ਭਾਰਤੀ ਮੂਲ ਦੇ ਫ਼ਾਰਮਾ ਕਾਰੋਬਾਰੀ ਤਨਮਯ ਸ਼ਰਮਾ ਨੂੰ ਅਮਰੀਕਾ ਵਿਚ ਕੀਤਾ ਗ੍ਰਿਫ਼ਤਾਰ
ਨਵੀਂ ਦਿੱਲੀ, 5 ਜੂਨ 2025 : Indian-origin pharma businessman Tanmay Sharma arrested in US : ਸੋਵਰੇਨ ਹੈਲਥ ਗਰੁੱਪ ਨਾਮਕ ਨਸ਼ਾਖੋਰੀ ਅਤੇ ਮਾਨਸਿਕ ਸਿਹਤ ਸੇਵਾ ਪ੍ਰਦਾਤਾ ਸੰਸਥਾ ਦੇ ਸੰਸਥਾਪਕ ਅਤੇ ਸਾਬਕਾ ਸੀ. ਈ. ਓ. ਤਨਮਯ ਸ਼ਰਮਾ (Tanmay Sharma) ਜੋ ਕਿ ਭਾਰਤ ਮੂਲ ਦੇ ਹਨ ਨੂੰ 1244 ਕਰੋੜ ਰੁਪਏ ਦੇ ਸਿਹਤ ਸੰਭਾਲ ਧੋਖਾਧੜੀ ਦੇ ਮਾਮਲੇ ਵਿੱਚ ਅਮਰੀਕਾ ਦੇ ਲਾਸ ਏਂਜਲਸ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਗ੍ਰਿਫ਼ਤਾਰ (arrested) ਕੀਤਾ ਗਿਆ ਹੈ ।
ਦੱਸਣਯੋਗ ਹੈ ਕਿ ਉਪਰੋਕਤ ਸੰਸਥਾ ਹੁਣ ਬੰਦ ਵੀ ਹੋ ਚੁੱਕੀ ਹੈ। ਅਮਰੀਕੀ ਨਿਆਂ ਵਿਭਾਗ ਵਲੋ਼ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਤਨਮਯ ਸ਼ਰਮਾ ਨੇ ਸਿਹਤ ਬੀਮਾ ਕੰਪਨੀਆਂ ਨਾਲ ਧੋਖਾ ਕਰਕੇ ਲਗਭਗ 149 ਮਿਲੀਅਨ ਡਾਲਰ ਦੇ ਧੋਖਾਧੜੀ (Fraud) ਵਾਲੇ ਦਾਅਵੇ ਕੀਤੇ ਸੀ।
ਐਫ. ਬੀ. ਆਈ. ਕਰ ਰਹੀ ਮਾਮਲੇ ਦੀ ਜਾਂਚ
ਸੁਪਰ ਪਾਵਰ ਦੇਸ਼ ਅਮਰੀਕਾ ਦੀ ਜਾਂਚ ਏਜੰਸੀ ਫੈਡਰਲ ਬਿਊਰੋ ਆਫ ਇਨਵੈਸਟੀਗੇਸ਼ਨ (ਐਫ. ਬੀ. ਆਈ) (F. B. I) ਵਲੋਂ ਤਨਮਯ ਸ਼ਰਮਾ ਵਲੋਂ ਕੀਤੇ ਜਾ ਰਹੇ ਧੋਖਾਧੜੀ ਵਾਲੇ ਕਾਰਜਾਂ ਦੀ ਜਾਂਚ 2017 ਤੋਂ ਹੀ ਕੀਤੀ ਜਾ ਰਹੀ ਸੀ, ਜਿਸਦੇ ਚਲਦਿਆਂ ਇਸ ਮਾਮਲੇ ਵਿਚ ਸਹਾਇਕ ਮੁਲਜਮ ਪਾਲ ਜਿਨ ਸੇਨ ਵੀ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਜਿਸਨੂੰ ਜਦੋਂ ਮਾਨਯੋਗ ਅਮਰੀਕੀ ਅਦਾਲਤ (American court) ਵਿਚ ਪੇਸ਼ ਕੀਤਾ ਗਿਆ ਤਾਂ ਉਸਨੇ ਆਪਣੇ ਆਪ ਨੂੰ ਬੇਕਸੂਰ ਦੱਸਿਆ, ਜਿਸ ਤੇ ਮਾਨਯੋਗ ਅਦਾਲਤ ਨੇ ਮਾਮਲੇ ਦੀ ਸੁਣਵਾਈ ਨੂੰ ਅੱਗੇ ਪਾਉਂਦਿਆਂ 29 ਜੁਲਾਈ ਤਰੀਕ ਤੈਅ ਕੀਤੀ ਹੈ।ਦੱਸਣਯੋਗ ਹੈ ਕਿ ਤਨਮਯ ਸ਼ਰਮਾ ਨੇ ਮਰੀਜ਼ਾਂ ਨੂੰ ਭਰਤੀ ਕਰਨ ਲਈ 21 ਮਿਲੀਅਨ ਡਾਲਰ ਜੋ ਕਿ ਭਾਰਤੀ ਕਰੰਸੀ ਵਿਚ 175 ਕਰੋੜ ਦੇ ਕਰੀਬ ਬਣਦੀ ਹੈ ਦੀ ਗੈਰ-ਕਾਨੂੰਨੀ ਰਿਸ਼ਵਤ ਦਿੱਤੀ ਗਈ ਸੀ ।
Read More : ਨਾਗਪੁਰ ਵਿਖੇ ਫੋਰੈਕਸ ਧੋਖਾਧੜੀ ਮਾਮਲੇ ਵਿਚ ਹੋਇਆ ਮਾਮਲਾ ਦਰਜ