ਭੂਚਾਲ ਦੇ ਝਟਕਿਆਂ ਨੇ ਬੰਗਲਾਦੇਸ਼ ਨੂੰ ਪੂਰੀ ਤਰ੍ਹਾ ਹਿਲਾਇਆ
ਢਾਕਾ, 21 ਨਵੰਬਰ : ਬੰਗਲਾਦੇਸ਼ ਵਿੱਚ ਸ਼ੁੱਕਰਵਾਰ ਨੂੰ ਆਏ 5.7 ਤੀਬਰਤਾ ਦੇ ਭੂਚਾਲ ਨੇ ਰਾਜਧਾਨੀ ਢਾਕਾ ਸਮੇਤ ਕਈ ਜ਼ਿਲ੍ਹਿਆਂ ਨੂੰ ਜਿਥੇ ਪੂਰੀ ਤਰ੍ਹਾਂ ਹਿਲਾਕੇ ਰਖ ਦਿਤਾ, ਉਥੇ ਲੋਕਾਂ ਅੰਦਰ ਵੀ ਭਾਰੀ ਸਹਿਮ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ। ਇਸ ਆਏ ਭੂਚਾਲ ਕਾਰਨ ਕਈ ਇਮਾਰਤਾਂ ਨੂੰ ਭਾਰੀ ਨੁਕਸਾਨ ਪੁੱਜਾ ਹੈ ਤੇ ਕੁਝ ਲੋਕਾਂ ਦੀ ਜਾਨ ਵੀ ਚਲੀ ਗਈ ਹੈ।
ਜਾਣਕਾਰੀ ਅਨੁਸਾਰ ਭਾਰੀ ਝਟਕਿਆਂ ਦੇ ਦੌਰਾਨ ਘੱਟੋ-ਘੱਟ ਛੇ ਲੋਕਾਂ ਦੀ ਜਾਨ ਚਲੀ ਗਈ, ਜਿਸ ਵਿੱਚ ਇੱਕ ਨਵਜੰਮਿਆ ਬੱਚਾ ਵੀ ਸ਼ਾਮਲ ਹੈ, ਜਦਕਿ ਕਈ ਇਮਾਰਤਾਂ ਨੂੰ ਵੱਡਾ ਨੁਕਸਾਨ ਪਹੁੰਚਿਆ। ਕੁਝ ਥਾਵਾਂ ’ਤੇ ਭੂਚਾਲ ਕਾਰਨ ਅੱਗ ਲੱਗਣ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ, ਜਿਸ ਨਾਲ ਲੋਕਾਂ ਵਿੱਚ ਹੋਰ ਵੀ ਦਹਿਸ਼ਤ ਫੈਲ ਗਈ।
ਅਧਿਕਾਰੀਆਂ ਦੇ ਮੁਤਾਬਕ, ਢਾਕਾ ਵਿੱਚ ਤਿੰਨ ਵਿਅਕਤੀਆਂ ਦੀ ਮੌਤ ਹੋਈ, ਜਦਕਿ ਚੌਥਾ ਵਿਅਕਤੀ ਨਰਾਇਣਗੰਜ ਦੇ ਰਿਵਰ ਪੋਰਟ ਇਲਾਕੇ ਵਿੱਚ ਜਾਨ ਤੋਂ ਹੱਥ ਧੋ ਬੈਠਾ। ਬਾਕੀ ਦੋ ਮੌਤਾਂ ਨਰਸਿੰਗਦੀ ਜ਼ਿਲ੍ਹੇ ਵਿੱਚ ਦਰਜ ਕੀਤੀਆਂ ਗਈਆਂ, ਜਿਥੇ ਭੂਚਾਲ ਦਾ ਕੇਂਦਰ ਲਗਭਗ ਦੱਸ ਕਿਲੋਮੀਟਰ ਘਹਿਰਾਈ ਵਿੱਚ ਸਥਿਤ ਸੀ। ਅਧਿਕਾਰੀਆਂ ਵਲੋ ਬਚਾਅ ਕਾਰਜ ਜਾਰੀ ਹਨ।