ਡਾ. ਜਸਬੀਰ ਸਿੰਘ ਸਰਨਾ ਦੀ ਅੰਗਰੇਜ਼ੀ ਕਿਤਾਬ “ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਮੂਲ ਸੰਕਲਪ” ਦਿਲਜੀਤ ਸਿੰਘ ਬੇਦੀ ਤੇ ਭਾਈ ਚੰਗਿਆੜਾ ਵੱਲੋਂ ਰਲੀਜ਼

ਡਾ. ਜਸਬੀਰ ਸਿੰਘ ਸਰਨਾ ਦੀ ਅੰਗਰੇਜ਼ੀ ਕਿਤਾਬ “ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਮੂਲ ਸੰਕਲਪ” ਦਿਲਜੀਤ ਸਿੰਘ ਬੇਦੀ ਤੇ ਭਾਈ ਚੰਗਿਆੜਾ ਵੱਲੋਂ ਰਲੀਜ਼
ਅੰਮ੍ਰਿਤਸਰ, 18 ਅਕਤੂਬਰ : ਗੁਰਦੁਆਰਾ ਮੱਲ ਅਖਾੜਾ ਸਾਹਿਬ ਪਾ:ਛੇਵੀਂ, ਬੁਰਜ ਅਕਾਲੀ ਬਾਬਾ ਫੂਲਾ ਸਿੰਘ ਛਾਉਣੀ ਬੁੱਢਾ ਦਲ ਵਿਖੇ ਸਿੱਖ ਵਿਦਵਾਨ ਡਾ. ਜਸਬੀਰ ਸਿੰਘ ਸਰਨਾ ਦੀ ਕਿਤਾਬ “ਧਚਿਟੋਿਨੳਰੇ ੋਡ ਟਹੲ ਵੲਰੇ ਚੋਨਚੲਪਟਸ ੋਡ ਘੁਰੁ ਘਰੳਨਟਹ ਸ਼ੳਹਬਿ” ਅਤੇ ਤ੍ਰੈਮਾਸਿਕ ਪੱਤਰ “ਜੇਹਲਮ ਦਾ ਪਾਣੀ” ਦਾ ਨਵਾਂ ਅੰਕ ਸਿੱਖ ਚਿੰਤਕ ਸ. ਦਿਲਜੀਤ ਸਿੰਘ ਬੇਦੀ ਸਕੱਤਰ ਬੁੱਢਾ ਦਲ ਅਤੇ ਵਿਸ਼ਵ ਪ੍ਰਚਾਰਕ ਸ. ਬਲਬੀਰ ਸਿੰਘ ਚੰਗਿਆੜਾ ਨੇ ਸਾਂਝੇ ਤੌਰ ਤੇ ਲੋਕ ਅਰਪਿਤ ਕੀਤਾ । ਇਸ ਰਵਾਇਤੀ ਸਮਾਗਮ ਸਮੇਂ ਸ੍ਰੋਮਣੀ ਪੰਥ ਅਕਾਲੀ ਬੁੱਢਾ ਦਲ ਦੇ ਸਕੱਤਰ ਸ. ਦਿਲਜੀਤ ਸਿੰਘ ਬੇਦੀ ਨੇ ਕਿਹਾ ਕਿ ਡਾ. ਜਸਬੀਰ ਸਿੰਘ ਸਰਨਾ ਦਾ “ਗੁਰੂ ਗ੍ਰੰਥ ਸਾਹਿਬ ਦੇ ਮੁੱਖ ਸੰਕਲਪਾਂ ਦਾ ਕੋਸ਼” ਇੱਕ ਅਨਮੋਲ ਗਾਈਡ ਹੈ, ਜੋ ਇਸ ਪਵਿੱਤਰ ਗ੍ਰੰਥ ਵਿੱਚ ਸ਼ਾਮਲ 113 ਪ੍ਰਮੁੱਖ ਸੰਕਲਪਾਂ ਦੀ ਡੂੰਘਾਈ ਨਾਲ ਖੋਜ ਦੀ ਪੇਸ਼ਕਸ਼ ਕਰਦਾ ਹੈ। ਇਹ ਸਿੱਖ ਧਰਮ ਦੀਆਂ ਅਧਿਆਤਮਿਕ ਅਤੇ ਦਾਰਸ਼ਨਿਕ ਡੂੰਘਾਈਆਂ ਨੂੰ ਖੋਲ੍ਹਣ ਦੀ ਕੁੰਜੀ ਹੈ । ਸ. ਬੇਦੀ ਨੇ ਕਿਹਾ ਡਾ. ਜਸਬੀਰ ਸਿੰਘ ਸਰਨਾ ਦਾ ਕੰਮ ਕੇਵਲ ਹੱਥਲਾ ਕੋਸ਼ ਹੀ ਨਹੀਂ ਸਗੋਂ ਸਮਕਾਲੀ ਪਾਠਕਾਂ ਨੂੰ ਗੁਰੂ ਗ੍ਰੰਥ ਸਾਹਿਬ ਦੇ ਸਦੀਵੀ ਗਿਆਨ ਨਾਲ ਜੋੜਨ ਵਾਲਾ ਪੁਲ ਹੈ। ਡਿਕਸ਼ਨਰੀ ਗੁੰਝਲਦਾਰ ਸ਼ਬਦਾਂ ਨੂੰ ਸਪੱਸ਼ਟ ਕਰਕੇ ਨਿੱਜੀ ਪ੍ਰਤੀਬਿੰਬ ਅਤੇ ਅਕਾਦਮਿਕ ਅਧਿਐਨ ਲਈ ਇੱਕ ਮਹੱਤਵਪੂਰਣ ਸਰੋਤ ਵਜੋਂ ਕੰਮ ਕਰਦਾ ਹੈ। ਉਨ੍ਹਾਂ ਕਿਹਾ ਇਹ ਪਾਠਕਾਂ ਨੂੰ ਇਸ ਦੀਆਂ ਸਿੱਖਿਆਵਾਂ ਨਾਲ ਵਧੇਰੇ ਗੂੜ੍ਹਾ ਅਤੇ ਸ਼ਾਸਤਰ ਵਿੱਚ ਡੂੰਘਾਈ ਨਾਲ ਜਾਣ ਲਈ ਉਤਸ਼ਾਹਿਤ ਕਰਦਾ ਹੈ। ਉਨ੍ਹਾਂ ਕਿਹਾ ਕਿਸੇ ਵੀ ਭਾਸ਼ਾ ਦੀ ਅਮੀਰੀ ਸ਼ਬਦਕੋਸ਼ ਨਾਲ ਜੁੜੀ ਹੋਈ ਹੁੰਦੀ ਹੈ, ਅਤੇ ਪੰਜਾਬੀ ਵਿੱਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਵੱਖ-ਵੱਖ ਸ਼ਬਦਕੋਸ਼ ਇਸ ਖੇਤਰ ਵਿੱਚ ਰਚਨਾਤਮਕ ਯੋਗਦਾਨ ਪਾ ਰਹੇ ਹਨ। ਇਹ ਗੁਰਮਤਿ ਸਾਹਿਤ ਦੇ ਵਿਦਿਆਰਥੀਆਂ ਲਈ ਇੱਕ ਵਿਆਪਕ ਖੋਜ ਸੰਦ ਹੈ। ਐਂਟਰੀ ਨੂੰ ਵਰਣਮਾਲਾ ਦੇ ਕ੍ਰਮ ਵਿੱਚ ਧਿਆਨ ਨਾਲ ਸੰਗਠਿਤ ਕੀਤਾ ਗਿਆ ਹੈ । ਸਿੱਖ ਧਰਮ ਦੇ ਅੰਤਰ ਰਾਸ਼ਟਰੀ ਪ੍ਰਚਾਰਕ ਗਿ. ਬਲਬੀਰ ਸਿੰਘ ਚੰਗਿਆੜਾ ਨੇ ਕਿਹਾ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਸ਼ਵ-ਵਿਆਪੀ ਸ਼ਰਧਾ ਦੇ ਇੱਕ ਵਿਸ਼ਾਲ ਸਾਗਰ ਦੇ ਰੂਪ ਵਿੱਚ ਖੜ੍ਹਾ ਹੈ, ਇਸ ਦੀ ਡੂੰਘੀ ਅਧਿਆਤਮਿਕ ਅਤੇ ਦਾਰਸ਼ਨਿਕ ਸੂਝ ਬੁਨਿਆਦੀ ਸਿਧਾਂਤਾਂ ਨੂੰ ਪ੍ਰਕਾਸ਼ਮਾਨ ਕਰਦੀ ਹੈ, ਪੰਜਾਬੀ ਸਾਹਿਤਕ ਸਿਧਾਂਤ ਨੂੰ ਇਸ ਦੇ ਨਿਰੰਤਰ ਬੌਧਿਕ ਯੋਗਦਾਨ ਦੁਆਰਾ ਅਮੀਰ ਬਣਾਉਂਦੀ ਹੈ । ਭਾਜਪਾ ਆਗੂ ਸ. ਇੰਦਰਜੀਤ ਸਿੰਘ ਬਾਸਰਕੇ ਨੇ ਕਿਹਾ ਗੁਰੂ ਗ੍ਰੰਥ ਸਾਹਿਬ ਦੇ ਮੁੱਖ ਸੰਕਲਪਾਂ ਦਾ ਕੋਸ਼” ਇਸ ਪਵਿੱਤਰ ਗ੍ਰੰਥ ਦੇ ਅਧਿਆਤਮਿਕ ਅਤੇ ਦਾਰਸ਼ਨਿਕ ਗਿਆਨ ਦੀ ਡੂੰਘਾਈ ਨਾਲ ਖੋਜ ਕਰਨ ਦੀ ਕੋਸ਼ਿਸ਼ ਕਰਨ ਵਾਲਿਆਂ ਲਈ ਇੱਕ ਜ਼ਰੂਰੀ ਮਾਰਗ ਦਰਸ਼ਕ ਹੈ। ਉਨ੍ਹਾਂ ਕਿਹਾ ਖੋਜਾਰਥੀ ਇਹਨਾਂ ਮੁੱਖ ਸੰਕਲਪਾਂ ਦੀ ਪੜਚੋਲ ਕਰਕੇ, ਪਿਆਰ, ਏਕਤਾ ਅਤੇ ਸ਼ਰਧਾ ਦੇ ਸਦੀਵੀ ਸੰਦੇਸ਼ ਦੀ ਕਦਰ ਕਰ ਸਕਦੇ ਹਨ । ਇਹ ਰਚਨਾ ਪਾਠਕਾਂ ਨੂੰ ਗੁਰੂ ਗ੍ਰੰਥ ਸਾਹਿਬ ਦੀ ਅਮੀਰ ਅਧਿਆਤਮਿਕ ਵਿਰਾਸਤ ਵਿੱਚ ਲੀਨ ਹੋਣ ਲਈ ਸੱਦਾ ਦਿੰਦੀ ਹੈ, ਇਸ ਦੀਆਂ ਬ੍ਰਹਮ ਸਿੱਖਿਆਵਾਂ ਨਾਲ ਡੂੰਘੇ ਸਬੰਧ ਨੂੰ ਉਤਸ਼ਾਹਿਤ ਕਰਦੀ ਹੈ । ਇਸ ਸਮੇਂ ਡਾ. ਜਸਬੀਰ ਸਿੰਘ ਸਰਨਾ ਨੇ ਸਭ ਪੁਜੀਆਂ ਵਿਸ਼ੇਸ਼ ਸਖ਼ਸ਼ੀਅਤਾਂ ਦਾ ਦੰਨਵਾਦ ਕੀਤਾ। ਬਾਬਾ ਭਾਗਤ ਸਿੰਘ ਨੇ ਸਿਰਪਾਓ ਨਾਲ ਲੇਖਕ ਤੇ ਪ੍ਰਚਾਰਕ ਅਤੇ ਵਿਸ਼ੇਸ਼ ਮਹਿਮਾਨਾਂ ਨੂੰ ਸਨਮਾਨਤ ਕੀਤਾ । ਇਸ ਸਮੇਂ ਸ. ਪਰਮਜੀਤ ਸਿੰਘ ਬਾਜਵਾ, ਸ. ਸਾਹਿਬ ਸਿੰਘ, ਸ. ਅਵਤਾਰ ਸਿੰਘ ਛੀਨਾ, ਸ. ਮਹਿੰਦਰ ਸਿੰਘ ਇੰਸਪੈਕਟਰ ਪੁਲੀਸ, ਸ੍ਰੀ ਰਾਜਨ ਸੇਠ ਕੈਪਟਨ ਨੇਵੀਂ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ ।