ਅਫਗਾਨ ਜੰਗਾਂ ’ਚ ਅਮਰੀਕਾ ਦਾ ਸਾਥ ਦੇਣਾ ਵੱਡੀ ਭੁੱਲ ਸੀ : ਪਾਕਿਸਤਾਨ
ਇਸਲਾਮਾਬਾਦ, 10 ਫਰਵਰੀ : ਪਾਕਿਸਤਾਨ ਦੇ ਰੱਖਿਆ ਮੰਤਰੀ ਖਵਾਜਾ ਆਸਿਫ਼ ਨੇ ਨਵਾਂ ਬਿਆਨ ਜਾਰੀ ਕਰਦਿਆਂ ਅਮਰੀਕਾ ਦਾ ਸਾਥ ਦੇਣ ਨੂੰ ਵੱਡੀ ਭੁੱਲ ਦਸਿਆ ਹੈ। ਉਨਾ ਆਖਿਆ ਕਿ ਅਫਗਾਨ ਜੰਗਾਂ ਵਿਚ ਅਮਰੀਕਾ ਦਾ ਸਾਥ ਦੇਣਾ ਵੱਡੀ ਭੁੱਲ ਸੀ ।
ਉਨਾ ਆਖਿਆ ਕਿ ਦੇਸ਼ ਨੇ ਅਤੀਤ ਵਿੱਚ, ਖਾਸ ਕਰਕੇ ਅਫਗਾਨ ਜੰਗਾਂ ਦੌਰਾਨ, ਸੰਯੁਕਤ ਰਾਜ ਅਮਰੀਕਾ ਦਾ ਸਾਥ ਦੇ ਕੇ ਗੰਭੀਰ ਰਣਨੀਤਕ ਗਲਤੀਆਂ ਕੀਤੀਆਂ । ਉਨ੍ਹਾਂ ਕਿਹਾ ਕਿ ਅਮਰੀਕਾ ਨੇ ਆਪਣੀਆਂ ਜ਼ਰੂਰਤਾਂ ਲਈ ਪਾਕਿਸਤਾਨ ਦੀ ਵਰਤੋਂ ਕੀਤੀ ਅਤੇ ਟੀਚੇ ਹਾਸਲ ਹੋਣ ਮਗਰੋਂ ਉਸ ਨੂੰ ਮੁਸ਼ਕਲ ਹਾਲਾਤਾਂ ਵਿੱਚ ਛੱਡ ਦਿੱਤਾ । ਖਵਾਜਾ ਆਸਿਫ਼ ਨੇ ਇਹ ਦਾਅਵੇ ਵੀ ਰੱਦ ਕਰ ਦਿੱਤੇ ਕਿ ਪਾਕਿਸਤਾਨ ਧਾਰਮਿਕ ਕਾਰਨਾਂ ਕਰਕੇ ਅਫਗਾਨ ਜੰਗਾਂ ਵਿੱਚ ਸ਼ਾਮਲ ਹੋਇਆ ਸੀ ਅਤੇ ਕਿਹਾ ਕਿ ਇਹ ਫੈਸਲੇ ਰਾਜਨੀਤਿਕ ਅਤੇ ਰਣਨੀਤਕ ਦਬਾਵਾਂ ਹੇਠ ਕੀਤੇ ਗਏ ਸਨ।
