ਡਿਪਟੀ ਕਮਿਸ਼ਨਰ ਜਤਿੰਦਰ ਜੋਰਵਾਲ ਵੱਲੋਂ ਸੀਵਰੇਜ ਬੋਰਡ ਅਤੇ ਨਗਰ ਕੌਂਸਲ ਦੇ ਅਧਿਕਾਰੀਆਂ ਨੂੰ ਸਖਤ ਦਿਸ਼ਾ ਨਿਰਦੇਸ਼ ਜਾਰੀ

ਡਿਪਟੀ ਕਮਿਸ਼ਨਰ ਜਤਿੰਦਰ ਜੋਰਵਾਲ ਵੱਲੋਂ ਸੀਵਰੇਜ ਬੋਰਡ ਅਤੇ ਨਗਰ ਕੌਂਸਲ ਦੇ ਅਧਿਕਾਰੀਆਂ ਨੂੰ ਸਖਤ ਦਿਸ਼ਾ ਨਿਰਦੇਸ਼ ਜਾਰੀ
ਸੰਗਰੂਰ ਸ਼ਹਿਰ ਵਿਖੇ ਸੀਵਰੇਜ ਲਾਈਨਾਂ ਅਤੇ ਡ੍ਰੇਨ ਦੀ ਸਫਾਈ ਦਾ ਕੰਮ ਨਿਰਵਿਗਨ ਢੰਗ ਨਾਲ ਕੀਤਾ ਜਾਵੇ ਮੁਕੰਮਲ
ਜਲਦ ਹੀ ਸ਼ਹਿਰ ਦੇ ਬਾਕੀ ਰਹਿੰਦੇ ਏਰੀਏ ਵਿੱਚ ਵੀ ਆਧੁਨਿਕ ਸੁਪਰ ਸ਼ੱਕਰ ਮਸ਼ੀਨ ਨਾਲ ਹੋਵੇਗੀ ਸਫਾਈ
ਸੰਗਰੂਰ, 10 ਜੁਲਾਈ : ਮਾਨਸੂਨ ਦੇ ਮੱਦਨਜ਼ਰ ਡਿਪਟੀ ਕਮਿਸ਼ਨਰ ਜਤਿੰਦਰ ਜੋਰਵਾਲ ਵੱਲੋਂ ਸੀਵਰੇਜ ਬੋਰਡ ਅਤੇ ਨਗਰ ਕੌਂਸਲ ਦੇ ਅਧਿਕਾਰੀਆਂ ਨੂੰ ਸ਼ਹਿਰ ਦੀਆਂ ਸਾਰੀਆਂ ਸੀਵਰ ਲਾਈਨਾਂ ਅਤੇ ਡ੍ਰੇਨਾਂ ਦੀ ਸਫਾਈ ਲਈ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ ਹਨ। ਇਨ੍ਹਾਂ ਹਦਾਇਤਾਂ ਦੀ ਪਾਲਣਾ ਕਰਦਿਆਂ ਸੀਵਰੇਜ ਬੋਰਡ ਦੇ ਕਾਰਜਕਾਰੀ ਇੰਜੀਨੀਅਰ ਸਤਵਿੰਦਰ ਸਿੰਘ ਢਿੱਲੋਂ ਵੱਲੋਂ ਸਫਾਈ ਦਾ ਕੰਮ ਜ਼ੋਰਾਂ ‘ਤੇ ਕਰਵਾਇਆ ਜਾ ਰਿਹਾ ਹੈ । ਵਧੀਕ ਡਿਪਟੀ ਕਮਿਸ਼ਨਰ (ਜ) ਆਕਾਸ਼ ਬਾਂਸਲ ਦੀ ਨਿਗਰਾਨੀ ਹੇਠ ਕਰਵਾਏ ਜਾ ਰਹੇ ਇਸ ਕੰਮ ਦਾ ਜਾਇਜ਼ਾ ਉਪ ਮੰਡਲ ਮੈਜਿਸਟਰੇਟ ਸੰਗਰੂਰ ਚਰਨਜੋਤ ਸਿੰਘ ਵਾਲੀਆ ਵੱਲੋਂ ਵੀ ਲਿਆ ਗਿਆ। ਕਾਰਜਕਾਰੀ ਇੰਜੀਨੀਅਰ ਸੀਵਰੇਜ ਬੋਰਡ ਸੰਗਰੂਰ ਵੱਲੋਂ ਮੌਕੇ ਉਪਰ ਸੁਨਾਮੀ ਗੇਟ, ਸਬਜੀ ਮੰਡੀ, ਭਗਤ ਸਿੰਘ ਚੌਕ ਵਿਖੇ ਵੱਖ-2 ਡਰੇਨ ਅਤੇ ਨਾਲੇ ਦੇ ਟੈਪਿੰਗ ਪੁਆਇਂਟ ਦਿਖਾਏ ਗਏ ਜਿਨਾਂ ਕਾਰਨ ਡਰੇਨ ਦੀ ਸਾਰੀ ਗਾਰ, ਗੰਦਾ ਪਾਣੀ, ਕੁੜਾ ਕਰਕਟ ਬੇਕ ਫਲੋ ਹੋਕੇ ਸੀਵਰ ਵਿੱਚ ਜਮ੍ਹਾਂ ਹੋ ਰਖਿਆ ਸੀ। ਜਾਇਜ਼ੇ ਦੌਰਾਨ ਕੁਝ ਸ਼ਹਿਰ ਵਾਸੀਆ ਨੇ ਇਸ ਤੱਥ ਬਾਰੇ ਜਾਣੂ ਕਰਵਾਇਆ ਕਿ ਕਈ ਥਾਵਾਂ ‘ਤੇ ਨਾਲਾ ਬੰਦ ਹੈ ਅਤੇ ਨਾਜਾਇਜ਼ ਕਬਜ਼ੇ ਦੀ ਮਾਰ ਹੇਠ ਵੀ ਹੈ ਜਿਸ ਕਾਰਨ ਨਾਲੀਆ ਦੀ ਨਿਕਾਸੀ ਸੀਵਰ ਨਾਲ ਹੀ ਕਰ ਦਿੱਤੀ ਗਈ ਹੈ। ਐਕਸੀਅਨ ਢਿੱਲੋਂ ਨੇ ਦੱਸਿਆ ਕਿ ਅਜਿਹਿਆਂ ਥਾਂਵਾਂ ਦੀ ਭਾਲ ਜਾਰੀ ਹੈ ਅਤੇ ਇਹਨਾਂ ਨੂੰ ਬੰਦ ਵੀ ਕੀਤਾ ਜਾ ਰਿਹਾ ਹੈ। ਵਧੀਕ ਡਿਪਟੀ ਕਮਿਸ਼ਨਰ ਵੱਲੋਂ ਨਗਰ ਕੌਂਸਲ ਨੂੰ ਟੈਪ ਕੀਤੀਆ ਗਈਆਂ ਥਾਵਾਂ ਤੇਜਾਲੀਆ ਲਗਾਉਣ ਦੀ ਹਦਾਇਤ ਕੀਤੀ ਗਈ ਜਿਸ ਨਾਲ ਠੋਸ ਮਲਬਾ ਸੀਵਰ ਵਿੱਚ ਨਾ ਜਾ ਸਕੇ ਅਤੇ ਨਗਰ ਕੌਂਸਲ ਵੱਲੋਂ ਇਹ ਕੰਮ ਵੀ ਅਰੰਭਿਆ ਜਾ ਚੁੱਕਾ ਹੈ । ਕਾਰਜਕਾਰੀ ਇੰਜੀਨੀਅਰ ਸੀਵਰੇਜ਼ ਵੱਲੋਂ ਇਹ ਜਾਣੂ ਕਰਵਾਇਆ ਗਿਆ ਕਿ ਸ਼ਹਿਰ ਵਿੱਚ ਆਧੁਨਿਕ ਮਸ਼ੀਨਾਂ ਨਾਲ ਸ਼ਹਿਰ ਦੇ ਸੀਵਰੇਜ਼ ਦੀ ਸਫਾਈ ਦਾ ਕੰਮ ਸ਼ੁਰੂ ਕਰ ਦਿੱਤਾ ਕਰ ਗਿਆ ਹੈ। ਮਾਨਸੂਨ ਦੇ ਸ਼ੀਜਨ ਨੂੰ ਮੱਦੇ ਨਜ਼ਰ ਸੰਗਰੂਰ ਵਿਖੇ 2 ਨੰਬਰ ਜੇਟਿੰਗ ਕਮ ਸ਼ਕਸ਼ਨ ਮਸ਼ੀਨ, 1 ਗਰੇਬ ਬਕਟ ਮਸ਼ੀਨ ਅਤੇ 1 ਸ਼ਕਸ਼ਨ ਟੈਂਡਰ ਲਗਾ ਕੇ ਸ਼ਹਿਰ ਦੇ ਵੱਖ-2 ਇਲਾਕਿਆਂ ਵਿੱਚ ਕੰਮ ਸ਼ੁਰੂ ਕਰਵਾ ਦਿੱਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਪਿਛਲੇ ਦਿਨਾਂ ਵਿੱਚ ਖਲੀਫਾ ਬਾਗ ਗਲੀ ਨੰਬਰ 6, ਮਹਿਲ ਮੁਬਾਰਕ ਗਲੀ ਨੰਬਰ 1, ਅਗਰਵਾਲ ਕਲੋਨੀ ਵਿੱਚ ਸਫਾਈ ਕਰਵਾਈ ਗਈ ਅਤੇ ਆਉਣ ਵਾਲੇ ਦਿਨਾਂ ਵਿੱਚ ਸ਼ਹਿਰ ਦੇ ਮੇਨ ਸੀਵਰ ਦੀ ਸਫਾਈ ਦਾ ਕੰਮ ਵੀ ਸ਼ੁਰੂ ਕੀਤਾ ਜਾਵੇਗਾ ਜਿਸ ਲਈ ਨਗਰ ਕੌਸ਼ਲ ਪੰਜਾਬ ਮਿਉਂਸਪਲ ਐਕਟ 1911 ਦੀ ਧਾਰਾ 35 ਅਧੀਨ ਕੰਮ ਦੇ ਹੁਕਮ ਜਾਰੀ ਕਰ ਦਿੱਤੇ ਗਏ ਹਨ ਅਤੇ ਜਲਦ ਹੀ ਸ਼ਹਿਰ ਦੇ ਬਾਕੀ ਰਹਿੰਦੇ ਏਰੀਏ ਵਿੱਚ ਵੀ ਆਧੁਨਿਕ ਸੁਪਰ ਸ਼ੱਕਰ ਮਸ਼ੀਨ ਨਾਲ ਸਫਾਈ ਦਾ ਕੰਮ ਕਰ ਦਿੱਤਾ ਜਾਵੇਗਾ । ਕਾਰਜਕਾਰੀ ਇੰਜੀਨੀਅਰ ਸੀਵਰੇਜ ਬੋਰਡ ਵੱਲੋਂ ਸ਼ਹਿਰ ਵਾਸੀਆਂ ਨੂੰ ਆਪਣਾ ਫੋਨ ਨੰਬਰ 97800-14399, ਉਪ ਮੰਡਲ ਅਫ਼ਸਰ (SDO) ਦਾ ਫੋਨ ਨੰਬਰ 98727-30032 ਅਤੇ ਜੇ.ਈ 81958-78700 ਦੇ ਫੋਨ ਨੰਬਰ ਵੀ ਦਿੱਤਾ ਗਿਆ ਹੈ ਤਾਂ ਜੋ ਕਿ ਲੋਕ ਸਿਧੇ ਤੌਰ ‘ਤੇ ਸੀਵਰ ਜਾਮ ਦੀ ਸਮੱਸਿਆ ਬਾਰੇ ਜਾਣਕਾਰੀ ਸਾਂਝੀ ਕਰ ਸਕਣ। ਉਨ੍ਹਾਂ ਇਸ ਸਬੰਧੀ ਮਹਿਕਮੇ ਦੇ ਹੈਲਪ ਲਾਈਨ ਨੰਬਰ 1800313155066 ਬਾਰੇ ਵੀ ਲੋਕਾਂ ਨੂੰ ਜਾਗਰੂਕ ਕੀਤਾ ।