ਟੂਰਨਾਮੈਂਟ ਵਾਸਤੇ ਜਾ ਰਹੇ ਕ੍ਰਿਕਟਰ ਵਿਰਕਮ ਦੀ ਸਿਹਤ ਵਿਗੜਨ ਕਾਰਨ ਹੋਈ ਮੌਤ
ਨਵੀਂ ਦਿੱਲੀ, 5 ਜੂਨ 2025 : Cricketer Vikram, who was going to a tournament in Gwalior, died due to deteriorating health : ਕ੍ਰਿਕਟ ਦੀ ਦੁਨੀਆਂ ਵਿਚ ਵ੍ਹੀਲਚੇਅਰ ਕ੍ਰਿਕਟਰ ਵਿਕਰਮ ਦੇ ਨਾਮ ਨਾਲ ਜਾਣੇ ਜਾਂਦੇ ਖਿਡਾਰੀ ਦੀ ਗਵਾਲੀਅਰ ਵਿਖੇ ਟੂਰਨਾਮੈਂਟ ਵਿਚ ਭਾਗ ਲੈਣ ਜਾਂਦੇ ਸਮੇਂ ਰੇਲ ਗੱਡੀ ਵਿਚ ਅਚਾਨਕ ਸਿਹਤ ਵਿਗੜਨ (Deterioration of health) ਦੇ ਚਲਦਿਆਂ ਮੌਤ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ । ਦੱਸਣਯੋਗ ਹੈ ਕਿ ਕ੍ਰਿਕਟਰ ਵਿਕਰਮ ਲੁਧਿਆਣਾ ਤੋ਼ ਗਵਾਲੀਅਰ ਛੱਤੀਸਗੜ ਐਕਸਪ੍ਰੈਸ ਰਾਹੀਂ ਜਾ ਰਹੇ ਸਨ ।
ਕੀ ਵਿਕਰਮ ਦੀ ਮੌਤ ਦਿਲ ਦਾ ਦੌਰਾ ਪੈਣ ਕਰਕੇ ਹੋਈ
ਰੇਲ ਗੱਡੀ (Train) ਵਿਚ ਸਫਰ ਕਰ ਰਹੇ ਵ੍ਹੀਲਚੇਅਰ ਕ੍ਰਿਕਟਰ ਵਿਕਰਮ (Cricketer Vikram) ਦੀ ਜਦੋਂ ਤਬੀਅਤ ਵਿਗੜੀ ਤਾਂ ਫਸਟ ਏਡ ਲਈ ਜਿਸ ਟੀਮ ਨੂੰ ਬੁਲਾਇਆ ਗਿਆ ਦੇ ਆਉਣ ਤੱਕ ਵਿਕਰਮ ਦੇ ਸਾਂਹ ਉਸਦੇ ਸਰੀਰ ਵਿਚੋ਼ ਨਿਕਲ ਚੁੱਕੇ ਸਨ, ਜਿਸ ਤੇ ਸ਼ੱਕ ਪ੍ਰਗਟ ਕੀਤਾ ਜਾ ਰਿਹਾ ਹੈ ਕਿ ਵਿਕਰਮ ਦੀ ਮੌਤ ਸ਼ਾਇਦ ਦਿਲ ਦਾ ਦੌਰਾ ਪੈਣ ਕਰਕੇ ਹੋਈ ਹੈ।
ਟ੍ਰੇਨ ਡੇਢ ਘੰਟੇ ਰਹੀ ਖੜ੍ਹੀ ਤੇ ਨਾ ਪਹੁੰਚ ਸਕੀ ਸਮੇਂ ਸਿਰ ਮਥੁਰਾ ਜੰਕਸ਼ਨ
ਭਾਰਤੀ ਰੇਲ ਰਾਹੀਂ ਸਫਰ ਕਰ ਰਹੇ ਭਾਰਤੀ ਕ੍ਰਿਕਟਰ ਵਿਕਰਮ ਦੇ ਨਾਲ 14 ਹੋਰ ਖਿਡਾਰੀ ਵੀ ਨਾਲ ਹੀ ਸਫਰ ਕਰ ਰਹੇ ਸਨ ਜਿਨ੍ਹਾਂ ਵਿਕਰਮ ਦੀ ਤਬੀਅਤ ਖਰਾਬ ਹੋਣ ਸਬੰਧੀ ਰੇਲਵੇ ਸਟਾਫ ਨੂੰ ਦੱਸਿਆ ਪਰ ਰੇਲ ਦੇ ਆਪਣੇ ਲਾਈਨਾਂ ਕਲੀਅਰ ਹੋਣ ਦੇ ਸਿਲਸਿਲੇ ਦੇ ਚਲਦਿਆਂ ਰੇਲ ਗੱਡੀ ਇਕ ਅਜਿਹੀ ਥਾਂ ਡੇਢ ਘੰਟੇ ਵਾਸਤੇ ਖੜ੍ਹੀ ਰਹੀ ਜਿਥੇ ਕੁੱਝ ਵੀ ਸੰਭਵ ਨਹੀਂ ਸੀ, ਜਿਸਦੇ ਚਲਦਿਆਂ ਜਦੋਂ ਰੇਲ ਗੱਡੀ ਮਥੁਰਾ ਜੰਕਸ਼ਨ ਪਹੁੰਚੀ ਤਾਂ ਵਿਕਰਮ ਰੱਬ ਨੂੰ ਪਿਆਰਾ ਹੋ ਚੁੱਕਿਆ ਸੀ ।
ਮਥੁਰਾ ਜੰਕਸ਼ਨ ਪਹੁੰਚਦਿਆਂ ਹੀ ਰੇਲਵੇ ਪੁਲਸ ਨੇ ਉਤਾਰੀ ਲਾਸ਼
ਰੇਲ ਰਾਹੀਂ ਮਥੁਰਾ ਜੰਕਸ਼ਨ ਪਹੁੰਚਣ ਤੇ ਪਹਿਲਾਂ ਤੋਂ ਹੀ ਉਪਰੋਕਤ ਘਟਨਾਕ੍ਰਮ ਲਈ ਸੂਚਿਤ ਜੀ. ਆਰ. ਪੀ. ਪੁਲਸ ਵਲੋਂ ਕ੍ਰਿਕਟਰ ਵਿਕਰਮ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਉਤਾਰਿਆ ਗਿਆ ਤੇ ਪੋਸਟਮਾਰਟਮ (Postmortem) ਤੋਂ ਬਾਅਦ ਅਗਲੇਰੀ ਕਾਰਵਾਈ ਕੀਤੀ ਗਈ । ਇਸਦੇ ਨਾਲ ਹੀ ਵਿਕਰਮ ਦੇ ਪਰਿਵਾਰਕ ਮੈਂਬਰਾਂ ਨੂੰ ਵੀ ਦੱਸਿਆ ਗਿਆ, ਜਿਸ ਤੋਂ ਬਾਅਦ ਬਾਕੀ ਖਿਡਾਰੀਆਂ ਦੀ ਟੀਮ ਜੋ ਕਿ ਗਵਾਲੀਅਰ ਜਾ ਰਹੀ ਸੀ ਆਪਣੀ ਮੰਜਿ਼ਲ ਵੱਲ ਰਵਾਨਾ ਹੋ ਗਈ ।
Read More : ਭਾਰਤੀ ਟੀਮ ਦੇ ਸਾਬਕਾ ਕ੍ਰਿਕਟਰ ਦੀ ਪਤਨੀ ਦਾ ਦਿਹਾਂਤ