਼

2 ਸਾਲ ਬਾਅਦ 250 ਗ੍ਰਾਮ ਗਹਿਣੇ ਤੇ ਹੀਰੇ ਵਾਲੀ ਮੁੰਦਰੀ ਬੈਂਕ ਲਾਰਕ ਵਿਚੋਂ ਗਾਇਬ ਹੋਣ ਦਾ ਪੀੜ੍ਹਤਾ ਲਗਾਇਆ ਬੈਂਕ ਕਰਮਚਾਰੀ ਤੇ ਦੋਸ਼
ਬਿਹਾਰ : ਭਾਰਤ ਦੇਸ਼ ਦੇ ਸੂਬੇ ਬਿਹਾਰ ਦੇ ਸ਼ਹਿਰ ਗਯਾ ਵਿਚ ਪੀਰ ਮੰਸੂਰ ਰੋਡ ਉਤੇ ਸਥਿਤ ਕੇਨਰਾ ਬੈਂਕ ਦੇ ਲਾਕਰ ਵਿਚੋਂ ਕਰੀਬ 250 ਗ੍ਰਾਮ ਗਹਿਣੇ ਗਾਇਬ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀੜਤ ਵੰਦਨਾ ਕੁਮਾਰੀ ਨੇ ਬੈਂਕ ਕਰਮਚਾਰੀਆਂ ‘ਤੇ ਲਾਕਰ ‘ਚੋਂ ਗਹਿਣੇ ਕੱਢਣ ਦਾ ਦੋਸ਼ ਲਗਾਇਆ ਹੈ, ਜਦਕਿ ਇਸ ਮਾਮਲੇ ‘ਚ ਪੀੜਤਾ ਨੇ ਹੁਣ ਐੱਸਐੱਸਪੀ ਆਸ਼ੀਸ਼ ਭਾਰਤੀ ਤੋਂ ਇਨਸਾਫ ਦੀ ਅਪੀਲ ਕੀਤੀ ਹੈ। ਦਰਅਸਲ, ਕੋਚ ਥਾਣਾ ਖੇਤਰ ਦੀ ਰਹਿਣ ਵਾਲੀ ਵੰਦਨਾ ਕੁਮਾਰੀ ਨੇ ਸਾਲ 2022 ‘ਚ ਗਯਾ ਸਥਿਤ ਕੇਨਰਾ ਬੈਂਕ ਦੇ ਲਾਕਰ ‘ਚ ਕਰੀਬ 250 ਗ੍ਰਾਮ ਸੋਨੇ ਦੇ ਗਹਿਣੇ ਅਤੇ ਹੀਰੇ ਨਾਲ ਜੜੀ ਮੁੰਦਰੀ ਰੱਖੀ ਸੀ। ਇਸ ਦੀ ਕੀਮਤ ਕਰੀਬ 15 ਲੱਖ ਰੁਪਏ ਦੱਸੀ ਜਾ ਰਹੀ ਹੈ। ਇਸ ਨੂੰ ਬੈਂਕ ਦੇ ਲਾਕਰ ਵਿੱਚ ਰੱਖਿਆ ਗਿਆ ਸੀ ਅਤੇ ਇਸ ਦੌਰਾਨ ਸਾਰੀ ਕਾਗਜ਼ੀ ਕਾਰਵਾਈ ਵੀ ਪੂਰੀ ਕਰ ਲਈ ਗਈ ਸੀ। ਜਦੋਂ ਉਹ 2 ਸਾਲ ਬਾਅਦ ਗਯਾ ਵਾਪਸ ਆਈ ਤਾਂ ਉਸ ਦੇ ਗਹਿਣੇ ਗਾਇਬ ਸਨ। ਦਰਅਸਲ, ਜਦੋਂ ਔਰਤ ਸਾਲਾਂ ਬਾਅਦ ਵਾਪਸ ਆਈ ਤਾਂ ਉਸ ਨੇ ਆਪਣੇ ਗਹਿਣੇ ਦੇਖਣ ਦੀ ਇੱਛਾ ਜ਼ਾਹਰ ਕੀਤੀ ਅਤੇ ਉਹ ਬੈਂਕ ਪਹੁੰਚ ਗਈ। ਜਦੋਂ ਔਰਤ ਬੈਂਕ ਪਹੁੰਚੀ ਅਤੇ ਆਪਣੀ ਚਾਬੀ ਨਾਲ ਲਾਕਰ ਖੋਲ੍ਹਣ ਦੀ ਕੋਸ਼ਿਸ਼ ਕੀਤੀ ਤਾਂ ਨਹੀਂ ਖੁੱਲ੍ਹਿਆ। ਦੂਜੀ ਚਾਬੀ ਬੈਂਕ ਕੋਲ ਸੀ- ਦੱਸਿਆ ਜਾਂਦਾ ਹੈ ਕਿ ਇੱਕ ਲਾਕਰ ਵਿੱਚ ਦੋ ਚਾਬੀਆਂ ਹੁੰਦੀਆਂ ਹਨ ਅਤੇ ਦੋਨਾਂ ਚਾਬੀਆਂ ਤੋਂ ਬਾਅਦ ਹੀ ਲਾਕਰ ਖੁੱਲ੍ਹਦਾ ਹੈ)। ਬੈਂਕ ਦੀ ਚਾਬੀ ਨਾਲ ਲਾਕਰ ਖੁੱਲ੍ਹਿਆ ਪਰ ਜਦੋਂ ਔਰਤ ਨੇ ਚਾਬੀ ਲਾਈ ਤਾਂ ਲਾਕਰ ਨਹੀਂ ਖੁੱਲ੍ਹਿਆ। ਜਦੋਂ ਬੈਂਕ ਮੈਨੇਜਰ ਨੇ ਟੈਕਨੀਸ਼ੀਅਨ ਨੂੰ ਬੁਲਾ ਕੇ ਲਾਕਰ ਤੋੜਿਆ ਤਾਂ ਉਸ ਵਿੱਚੋਂ ਸਾਰੇ ਗਹਿਣੇ ਅਤੇ ਹੀਰੇ ਦੀ ਅੰਗੂਠੀ ਗਾਇਬ ਸੀ। ਇਸ ਤੋਂ ਬਾਅਦ ਔਰਤ ਦੇ ਹੋਸ਼ ਉੱਡ ਗਏ। ਪੀੜਤ ਔਰਤ ਨੇ ਦੱਸਿਆ ਕਿ ਕਿਤੇ ਬੈਂਕ ਮੁਲਾਜ਼ਮਾਂ ਦੀ ਮਿਲੀਭੁਗਤ ਨਾਲ ਲਾਕਰ ‘ਚੋਂ ਗਹਿਣੇ ਗਾਇਬ ਹੋ ਗਏ ਹੋਣਗੇ। ਉਧਰ, ਜਦੋਂ ਇਸ ਸਬੰਧੀ ਬੈਂਕ ਮੈਨੇਜਰ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਔਰਤ ਦੇ ਸਾਹਮਣੇ ਬੈਂਕ ਦਾ ਲਾਕਰ ਤੋੜਿਆ ਗਿਆ ਸੀ ਅਤੇ ਉਸ ਵਿੱਚ ਕੋਈ ਗਹਿਣਾ ਨਹੀਂ ਸੀ। ਜਾਂਚ ਕੀਤੀ ਜਾ ਰਹੀ ਹੈ ।