ਜਨਹਿੱਤ ਸੰਮਤੀ ਨੇ ਲੜਕੀਆਂ ਨੂੰ ਵੰਡੀਆਂ ਸਿਲਾਈ ਮਸ਼ੀਨਾਂ
ਪਟਿਆਲਾ : ਪਟਿਆਲਾ ਜ਼ਿਲ੍ਹੇ ਦੀ ਨਾਮਵਰ ਸਮਾਜ ਸੇਵੀ ਸੰਸਥਾ ਜਨ ਹਿੱਤ ਸੰਮਤੀ ਵਲੋਂ ਪ੍ਰਧਾਨ ਐਸ ਕੇ ਗੋਤਮ ਅਤੇ ਜਰਨਲ ਸਕੱਤਰ ਸਟੇਟ ਐਵਾਰਡੀ ਵਿਨੋਦ ਸ਼ਰਮਾ ਦੀ ਅਗਵਾਈ ਹੇਠ ਸੰਸਥਾ ਵਲੋਂ ਚਲਾਏ ਜਾ ਰਹੇ ਫ੍ਰੀ ਸਿਲਾਈ ਸਿਖਲਾਈ ਸੈਂਟਰ ਤਫੱਜ਼ਲਪੁਰਾ, ਸ਼੍ਰੀ ਰਵੀਦਾਸ ਮੰਦਰ ਵਿਖੇ ਇਕ ਲੜਕੀ ਨੂੰ ਅਪਣਾ ਕੰਮ ਕਰਨ ਦੇ ਲਈ ਸਿਲਾਈ ਮਸ਼ੀਨ ਦਿੱਤੀ।
ਇਹ ਮਸ਼ੀਨ ਸ਼੍ਰੀ ਬਾਲ ਕ੍ਰਿਸ਼ਨ ਬਿੰਦਲ ਜੀ ਵਲੋਂ ਦਿੱਤੀ ਗਈ ਹੈ ਜ਼ਿਸ ਵਿਚ ਮੁੱਖ ਮਹਿਮਾਨ ਬਾਲ ਕ੍ਰਿਸ਼ਨ ਬਿੰਦਲ ਰਿਟਾਇਰ ਡਾਇਰੈਕਟਰ ਪੀ.ਐਸ.ਪੀ.ਸੀ.ਐਲ ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਸ਼੍ਰੀ ਐਸ.ਪੀ.ਪ੍ਰਾਸ਼ਰ, ਸ਼੍ਰੀ ਸਤੀਸ ਜੋਸ਼ੀ, ਸ਼੍ਰੀ ਡੀ.ਪੀ.ਸਿੰਘ, ਸ਼੍ਰੀ ਅਸ਼ੋਕ ਠਾਕੁਰ, ਸ਼੍ਰੀ ਅਮਰਜੀਤ ਸਿੰਘ ਅਤੇ ਮੈਡਮ ਸਿਕੰਦਰਾ ਦੇਵੀ ਮੌਜੂਦ ਸਨ।
ਇਸ ਮੌਕੇ ਸੰਬੋਧਨ ਕਰਦਿਆ ਬਾਲ ਕ੍ਰਿਸ਼ਨ ਬਿੰਦਲ ਕਿਹਾ ਜਨਹਿੱਤ ਸੰਮਤੀ ਵਲੋਂ ਲੜਕੀਆਂ ਨੂੰ ਆਤਮ ਨਿਰਭਰ ਬਣਾਉਣ ਲਈ ਲੋੜਵੰਦਾ ਨੂੰ ਸਿਲਾਈ ਮਸ਼ੀਨਾਂ ਦੇਣਾ ਸ਼ਲਾਘਾਯੋਗ ਉਪਰਾਲਾ ਹੈ ਉਹਨਾਂ ਕਿਹਾ ਕਿ ਜਨਹਿੱਤ ਸੰਮਤੀ ਵਰਗੀ ਸਮਾਜ ਸੇਵੀ ਸੰਸਥਾ ਤੋਂ ਸੇਧ ਲੈ ਕੇ ਹੋਰਨਾਂ ਸੰਸਥਾਵਾਂ ਨੂੰ ਵੀ ਲੋੜਵੰਦਾਂ ਦੀ ਮਦਦ ਲਈ ਅੱਗੇ ਆਉਣਾ ਚਾਹੀਦਾ ਹੈ। ਇਸ ਸਿਲਾਈ ਕੇਂਦਰ ਵਿੱਚ 25 ਤੋਂ ਵੱਧ ਲੋੜਵੰਦ ਕੁੜੀਆਂ ਸਿਖਲਾਈ ਲੈ ਰਹੀਆਂ ਹਨ।