ਸਾਊਦੀ ਅਰਬ ਵਿੱਚ ਬੱਸ–ਟੈਂਕਰ ਟੱਕਰ ਕਾਰਨ 40 ਭਾਰਤੀ ਯਾਤਰੀਆਂ ਦੀ ਮੌਤ

ਦਿੱਲੀ, 17 ਨਵੰਬਰ 2025 : ਸਾਊਦੀ ਅਰਬ ਦੇ ਮੁਫ਼ਰੀਹਾਟ ਇਲਾਕੇ ਵਿੱਚ ਅੱਜ ਸਵੇਰੇ ਇੱਕ ਗੰਭੀਰ ਟਾਦਸਾ ਵਾਪਰਰ ਗਿਆ, ਜਿਸ ਵਿੱਚ ਮੱਕਾ ਤੋਂ ਮਦੀਨਾ ਦੀ ਯਾਤਰਾ ਕਰ ਰਹੀ ਬੱਸ ਇੱਕ ਡੀਜ਼ਲ ਲੈ ਜਾ ਰਹੇ ਟੈਂਕਰ ਨਾਲ ਭਿੜ ਗਈ। ਇਸ ਹਾਦਸੇ ਦਾ ਸਭ ਤੋਂ ਵੱਧ ਪ੍ਰਭਾਵ ਹੈਦਰਾਬਾਦ ਨਾਲ ਸੰਬੰਧਤ ਉਮਰਾਹ ਯਾਤਰੀਆਂ ‘ਤੇ ਪਿਆ ਹੈ, ਜਿਨ੍ਹਾਂ ਵਿੱਚੋਂ ਘੱਟੋ-ਘੱਟ 40 ਦੇ ਕਰੀਬ ਮੌਕੇ ‘ਤੇ ਹੀ ਜਾਨ ਗੁਆ ਬੈਠੇ।

ਜਾਣਕਾਰੀ ਮਿਲੀ ਹੈ ਕਿ ਇਹ ਸਾਰੇ ਸ਼ਰਧਾਲੂ ਹੈਦਰਾਬਾਦ ਦੇ ਇੱਕ ਗਰੁੱਪ ਦਾ ਹਿੱਸਾ ਸਨ, ਜਿਸ ਵਿੱਚ ਮਹਿਲਾਵਾਂ ਅਤੇ ਬੱਚੇ ਵੀ ਸ਼ਾਮਲ ਸਨ। ਇਸ ਦੂਖਦਾਈ ਘਟਨਾ ‘ਤੇ ਤਿਲੰਗਾਨਾ ਦੇ ਮੁੱਖ ਮੰਤਰੀ ਨੇਵੀ ਗਹਿਰਾ ਸੋਕ ਪ੍ਰਗਟ ਕੀਤਾ ਹੈ।

ਜਾਣਕਾਰੀ ਮੁਤਾਬਕ ਹਾਦਸਾ ਭਾਰਤੀ ਸਮੇਂ ਅਨੁਸਾਰ ਤਕਰੀਬਨ ਤੜਕੇ 1:30 ਵਜੇ ਦੇ ਸਾਮਾਂ ਵਾਪਰਿਆ। ਬੱਸ ਵਿੱਚ ਕੁੱਲ 43 ਲੋਕ ਸਵਾਰ ਸਨ, ਅਤੇ ਕੇਵਲ ਇੱਕ ਯਾਤਰੀ ਹੀ ਜਿੰਦਾ ਬਚ ਸਕਿਆ ਹੈ, ਜੋ ਇਸ ਵੇਲੇ ਹਸਪਤਾਲ ਵਿੱਚ ਇਲਾਜ ਹੇਠ ਹੈ। ਇਸ ਹਾਦਸੇ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇਵਿਦੇਸ ਮੰਤਰੀ ਐਸ ਜੈ ਸੰਕਰ ਨੇ ਵੀ ਦੁਖ ਦਾ ਪ੍ਰਗਟਾਵਾ ਕੀਤਾ ਹੈ।