ਪਾਸਪੋਰਟ ਦਫ਼ਤਰ ਦੇ ਚੱਕਰ ਕੱਟਣ ਦੀ ਥਾਂ ਪਹੁੰਚੇਗੀ ਆਨਲਾਈਨ ਸਲਾਟ ਬੁਕਿੰਗ ਰਾਹੀਂ ਪਾਸਪੋਰਟ ਮੋਬਾਈਲ ਵੈਨ ਨਿਰਧਾਰਤ ਸਮੇਂ ‘ਤੇ ਬਿਨੈਕਾਰਾਂ ਦੇ ਘਰ

ਪਾਸਪੋਰਟ ਦਫ਼ਤਰ ਦੇ ਚੱਕਰ ਕੱਟਣ ਦੀ ਥਾਂ ਪਹੁੰਚੇਗੀ ਆਨਲਾਈਨ ਸਲਾਟ ਬੁਕਿੰਗ ਰਾਹੀਂ ਪਾਸਪੋਰਟ ਮੋਬਾਈਲ ਵੈਨ ਨਿਰਧਾਰਤ ਸਮੇਂ ‘ਤੇ ਬਿਨੈਕਾਰਾਂ ਦੇ ਘਰ
ਉਤਰ ਪ੍ਰਦੇਸ਼ : ਭਾਰਤ ਦੇਸ਼ ਦੇ ਸੂਬੇ ਉੱਤਰ ਪ੍ਰਦੇਸ਼ ਦੇ ਬਰੇਲੀ ਵਿੱਚ ਪਾਸਪੋਰਟ ਦਫ਼ਤਰ ਦੇ ਚੱਕਰ ਨਹੀਂ ਕੱਟਣੇ ਪੈਣਗੇ । ਹੁਣ ਆਨਲਾਈਨ ਸਲਾਟ ਬੁਕਿੰਗ ਰਾਹੀਂ ਪਾਸਪੋਰਟ ਮੋਬਾਈਲ ਵੈਨ ਨਿਰਧਾਰਤ ਸਮੇਂ ‘ਤੇ ਬਿਨੈਕਾਰਾਂ ਦੇ ਘਰ ਪਹੁੰਚ ਜਾਵੇਗੀ । ਇਸ ਵੈਨ ਵਿੱਚ ਸਾਰੇ ਦਸਤਾਵੇਜ਼ਾਂ ਦੀ ਆਨਲਾਈਨ ਚੈਕਿੰਗ ਅਤੇ ਬਾਇਓਮੈਟ੍ਰਿਕ ਪ੍ਰਕਿਰਿਆ ਘਰ ਬੈਠੇ ਹੀ ਪੂਰੀ ਕੀਤੀ ਜਾਵੇਗੀ । ਇਸ ਨਵੀਂ ਸਹੂਲਤ ਦੀ ਸ਼ੁਰੂਆਤ ਖੇਤਰੀ ਪਾਸਪੋਰਟ ਦਫ਼ਤਰ ਪ੍ਰਿਯਦਰਸ਼ਨੀ ਨਗਰ ਦੇ ਅਧੀਨ ਖੇਤਰੀ ਪਾਸਪੋਰਟ ਅਧਿਕਾਰੀ ਸ਼ੈਲੇਂਦਰ ਕੁਮਾਰ ਸਿੰਘ ਨੇ ਕੀਤੀ । ਇਸ ਮੋਬਾਈਲ ਵੈਨ ਰਾਹੀਂ 13 ਜ਼ਿਲ੍ਹਿਆਂ ਦੇ ਬਿਨੈਕਾਰਾਂ ਨੂੰ ਉਨ੍ਹਾਂ ਦੇ ਘਰ ਜਾ ਕੇ ਪਾਸਪੋਰਟ ਸੇਵਾਵਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ। ਇਸ ਸੇਵਾ ਦਾ ਵਿਸ਼ੇਸ਼ ਤੌਰ ‘ਤੇ ਆਂਵਲਾ ਅਤੇ ਸੰਭਲ ਦੇ ਲੋਕਾਂ ਨੂੰ ਫਾਇਦਾ ਹੋਵੇਗਾ, ਅਤੇ ਭਵਿੱਖ ਵਿੱਚ ਹੋਰ ਖੇਤਰਾਂ ਵਿੱਚ ਵੀ ਇਸ ਦਾ ਵਿਸਥਾਰ ਕੀਤਾ ਜਾਵੇਗਾ । ਸ਼ੁਰੂਆਤੀ ਪੜਾਅ ਵਿੱਚ, ਹਰ ਕੰਮਕਾਜੀ ਦਿਨ ਮੋਬਾਈਲ ਵੈਨ ਲਈ 40 ਅਪਾਇੰਟਮੈਂਟ ਨਿਰਧਾਰਤ ਕੀਤੀਆਂ ਜਾਣਗੀਆਂ, ਅਤੇ ਭਵਿੱਖ ਵਿੱਚ ਮੰਗ ਅਨੁਸਾਰ ਇਹ ਗਿਣਤੀ ਵਧਾਈ ਜਾ ਸਕਦੀ ਹੈ । ਪਾਸਪੋਰਟ ਲੈਣ ਦੇ ਚਾਹਵਾਨ ਲੋਕ ਆਨਲਾਈਨ ਜਾ ਕੇ passportindia.gov.in ਵੈੱਬਸਾਈਟ ‘ਤੇ ਸਲਾਟ ਬੁੱਕ ਕਰ ਸਕਣਗੇ । ਖੇਤਰੀ ਪਾਸਪੋਰਟ ਅਧਿਕਾਰੀ ਸ਼ੈਲੇਂਦਰ ਕੁਮਾਰ ਸਿੰਘ ਨੇ ਕਿਹਾ, “ਇਹ ਪਾਸਪੋਰਟ ਮੋਬਾਈਲ ਵੈਨ ਸੇਵਾ ਬਿਨੈਕਾਰਾਂ ਲਈ ਬਹੁਤ ਲਾਹੇਵੰਦ ਸਾਬਤ ਹੋਵੇਗੀ। ਹੁਣ ਲੋਕ ਆਪਣੇ ਘਰਾਂ ਦੇ ਨੇੜੇ ਹੀ ਆਪਣਾ ਪਾਸਪੋਰਟ ਬਣਵਾ ਸਕਣਗੇ ।