ਕੈਲਾਸ਼ ਮਾਨਸਰੋਵਰ ਯਾਤਰਾ ਦਾ ਰਾਹ ਪਹਾੜੀ ਦੇ ਖਿਸਕ ਕੇ ਡਿੱਗਣ ਕਰਕੇ ਹੋਇਆ ਬੰਦ
ਚੰਡੀਗੜ੍ਹ, 20 ਮਈ 2025 : Kailash Mansarovar Yatra route closed due to landslide : ਧਾਰਮਿਕ ਯਾਤਰਾਵਾਂ ਵਿਚੋਂ ਇਕ ਮੰਨੀ ਜਾਂਦੀ ਕੈਲਾਸ਼ ਮਾਨਸਰੋਵਰ ਦੀ ਯਾਤਰਾ ਵਿਚ ਅੱਜ ਉਸ ਵੇਲੇ ਅੜਿੱਕਾ ਪੈਦਾ ਹੋ ਗਿਆ ਜਦੋਂ ਪਿਥੌਰਾਗੜ੍ਹ ਜਿਲ੍ਹੇ ਵਿਚ ਪਹਾੜੀ ਖਿਸਕਣ ਕਾਰਨ ਕੈਲਾਸ਼ ਮਾਨਸਰੋਵਰ ਯਾਤਰਾ ਦਾ ਰਾਹ ਹੀ ਬੰਦ ਹੋ ਗਿਆ, ਜਿਸ ਕਾਰਨ ਵਾਹਨ ਤਾਂ ਦੂਰ ਦੀ ਗੱਲ ਪੈਦਲ ਜਾ ਰਿਹਾ ਕੋਈ ਵੀ ਵਿਅਕਤੀ ਇਧਰ ਤੋਂ ਉਧਰ ਨਹੀਂ ਜਾ ਪਾ ਰਿਹਾ । ਪਹਾੜੀ ਦੇ ਦੋਵੇਂ ਪਾਸੇ ਵਾਹਨਾਂ ਦੀ ਲੰਮੀਆਂ ਲੰਮੀਆਂ ਲਾਈਨਾਂ ਲੱਗ ਗਈਆਂ ਹਨ ।
ਆਫ਼ਤ ਪ੍ਰਬੰਧਨ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਸੋਮਵਾਰ ਦੇਰ ਰਾਤ ਕੈਲਾਸ਼ ਮਾਨਸਰੋਵਰ ਯਾਤਰਾ ਦੇ ਰਾਹ ‘ਤੇ ਏਲਾਗੜ ਅਤੇ ਕੁਲਾਗੜ ਦੇ ਵਿਚਕਾਰ ਇੱਕ ਵੱਡੀ ਚੱਟਾਨ ਸੜਕ ‘ਤੇ ਖਿਸਕ ਗਈ, ਜਿਸ ਕਾਰਨ ਵਾਹਨਾਂ ਦੀ ਆਵਾਜਾਈ ਠੱਪ ਹੋ ਗਈ, ਜਿਸਨੂੰ ਖੋਲ੍ਹਣ ਦਾ ਕੰਮ ਬੀ. ਆਰ. ਓ. ਸ਼ੁਰੂ ਕਰ ਦਿੱਤਾ ਗਿਆ ਹੈ ।
ਕੀ ਆਖਦੇ ਹਨ ਐਸ. ਡੀ. ਐਮ.
ਧਾਰਚੂਲਾ ਦੇ ਐਸ. ਡੀ. ਐਮ. ਮਨਜੀਤ ਸਿੰਘ ਨੇ ਆਖਿਆ ਹੈ ਕਿ ਸੜਕ ‘ਤੇ ਇੱਕ ਵੱਡੀ ਪਹਾੜੀ ਡਿੱਗ ਗਈ ਹੈ, ਜਿਸਦੇ ਚਲਦਿਆਂ ਸੜਕ ਤੇ ਡਿੱਗੇ ਪੱਥਰਾਂ ਅਤੇ ਮਲਬੇ ਨੂੰ ਹਟਾਉਣ ਦਾ ਕੰਮ ਜਾਰੀ ਹੈ। ਸ਼ਾਮ ਤੱਕ ਸੜਕ ਵਾਹਨਾਂ ਲਈ ਖੋਲ੍ਹ ਦਿੱਤੀ ਜਾਵੇਗੀ ।
Read More : ਹਿਮਾਚਲ ਪ੍ਰਦੇਸ਼ `ਚ ਬਰਫ਼ਬਾਰੀ ਕਾਰਨ 134 ਸੜਕਾਂ ਬੰਦ