ਮੋਟਰ ਵਹੀਕਲ ਐਕਟ, 1988 ਦੇ ਤਹਿਤ ਵਾਹਨ ਨੰਬਰ ਪਲੇਟ ‘ਤੇ ਧਰਮ, ਜਾਤ ਜਾਂ ਕੋਈ ਫੈਂਸੀ ਸਲੋਗਨ ਲਿਖਿਆ ਹੋਣਾ ਹੋਵੇਗਾ ਗੈਰ ਕਾਨੂੰਨੀ

ਮੋਟਰ ਵਹੀਕਲ ਐਕਟ, 1988 ਦੇ ਤਹਿਤ ਵਾਹਨ ਨੰਬਰ ਪਲੇਟ ‘ਤੇ ਧਰਮ, ਜਾਤ ਜਾਂ ਕੋਈ ਫੈਂਸੀ ਸਲੋਗਨ ਲਿਖਿਆ ਹੋਣਾ ਹੋਵੇਗਾ ਗੈਰ ਕਾਨੂੰਨੀ
ਚੰਡੀਗੜ੍ਹ : ਪੰਜਾਬ ਦੀ ਰਾਜਧਾਨੀ ਚੰਡੀਗੜ੍ਹ ਵਿਖੇ ਹੁਣ ਮੋਟਰ ਵਹੀਕਲ ਐਕਟ, 1988 ਦੇ ਤਹਿਤ ਵਾਹਨ ਦੀ ਨੰਬਰ ਪਲੇਟ ‘ਤੇ ਧਰਮ, ਜਾਤ ਜਾਂ ਕੋਈ ਫੈਂਸੀ ਸਲੋਗਨ ਲਿਖਣਾ ਜਿਥੇ ਗੈਰ-ਕਾਨੂੰਨੀ ਮੰਨਿਆਂ ਜਾਵੇਗਾ, ਉਥੇ ਭਾਰੀ ਜੁਰਮਾਨਾ ਵੀ ਕੀਤਾ ਜਾ ਸਕਦਾ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਲੋਕਾਂ ਵਲੋਂ ਵਾਹਨਾਂ ਤੇ ਉਪਰੋਕਤ ਤਰੀਕੇ ਨਾਲ ਵਾਹਨਾਂ ਤੇ ਇਸ ਲਈ ਲਿਖਵਾਇਆ ਜਾਂਦਾ ਹੈ ਤਾਂ ਜੋ ਵਾਹਨਾਂ ਨੂੰ ਆਕਰਸ਼ਕ ਲੁੱਕ ਦਿੱਤੀ ਜਾ ਸਕੇ। ਇਥੇ ਹੀ ਬਸ ਨਹੀਂ ਅਜਿਹਾ ਕਰਨ ਤੋਂ ਇਲਾਵਾ ਫੈਂਸੀ ਨੰਬਰ ਪਲੇਟਾਂ ਦੀ ਵਰਤੋਂ ਵੀ ਕੀਤੀ ਜਾਂਦੀ ਹੈ ਪਰ 2023 ਵਿੱਚ ਲਾਗੂ ਹੋਏ ਮੋਟਰ ਵ੍ਹੀਕਲ ਐਕਟ ਅਨੁਸਾਰ ਅਜਿਹਾ ਕਰਨਾ ਪੂਰੀ ਤਰ੍ਹਾਂ ਗੈਰ-ਕਾਨੂੰਨੀ ਹੈ। ਐਕਟ ਤਹਿਤ ਨੰਬਰ ਪਲੇਟ ‘ਤੇ ਧਰਮ ਜਾਂ ਜਾਤੀ ਨਾਲ ਸਬੰਧਤ ਕੋਈ ਵੀ ਇਤਰਾਜ਼ਯੋਗ ਸ਼ਬਦ ਜਾਂ ਸਟਿੱਕਰ ਲਗਾਉਣਾ ਕਾਨੂੰਨ ਦੀ ਉਲੰਘਣਾ ਮੰਨਿਆ ਜਾਵੇਗਾ।
ਪ੍ਰਾਪਤ ਜਾਣਕਾਰੀ ਮੁਤਾਬਕ ਵਾਹਨ ਦੀ ਨੰਬਰ ਪਲੇਟ ‘ਤੇ ਧਰਮ, ਜਾਤ ਜਾਂ ਕੋਈ ਇਤਰਾਜ਼ਯੋਗ ਸ਼ਬਦ ਲਿਖਣ ਤੇ ਘੱਟੋ-ਘੱਟ 1 ਹਜ਼ਾਰ ਰੁਪਏ ਦਾ ਜੁਰਮਾਨਾ ਭਰਨਾ ਪੈ ਸਕਦਾ ਹੈ। 2023 ਦੀ ਨਵੀਂ ਸੋਧ ਤਹਿਤ ਇਹ ਜੁਰਮਾਨਾ 5 ਹਜ਼ਾਰ ਰੁਪਏ ਤੱਕ ਵੀ ਜਾ ਸਕਦਾ ਹੈ। ਇਹ ਨਿਯਮ ਵਾਹਨਾਂ ਦੀ ਸਹੀ ਪਛਾਣ ਬਣਾਈ ਰੱਖਣ ਅਤੇ ਸਮਾਜ ਵਿੱਚ ਸਮਾਨਤਾ ਨੂੰ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ ਲਾਗੂ ਕੀਤਾ ਗਿਆ ਹੈ, ਇਸ ਲਈ ਜੇਕਰ ਵਾਹਨ ਦੀ ਨੰਬਰ ਪਲੇਟ ‘ਤੇ ਕੁਝ ਲਿਖਿਆ ਹੈ ਜੋ ਇਨ੍ਹਾਂ ਨਿਯਮਾਂ ਦੀ ਉਲੰਘਣਾ ਕਰਦਾ ਹੈ ਤਾਂ ਇਸ ਨੂੰ ਜਲਦੀ ਤੋਂ ਜਲਦੀ ਹਟਾ ਦਿੱਤਾ ਜਾਵੇ ਤਾਂ ਜੋ ਚਲਾਨ ਤੋਂ ਬਚਿਆ ਜਾ ਸਕੇ ।