ਮੱਛੀ ਪਾਲਣ ਖੇਤਰ ਲਈ ਵੱਡਾ ਫੈਸਲਾ, ਹਰਿਆਣਾ ਸਰਕਾਰ ਵੱਲੋਂ ਨਵੀਆਂ ਸੇਵਾਵਾਂ ਨੂੰ ਮੰਜ਼ੂਰੀ
ਚੰਡੀਗੜ੍ਹ, 20 ਮਾਰਚ : ਸਰਕਾਰ ਨੇ ਨਾਗਰਿਕਾਂ ਨੂੰ ਸਮੇਂ ਸਿਰ ਅਤੇ ਪਾਰਦਰਸ਼ੀ ਸੇਵਾਵਾਂ ਮੁਹੱਈਆ ਕਰਵਾਉਣ ਲਈ ਇੱਕ ਮਹੱਤਵਪੂਰਨ ਕਦਮ ਚੁੱਕਦਿਆਂ ਮੱਛੀ ਪਾਲਣ ਖੇਤਰ ਨਾਲ ਜੁੜੀਆਂ ਕਈ ਨਵੀਆਂ ਸੇਵਾਵਾਂ ਨੂੰ ਸੂਚਿਤ ਕੀਤਾ ਹੈ। ਇਸ ਸਬੰਧੀ ਮੁੱਖ ਸਕੱਤਰ ਅਨੁਰਾਗ ਰਸਤੋਗੀ ਵੱਲੋਂ ਨੋਟੀਫਿਕੇਸ਼ਨ ਜਾਰੀ ਕੀਤਾ ਗਿਆ ਹੈ।
ਇਸ ਫੈਸਲੇ ਤਹਿਤ ਇੰਟੈਂਸਿਵ ਫਿਸ਼ਰੀਜ਼ ਡਿਵੈਲਪਮੈਂਟ ਪ੍ਰੋਗਰਾਮ ਅਧੀਨ ਵੱਖ-ਵੱਖ ਵਾਹਨਾਂ ਜਿਵੇਂ ਆਟੋ, ਚਾਰ ਪਹੀਆ ਗੱਡੀਆਂ, ਟਰਾਲੀਆਂ ਅਤੇ ਮਿੰਨੀ ਟਰੈਕਟਰਾਂ ਲਈ ਸਬਸਿਡੀ ਹੁਣ ਨਿਰਧਾਰਤ 40 ਦਿਨਾਂ ਦੇ ਅੰਦਰ ਜਾਰੀ ਕੀਤੀ ਜਾਵੇਗੀ।
ਇਸ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਮਸਤਸਿਆ ਸੰਪਦਾ ਯੋਜਨਾ ਹੇਠ ਜੈਨੇਟਿਕ ਸੁਧਾਰ ਯੋਜਨਾਵਾਂ, ਨਿਊਕਲੀਅਸ ਬ੍ਰੀਡਿੰਗ ਕੇਂਦਰਾਂ, ਸਟਾਰਟਅੱਪ ਅਤੇ ਨਵੀਂ ਤਕਨਾਲੋਜੀ ਪ੍ਰਦਰਸ਼ਨ ਪ੍ਰੋਜੈਕਟਾਂ ਲਈ ਵੀ ਸਹਾਇਤਾ ਰਕਮ ਦੇਣ ਦੀ ਵਿਵਸਥਾ ਕੀਤੀ ਗਈ ਹੈ।
