ਪੁੱਤ ਨੇ ਕੀਤਾ ਪਿਤਾ ਦੀ ਮੌਤ `ਤੇ ਸ਼ਮਸ਼ਾਨਘਾਟ `ਚ ਢੋਲ ਧਮੱਕੇ ’ਤੇ ਨੱਚ ਟੱਪ ਕੇ ਉਸ ਦਾ ਅੰਤਿਮ ਸਸਕਾਰ

ਪੁੱਤ ਨੇ ਕੀਤਾ ਪਿਤਾ ਦੀ ਮੌਤ `ਤੇ ਸ਼ਮਸ਼ਾਨਘਾਟ `ਚ ਢੋਲ ਧਮੱਕੇ ’ਤੇ ਨੱਚ ਟੱਪ ਕੇ ਉਸ ਦਾ ਅੰਤਿਮ ਸਸਕਾਰ
ਉੱਤਰ ਪ੍ਰਦੇਸ : ਭਾਰਤ ਦੇਸ਼ ਦੇ ਸੂਬੇ ਉੱਤਰ ਪ੍ਰਦੇਸ਼ ਦੇ ਸੁਲਤਾਨਪੁਰ ਵਿਖੇ ਇਕ ਪੁੱਤ ਨੇ ਆਪਣੇ ਪਿਤਾ ਦੀ ਮੌਤ `ਤੇ ਸ਼ਮਸ਼ਾਨਘਾਟ `ਚ ਢੋਲ ਧਮੱਕੇ ’ਤੇ ਨੱਚ ਟੱਪ ਕੇ ਉਸ ਦਾ ਅੰਤਿਮ ਸਸਕਾਰ ਕੀਤਾ, ਜਿਸਦਾ ਸਮੁੱਚਾ ਦ੍ਰਿਸ਼ ਸੋਸ਼ਲ ਮੀਡੀਆ `ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਅਤੇ ਲੋਕ ਇਸ ਬਾਰੇ ਹਰ ਤਰ੍ਹਾਂ ਦੀਆਂ ਟਿੱਪਣੀਆਂ ਕਰ ਰਹੇ ਹਨ। ਸੁਲਤਾਨਪੁਰ ਦੇ ਨਗਰ ਕੋਤਵਾਲੀ ਇਲਾਕੇ ਦੇ ਨਰਾਇਣਪੁਰ ਵਾਰਡ `ਚ ਸ਼੍ਰੀਰਾਮ ਨਾਂ ਦੇ ਵਿਅਕਤੀ ਨੇ 80 ਸਾਲ ਦੀ ਉਮਰ `ਚ ਮੌਤ ਤੋਂ ਬਾਅਦ ਆਪਣੇ ਪਿਤਾ ਰਾਮਕਿਸ਼ੋਰ ਮਿਸ਼ਰਾ ਦਾ ਅੰਤਿਮ ਸਸਕਾਰ ਅਨੋਖੇ ਤਰੀਕੇ ਨਾਲ ਕੀਤਾ । ਆਮ ਤੌਰ `ਤੇ ਮੌਤ ਦੇ ਸਮੇਂ ਘਰ `ਚ ਸੋਗ ਦਾ ਮਾਹੌਲ ਹੁੰਦਾ ਹੈ ਪਰ ਸ਼੍ਰੀਰਾਮ ਨੇ ਬੈਂਡ ਅਤੇ ਢੋਲ ਵਜਾ ਕੇ ਆਪਣੇ ਪਿਤਾ ਨੂੰ ਅੰਤਿਮ ਵਿਦਾਈ ਦਿਤੀ । ਸ਼ਮਸ਼ਾਨਘਾਟ ਦੀ ਅੰਤਿਮ ਯਾਤਰਾ ਦੌਰਾਨ ਸ਼੍ਰੀਰਾਮ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਨੱਚਦੇ ਅਤੇ ਗਾਉਂਦੇ ਸ਼ਮਸ਼ਾਨਘਾਟ ਪਹੁੰਚੇ, ਜਿੱਥੇ ਉਨ੍ਹਾਂ ਨੇ ਢੋਲ ਦੀ ਤਾਲ `ਤੇ ਨੋਟਾਂ ਦੇ ਬੰਡਲ ਉਡਾਏ। ਇੰਨਾ ਹੀ ਨਹੀਂ, ਸ਼੍ਰੀਰਾਮ ਨੇ ਤੇਰ੍ਹਵੇਂ ਦਿਨ ਨੂੰ ਵੀ ਮਨਾਇਆ ਅਤੇ ਆਪਣੇ ਪਰਿਵਾਰਕ ਮੈਂਬਰਾਂ ਅਤੇ ਜਾਣ-ਪਛਾਣ ਵਾਲਿਆਂ ਲਈ ਦਾਅਵਤ ਦਾ ਆਯੋਜਨ ਕੀਤਾ । ਜਦੋਂ ਸ਼੍ਰੀਰਾਮ ਤੋਂ ਪੁੱਛਿਆ ਗਿਆ ਕਿ ਉਨ੍ਹਾਂ ਨੇ ਅਜਿਹਾ ਕਿਉਂ ਕੀਤਾ ਤਾਂ ਉਨ੍ਹਾਂ ਕਿਹਾ ਕਿ ਅੰਤਿਮ ਵਿਦਾਈ ਰੋ ਕੇ ਨਹੀਂ, ਨੱਚ-ਗਾ ਕੇ ਦਿੱਤੀ ਜਾਣੀ ਚਾਹੀਦੀ ਹੈ । ਰੋਣ ਨਾਲ ਵਿਛੜੀ ਰੂਹ ਨੂੰ ਠੇਸ ਪਹੁੰਚਦੀ ਹੈ ਅਤੇ ਇਹ ਵੀ ਜਿ਼ੰਦਗੀ ਦਾ ਜਸ਼ਨ ਹੈ, ਜਿਸ ਨੂੰ ਇਸ ਤਰ੍ਹਾਂ ਮਨਾਉਣਾ ਚਾਹੀਦਾ ਹੈ । ਇਹ ਘਟਨਾ ਹੁਣ ਸੋਸ਼ਲ ਮੀਡੀਆ `ਤੇ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ, ਜਿੱਥੇ ਲੋਕ ਇਸ `ਤੇ ਆਪਣੀ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ ।