ਪਠਾਨਕੋਟ ਵਿਚ ਪ੍ਰਾਈਵੇਟ ਬਸ ਨੇ ਦਰੜੇ ਚਾਰ ਲੋਕ, ਦੋ ਦੀ ਹੋਈ ਮੌਤ

ਪਠਾਨਕੋਟ, 22 ਜੁਲਾਈ 2026 : ਪਠਾਨਕੋਟ-ਜਲੰਧਰ ਰਾਸ਼ਟਰੀ ਰਾਜਮਾਰਗ ’ਤੇ ਦੇਰ ਰਾਤ ਇੱਕ ਪ੍ਰਾਈਵੇਟ ਬਸ ਨੇ ਸਾਈਡ ਤੇ ਖੜੇ ਚਾਰ ਲੋਕਾਂ ਨੂੰ ਦਰੜ ਦਿਤਾ, ਜਿਸ ਕਾਰਨ ਇਸ ਹਾਦਸੇ ਵਿਚ ਦੋ ਲੋਕਾਂ ਦੀ ਮੌਤ ਹੋ ਗਈ। ਇਸ ਹਾਦਸੇ ਤੋ ਬਾਅਦ ਗੁਸੇ ਵਿਚ ਆਏ ਲੋਕਾਂ ਨੇ ਬਸ ਨੂੰ ਅੱਗ ਵੀ ਲਗਾ ਦਿਤੀ।

ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਕੌਂਤਰਪੁਰ ਸਥਿਤ ਸੰਦੀਪਨੀ ਗੁਰੂਕੁਲ ਸਕੂਲ ਨੇੜੇ ਚੌਰਾਹੇ ’ਤੇ ਵਾਪਰੀ। ਦੱਸਿਆ ਜਾ ਰਿਹਾ ਹੈ ਕਿ ਜਲੰਧਰ ਤੋਂ ਜੰਮੂ ਵੱਲ ਜਾ ਰਹੀ ਲਕਸ਼ਮੀ ਟਰੈਵਲਜ਼ ਦੀ ਬੱਸ, ਅਚਾਨਕ ਡਰਾਈਵਰ ਦੇ ਕਾਬੂ ਤੋਂ ਬਾਹਰ ਹੋ ਗਈ ਅਤੇ ਉੱਥੇ ਖੜ੍ਹੇ ਮੋਟਰਸਾਈਕਲ ਤੇ ਸਕੂਟੀ ਸਵਾਰ ਲੋਕਾਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ। ਪੁਲਿਸ ਮੁਤਾਬਕ ਮ੍ਰਿਤਕਾਂ ਦੀ ਪਛਾਣ ਰਣਜੀਤ ਸਿੰਘ ਪੁੱਤਰ ਦਰਸ਼ਨ ਸਿੰਘ ਅਤੇ ਅਰੁਣ ਕੁਮਾਰ ਪੁੱਤਰ ਵਿਜੇ ਕੁਮਾਰ, ਦੋਵੇਂ ਵਾਸੀ ਕੌਂਤਰਪੁਰ ਵਜੋਂ ਕੀਤੀ ਗਈ ਹੈ।