ਮੋਦੀ : ਵਿਰੋਧੀਆਂ ’ਤੇ ਵੋਟ ਬੈਂਕ ਦੀ ਸਿਆਸਤ ਤੇ ਧਾਰਮਿਕ ਅਣਦਿੱਖੀ ਦੇ ਦੋਸ਼
ਬਿਹਾਰ, 6 ਨਵੰਬਰ 2025 : ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਇਕ ਰੈਲੀ ਦੌਰਾਨ ਆਰਜੇਡੀ-ਕਾਂਗਰਸ ਗਠਜੋੜ ਨੂੰ ਆਪਣੇ ਬਿਆਨਾਂ ਨਾਲ ਜਮਕੇ ਧੋਇਆ ਹੈ। ਮੋਦੀ ਨੇ ਦੋਸ਼ ਲਗਾਇਆ ਕਿ ਵਿਰੋਧੀ ਆਗੂ ਦਲਿਤਾਂ ਅਤੇ ਪਿੱਛੜੇ ਵਰਗਾਂ ਨਾਲ ਸੱਚੀ ਹਮਦਰਦੀ ਨਹੀਂ ਰੱਖਦੇ। ਉਨ੍ਹਾਂ ਕਿਹਾ ਕਿ ਇਹੀ ਕਾਰਨ ਹੈ ਜੋ ਉਹ ਨਿਸ਼ਾਦ ਰਾਜ, ਮਾਤਾ ਸ਼ਬਰੀ ਅਤੇ ਮਹਾਰਿਸ਼ੀ ਵਾਲਮੀਕਿ ਨੂੰ ਸਮਰਪਿਤ ਧਾਰਮਿਕ ਸਥਾਨਾਂ ਦੇ ਦਰਸ਼ਨ ਲਈ ਅਯੋਧਿਆ ਜਾਣ ਤੋਂ ਵੀ ਕਤਰਾਉਂਦੇ ਹਨ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਬਿਹਾਰ ਦੇ ਲੋਕ ਅੱਜ ਵਿਕਾਸ ਦੇ ਨਾਮ ’ਤੇ ਵੋਟ ਪਾ ਰਹੇ ਹਨ ਅਤੇ ਉਹ ਇਸ ਵਾਅਦੇ ’ਤੇ ਕਾਇਮ ਹਨ ਕਿ “ਜੰਗਲਰਾਜ” ਦੇ ਦੌਰ ਵੱਲ ਮੁੜ ਕੇ ਨਹੀਂ ਜਾਣਗੇ। ਉਨ੍ਹਾਂ ਕਿਹਾ ਕਿ ਵਿਰੋਧੀ ਪੱਖ ਵੋਟ ਬੈਂਕ ਦੀ ਸਿਆਸਤ ਵਿੱਚ ਇੰਨਾ ਡੁੱਬ ਗਿਆ ਹੈ ਕਿ ਉਹ ਘੁਸਪੈਠੀਆਂ ਪ੍ਰਤੀ ਨਰਮ ਰੁਖ ਰੱਖਦਾ ਹੈ ਅਤੇ ਭਗਵਾਨ ਰਾਮ ਤੇ ਛਠੀ ਮਈਆ ਵਰਗੇ ਧਾਰਮਿਕ ਪ੍ਰਤੀਕਾਂ ਨੂੰ ਨਾਪਸੰਦ ਕਰਦਾ ਹੈ।
