ਕੇਂਦਰ ਸਰਕਾਰ ਕਰ ਰਹੀ ਹੈ ਦੀਵਾਲੀ ਤੱਕ ਦਿੱਲੀ ਦੀਆਂ ਸੜਕਾਂ `ਤੇ ਪੁਰਾਣੇ ਡੀਜ਼ਲ ਅਤੇ ਪੈਟਰੋਲ ਵਾਹਨਾਂ ਦਾ ਪਤਾ ਲਗਾਉਣ ਲਈ ਆਨਲਾਈਨ ਪ੍ਰਣਾਲੀ ਲਾਗੂ
ਕੇਂਦਰ ਸਰਕਾਰ ਕਰ ਰਹੀ ਹੈ ਦੀਵਾਲੀ ਤੱਕ ਦਿੱਲੀ ਦੀਆਂ ਸੜਕਾਂ `ਤੇ ਪੁਰਾਣੇ ਡੀਜ਼ਲ ਅਤੇ ਪੈਟਰੋਲ ਵਾਹਨਾਂ ਦਾ ਪਤਾ ਲਗਾਉਣ ਲਈ ਆਨਲਾਈਨ ਪ੍ਰਣਾਲੀ ਲਾਗੂ
ਦਿੱਲੀ : ਦਿੱਲੀ ਵਿਚ ਵਧਦੇ ਪ੍ਰਦੂਸ਼ਣ ਨੂੰ ਘੱਟ ਕਰਨ ਲਈ ਕੇਂਦਰ ਸਰਕਾਰ ਨੇ ਇਕ ਨਵਾਂ ਫੈਸਲਾ ਲੈਂਦਿਆਂ ਦੀਵਾਲੀ ਤੱਕ ਦਿੱਲੀ ਦੀਆਂ ਸੜਕਾਂ `ਤੇ ਪੁਰਾਣੇ ਡੀਜ਼ਲ ਅਤੇ ਪੈਟਰੋਲ ਵਾਹਨਾਂ ਦਾ ਪਤਾ ਲਗਾਉਣ ਲਈ ਔਨਲਾਈਨ ਪ੍ਰਣਾਲੀ ਲਾਗੂ ਕੀਤੀ ਜਾਵੇਗੀ, ਜਿਸ `ਚ ਫਾਸਟੈਗ ਡੇਟਾ ਅਤੇ ਵਾਹਨ ਡੇਟਾਬੇਸ ਦੀ ਵਰਤੋਂ ਕੀਤੀ ਜਾਵੇਗੀ । ਜਿਸ `ਚ ਅਧਿਕਾਰੀ ਯੋਗ ਫਿਟਨੈਸ ਅਤੇ ਪ੍ਰਦੂਸ਼ਣ ਸਰਟੀਫਿਕੇਟ ਤੋਂ ਬਿਨਾਂ ਵਾਹਨਾਂ ਦੀ ਸ਼ਨਾਖਤ ਕਰਕੇ ਉਨ੍ਹਾਂ ਦਾ ਈ-ਚਲਾਨ ਜਾਰੀ ਕਰਨਗੇ । ਕੇਂਦਰ ਸਰਕਾਰ ਨੇ ਪ੍ਰਦੂਸ਼ਣ ਨੂੰ ਕੰਟਰੋਲ ਕਰਨ ਲਈ ਨਵੀਂ ਤਕਨੀਕ ਲਿਆਉਣ ਦਾ ਫੈਸਲਾ ਕੀਤਾ ਹੈ । ਈ-ਚਲਾਨ ਦੀ ਇਹ ਪ੍ਰਣਾਲੀ ਸਭ ਤੋਂ ਪਹਿਲਾਂ ਦਿੱਲੀ `ਚ ਲਾਗੂ ਕੀਤੀ ਜਾਵੇਗੀ। ਇਸ ਲਈ ਦਿੱਲੀ `ਚ ਦਾਖਲ ਹੋਣ ਵਾਲੇ 52 ਰਸਤਿਆਂ `ਤੇ ਈ-ਡਿਟੈਕਸ਼ਨ ਰਾਹੀਂ ਚਲਾਨ ਜਾਰੀ ਕੀਤਾ ਜਾਵੇਗਾ । ਕੁਝ ਦਿਨਾਂ ਬਾਅਦ ਇਸ ਨੂੰ ਪੂਰੇ ਦੇਸ਼ `ਚ ਲਾਗੂ ਕਰਨ ਦੀ ਯੋਜਨਾ ਹੈ। ਫਾਸਟੈਗ ਡੇਟਾ ਅਤੇ ਵਾਹਨ ਡੇਟਾਬੇਸ ਦੀ ਵਰਤੋਂ ਸੜਕਾਂ `ਤੇ ਪੁਰਾਣੇ ਡੀਜ਼ਲ ਅਤੇ ਪੈਟਰੋਲ ਵਾਹਨਾਂ ਦਾ ਪਤਾ ਲਗਾਉਣ ਲਈ ਕੀਤੀ ਜਾਵੇਗੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਰਾਹੀਂ ਜਿਹੜੇ ਵਾਹਨ ਬਿਨਾਂ ਫਿਟਨੈਸ ਅਤੇ ਪ੍ਰਦੂਸ਼ਣ ਸਰਟੀਫਿਕੇਟ ਤੋਂ ਸੜਕਾਂ `ਤੇ ਚੱਲ ਰਹੇ ਹਨ, ਉਨ੍ਹਾਂ ਦਾ ਪਤਾ ਲਗਾਇਆ ਜਾਵੇਗਾ ।
ਵਾਹਨਾਂ ਦੇ ਚਲਾਨ ਕੱਟਣ ਲਈ ਹਾਈਵੇਅ `ਤੇ ਵਿਸ਼ੇਸ਼ ਤੌਰ `ਤੇ ਈ-ਡਿਟੈਕਸ਼ਨ ਸਿਸਟਮ ਲਗਾਇਆ ਗਿਆ ਹੈ। ਇਹ ਸਿਸਟਮ ਵਾਹਨਾਂ ਦੇ ਦਸਤਾਵੇਜ਼ਾਂ ਦੀ ਜਾਂਚ ਕਰਦਾ ਹੈ ਅਤੇ ਜੇਕਰ ਦਸਤਾਵੇਜ਼ਾਂ `ਚ ਕੋਈ ਕਮੀ ਪਾਈ ਜਾਂਦੀ ਹੈ ਤਾਂ ਇਸ ਬਾਰੇ ਸੂਚਿਤ ਕਰਦੀ ਹੈ। ਇਸ ਤੋਂ ਬਾਅਦ ਸਿਸਟਮ ਤੁਰੰਤ ਉਸ ਵਾਹਨ ਦੇ ਮਾਲਕ ਨੂੰ ਚਲਾਨ ਬਾਰੇ ਸੂਚਿਤ ਕਰਦਾ ਹੈ । ਈ-ਡਿਟੈਕਸ਼ਨ ਸਿਸਟਮ ਦਿੱਲੀ ਦੀਆਂ ਸੜਕਾਂ `ਤੇ ਚੱਲ ਰਹੀਆਂ 10 ਤੋਂ 15 ਸਾਲ ਪੁਰਾਣੀਆਂ ਡੀਜ਼ਲ ਅਤੇ ਪੈਟਰੋਲ ਕਾਰਾਂ `ਤੇ ਸ਼ਿਕੰਜਾ ਕੱਸੇਗਾ। ਸੂਤਰਾਂ ਮੁਤਾਬਕ ਦੀਵਾਲੀ ਤੱਕ ਈ-ਡਿਟੈਕਸ਼ਨ ਸਿਸਟਮ ਸ਼ੁਰੂ ਕਰ ਦਿੱਤਾ ਜਾਵੇਗਾ। ਇਸ ਨਾਲ ਟਰਾਂਸਪੋਰਟ ਵਿਭਾਗ ਨੂੰ ਪਤਾ ਲੱਗੇਗਾ ਕਿ ਕਿਹੜੇ ਵਾਹਨ ਪ੍ਰਦੂਸ਼ਣ ਫੈਲਾ ਰਹੇ ਹਨ। ਫਿਰ ਉਨ੍ਹਾਂ ਦਾ ਈ-ਚਲਾਨ ਕੱਟਿਆ ਜਾਵੇਗਾ। ਇਸ ਦੇ ਲਈ ਫਾਸਟੈਗ ਅਤੇ ਹੋਰ ਵੇਰਵਿਆਂ ਨੂੰ ਕੈਪਚਰ ਕਰਨ ਲਈ ਕੈਮਰੇ ਲਗਾਏ ਜਾਣਗੇ । ਦਿੱਲੀ `ਚ 10 ਸਾਲ ਤੋਂ ਪੁਰਾਣੇ ਵਾਹਨਾਂ ਨੂੰ ਸੜਕਾਂ `ਤੇ ਚਲਾਉਣ ਦੀ ਇਜਾਜ਼ਤ ਨਹੀਂ ਹੈ। ਇਸ ਦੇ ਬਾਵਜੂਦ ਸੜਕਾਂ `ਤੇ ਵਾਹਨ ਦੌੜਦੇ ਨਜ਼ਰ ਆ ਰਹੇ ਹਨ। ਇਸ ਨਵੇਂ ਨਿਯਮ ਤੋਂ ਬਾਅਦ ਦੂਜੇ ਰਾਜਾਂ ਦੇ ਵਾਹਨਾਂ ਨੂੰ ਵੀ ਦਿੱਲੀ `ਚ ਦਾਖਲ ਹੋਣ ਲਈ ਈ-ਡਿਟੈਕਸ਼ਨ ਤੋਂ ਗੁਜ਼ਰਨਾ ਪਵੇਗਾ। ਵਾਹਨ ਦੀ ਸਥਿਤੀ ਦੀ ਪਰਵਾਹ ਕੀਤੇ ਬਿਨਾਂ, ਜੇਕਰ ਇਹ 10 ਸਾਲ ਪੁਰਾਣਾ ਹੈ ਅਤੇ ਅਣਫਿੱਟ ਹੈ, ਤਾਂ ਇਸਦਾ ਈ-ਚਾਲਾਨ ਕੀਤਾ ਜਾਵੇਗਾ ।