ਹਰਿਆਣਾ ਰਾਜ ਸਭਾ ਚੋਣਾਂ ‘ਚ ਬਰਾਬਰੀ ਦਾ ਮੁਕਾਬਲਾ, ਭਾਜਪਾ ਤੇ ਕਾਂਗਰਸ ਨੂੰ ਇੱਕ-ਇੱਕ ਸੀਟ

ਚੰਡੀਗੜ੍ਹ, 16 ਮਾਰਚ : ਹਰਿਆਣਾ ਵਿੱਚ ਰਾਜਨੀਤਿਕ ਹਲਚਲ ਦੇ ਦਰਮਿਆਨ ਹੋਈ ਰਾਜ ਸਭਾ ਚੋਣ ਦਾ ਨਤੀਜਾ ਦੋਵਾਂ ਵੱਡੀਆਂ ਪਾਰਟੀਆਂ ਲਈ ਮਿਲਿਆ-ਜੁਲਿਆ ਰਿਹਾ। ਲੰਬੇ ਸਮੇਂ ਤੱਕ ਚੱਲੀ ਗਿਣਤੀ ਤੋਂ ਬਾਅਦ ਆਖਿਰਕਾਰ ਭਾਜਪਾ ਅਤੇ ਕਾਂਗਰਸ ਦੋਵਾਂ ਨੇ ਇੱਕ-ਇੱਕ ਸੀਟ ਆਪਣੇ ਨਾਮ ਕਰ ਲਈ।
ਇਸ ਚੋਣ ਵਿੱਚ ਭਾਜਪਾ ਵੱਲੋਂ ਸੰਜੇ ਭਾਟੀਆ, ਕਾਂਗਰਸ ਵੱਲੋਂ ਕਰਮਵੀਰ ਬੋਧ ਅਤੇ ਆਜ਼ਾਦ ਉਮੀਦਵਾਰ ਸਤੀਸ਼ ਨੰਦਲ ਮੈਦਾਨ ਵਿੱਚ ਸਨ। ਕੁੱਲ 90 ਵਿਚੋਂ 88 ਵੋਟਾਂ ਪਈਆਂ, ਜਦਕਿ ਦੋ ਵਿਧਾਇਕਾਂ ਨੇ ਵੋਟਿੰਗ ‘ਚ ਹਿੱਸਾ ਨਹੀਂ ਲਿਆ।
ਗਿਣਤੀ ਦੌਰਾਨ ਪੰਜ ਵੋਟਾਂ ਰੱਦ ਹੋਣ ਕਰਕੇ 83 ਵੋਟਾਂ ਨੂੰ ਹੀ ਵੈਧ ਮੰਨਿਆ ਗਿਆ। ਇਨ੍ਹਾਂ ਵਿੱਚੋਂ ਕਾਂਗਰਸ ਦੇ ਉਮੀਦਵਾਰ ਨੂੰ 28 ਵੋਟਾਂ ਪ੍ਰਾਪਤ ਹੋਈਆਂ।

ਕਾਂਗਰਸ ਅੰਦਰ ਭਰੋਸੇ ਦੀ ਕਮੀ : ਮੁਖ ਮੰਤਰੀ

ਚੋਣ ਨਤੀਜੇ ਆਉਣ ਤੋਂ ਬਾਅਦ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸੈਣੀ ਨੇ ਕਾਂਗਰਸ ‘ਤੇ ਤਿੱਖਾ ਹਮਲਾ ਕਰਦਿਆਂ ਕਿਹਾ ਕਿ ਪਾਰਟੀ ਦੇ ਅੰਦਰ ਹੀ ਭਰੋਸੇ ਦੀ ਕਮੀ ਦਿਖਾਈ ਦੇ ਰਹੀ ਹੈ। ਉਨ੍ਹਾਂ ਮੁਤਾਬਕ ਕਾਂਗਰਸ ਦੀਆਂ ਵੋਟਾਂ ਘਟਣ ਤੋਂ ਇਹ ਸਾਫ਼ ਹੁੰਦਾ ਹੈ ਕਿ ਕੁਝ ਵਿਧਾਇਕਾਂ ਨੇ ਆਜ਼ਾਦ ਉਮੀਦਵਾਰ ਦਾ ਸਾਥ ਦਿੱਤਾ।

ਚੋਣ ਦੇ ਅੰਕੜੇ ਕੀ ਕਹਿੰਦੇ ਹਨ

ਹਰਿਆਣਾ ਦੀਆਂ ਦੋ ਰਾਜ ਸਭਾ ਸੀਟਾਂ ਲਈ ਹੋਈ ਚੋਣ ਵਿੱਚ 90 ਵਿੱਚੋਂ 88 ਵੋਟਾਂ ਪਈਆਂ। ਇਨ੍ਹਾਂ ਵਿੱਚੋਂ ਪੰਜ ਵੋਟਾਂ ਰੱਦ ਹੋਣ ਕਾਰਨ 83 ਵੋਟਾਂ ਗਿਣਤੀ ਵਿੱਚ ਸ਼ਾਮਲ ਕੀਤੀਆਂ ਗਈਆਂ। ਕਾਂਗਰਸ ਦੇ ਉਮੀਦਵਾਰ ਨੂੰ 28 ਵੋਟਾਂ ਮਿਲੀਆਂ, ਜਿਸ ਨਾਲ ਇਹ ਸਪੱਸ਼ਟ ਹੋਇਆ ਕਿ ਚੋਣ ਦੌਰਾਨ ਅੰਦਰੂਨੀ ਰਾਜਨੀਤਿਕ ਹਲਚਲ ਨੇ ਨਤੀਜਿਆਂ ‘ਤੇ ਅਸਰ ਪਾਇਆ।