ਯੂਨੀਵਰਸਿਟੀ ਦੇ  ਅਧਿਆਪਕਾਂ ਵੱਲੋਂ ਲਿਖੀਆਂ ਦੋ ਪੁਸਤਕਾਂ ਡਾ. ਜਗਦੀਪ ਸਿੰਘ ਨੂੰ ਕੀਤੀਆਂ ਭੇਂਟ

ਪਟਿਆਲਾ, 25 ਸਤੰਬਰ- ਪੰਜਾਬੀ ਯੂਨੀਵਰਸਿਟੀ ਦੇ ਮਕੈਨੀਕਲ ਇੰਜੀਨੀਅਰਿੰਗ ਵਿਭਾਗ ਦੇ ਅਧਿਆਪਕਾਂ ਵੱਲੋਂ ਲਿਖੀਆਂ ਦੋ ਪੁਸਤਕਾਂ ਕੱਲ੍ਹ ਪੰਜਾਬੀ ਯੂਨੀਵਰਸਿਟੀ ਦੇ ਉਪ-ਕੁਲਪਤੀ ਡਾ. ਜਗਦੀਪ ਸਿੰਘ ਨੂੰ ਭੇਂਟ ਕੀਤੀਆਂ ਗਈਆਂ।

‘ਡਿਜਿਟਾਈਜ਼ੇਸ਼ਨ ਐਂਡ ਮੈਨੂਫੈਕਚਰਿੰਗ ਪਰਫਾਰਮੈਂਸ: ਐਨ ਐਨਵਾਇਰਨਮੈਂਟਲ ਪਰਸਪੈਕਟਿਵ’ ਅਤੇ ‘ਕੰਡੀਸ਼ਨ-ਬੇਸਡ ਮੇਂਟੇਨੈਂਸ ਐਂਡ ਰੈਜ਼ੀਡੂਅਲ ਲਾਈਫ਼ ਪਰਡਿਕਸ਼ਨ’ ਨਾਮਕ ਇਹ ਪੁਸਤਕਾਂ ਵਿਭਾਗ ਦੇ ਅਧਿਆਪਕਾਂ ਡਾ. ਚੰਦਨਦੀਪ ਸਿੰਘ, ਡਾ. ਤਲਵਿੰਦਰ ਸਿੰਘ, ਡਾ. ਰਾਜਦੀਪ ਸਿੰਘ ਅਤੇ ਡਾ. ਦਵਿੰਦਰ ਸਿੰਘ ਵੱਲੋਂ ਲਿਖੀਆਂ ਗਈਆਂ ਹਨ। ਇਸ ਮੌਕੇ ਵਿਭਾਗ ਮੁਖੀ ਡਾ. ਵੀ. ਕੇ. ਵਰਮਾ ਤੋਂ ਇਲਾਵਾ ਵਿਭਾਗ ਦੇ ਹੋਰ ਅਧਿਆਪਕ ਮੈਂਬਰ ਡਾ. ਖੁਸ਼ਦੀਪ ਗੋਇਲ, ਡਾ. ਕਨਵਰਪ੍ਰੀਤ ਸਿੰਘ, ਡਾ. ਧਰਮਪਾਲ ਦੀਪਕ ਅਤੇ ਡਾ. ਚਰਨਜੀਤ ਸਿੰਘ ਵੀ ਮੌਜੂਦ ਰਹੇ, ਜਿਨ੍ਹਾਂ ਲੇਖਕਾਂ ਨੂੰ ਆਪਣੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ।