ਗਰਮੀ ਨੇ ਕੱਢੇ ਲੋਕਾਂ ਦੇ ਵਟ : ਤਾਪਮਾਨ 42 ਡਿਗਰੀ

ਪਟਿਆਲਾ, 29 ਮਈ 2025 : Heat takes its toll on people: Temperature hits 42 degrees : ਪੰਜਾਬ ਭਰ ‘ਚ ਜਿਥੇ ਮੌਸਮ ਨੇ ਆਪਣਾ ਰੂਦਰ ਰੂਪ ਧਾਰ ਲਿਆ ਹੈ, ਉੱਥੇ ਪਟਿਆਲਾ ਅੰਦਰ ਵੀ ਗਰਮੀ ਨੇ ਲੋਕਾਂ ਦੇ ਪੂਰੀ ਤਰ੍ਹਾਂ ਵਟ ਕੱਢ ਕੇ ਰੱਖ ਦਿੱਤੇ ਹਨ । ਤਾਪਮਾਨ (Temperature) 42 ਡਿਗਰੀ ਪੁੱਜਣ ਕਾਰਨ ਗਰਮ ਤਪਸ ਤੇ ਗਰਮ ਹਵਾਵਾਂ ਨੇ ਲੋਕਾਂ ਦੀ ਪੂਰੀ ਤਰ੍ਹਾਂ ਮਤ ਮਾਰਕੇ ਰੱਖੀ ਅਤੇ ਪਿਛਲੇ ਕੁਝ ਦਿਨਾਂ ਤੋਂ ਲਗਾਤਾਰ ਵਧ ਰਹੇ ਤਾਪਮਾਨ ਨੇ ਸੂਬੇ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਲੋਕਾਂ ਨੂੰ ਘਰਾਂ ‘ਚ ਕੈਦ ਕਰ ਦਿੱਤਾ ਹੈ ।

ਤਾਪਮਾਨ ਪਹੁੰਚ ਗਿਆ ਹੈ 42 ਡਿਗਰੀ ਸੈਲਸੀਅਸ ਤੋਂ ਉਪਰ ਤੱਕ

ਪਟਿਆਲਾ, ਲੁਧਿਆਣਾ, ਬਠਿੰਡਾ, ਫਰੀਦਕੋਟ, ਮਾਨਸਾ ਅਤੇ ਬਰਨਾਲਾ ਵਰਗੇ ਖੇਤਰਾਂ ‘ਚ ਤਾਪਮਾਨ 42 ਡਿਗਰੀ ਸੈਲਸੀਅਸ (42 degrees Celsius) ਤੋਂ ਉਪਰ ਤੱਕ ਪਹੁੰਚ ਗਿਆ ਹੈ। ਸੂਰਜ ਦੀ ਤਪਸ਼ ਅਤੇ ਹਵਾ ਵਿੱਚ ਨਮੀ ਦੀ ਕਮੀ ਨੇ ਲੋਕਾਂ ਦਾ ਜੀਨਾ ਮੁਸ਼ਕਲ ਕਰ ਦਿੱਤਾ ਹੈ ਅਤੇ ਬਜਾਰਾਂ ਵਿਚ ਵੀ ਰੋਣਕਾਂ ਪੂਰੀ ਤਰ੍ਹਾਂ ਗਾਇਬ ਤੇ ਸੜਕਾਂ ਸੁਨੀਆਂ ਨਜਰ ਆ ਰਹੀਆਂ ਹਨ ਤੇ ਚਾਰ ਪਾਸੇ ਸੰਨਾਟਾ ਪਸਰਿਆ ਨਜਰ ਆਉਂਦਾ ਹੈ ।

ਲੋਕ ਹੋ ਰਹੇ ਹਨ ਬੇਹੋਸ਼, ਹੀਟ ਸਟਰੋਕ ਦੇ ਮਾਮਲੇ ਵਧੇ

ਇਸ ਵਧਦੀ ਗਰਮੀ ਦੇ ਕਾਰਨ ਹੀਟ ਸਟਰੋਕ (Heat stroke) ਦੇ ਮਾਮਲੇ ਵਧਦੇ ਜਾ ਰਹੇ ਹਨ ਅਤੇ ਡਿਹਾਈਡਰੇਸ਼ਨ ਅਤੇ ਉਲਟੀ-ਮਤਲੀ ਦੇ ਮਾਮਲਿਆਂ ਵਿਚ ਵੀ ਵਾਧਾ ਹੁੰਦਾ ਨਜਰ ਆ ਰਿਹਾ ਹੈ । ਡਾਕਟਰਾਂ ਦੇ ਮੁਤਾਬਕ ਸਭ ਤੋਂ ਜ਼ਿਆਦਾ ਪ੍ਰਭਾਵ ਖਾਸ ਕਰਕੇ ਬੁਜ਼ੁਰਗਾਂ, ਬੱਚਿਆਂ ਅਤੇ ਗਰਮੀ ਵਿਚ ਕੰਮ ਕਰਨ ਵਾਲੇ ਮਜ਼ਦੂਰਾਂ ਉੱਤੇ ਪਿਆ ਹੈ, ਇਸ ਲਈ ਉਨਾ ਸਾਵਧਾਨੀ ਰੱਖਣ ਲਈ ਵੀ ਕਿਹਾ ਹੈ ।

ਬਜ਼ਾਰਾਂ ਵਿਚ ਰੋਣਕ ਨਾ ਹੋਣ ਕਾਰਨ ਦੁਕਾਨਦਾਰ ਪਰੇਸ਼ਾਨ

ਸ਼ਹਿਰ ਵਿਚ ਅਦਾਲਤ ਬਜਾਰ, ਲਾਹੌਰੀ ਗੇਟ, ਆਰਿਆ ਸਮਾਜ, ਤ੍ਰਿਪੜੀ ਬਜਾਰ, ਭਾਂਡਿਆਂ ਵਾਲੇ ਬਜਾਰ, ਗੁਡਮੰਡੀ, ਲਹੌਰੀ ਗੇਟ ਆਦਿ ਵਿਚ ਸਵੇਰ 11 ਵਜੇ ਤੋਂ ਬਾਅਦ ਲਗਭਗ ਸੁਨਸਾਨ ਮਾਹੌਲ ਬਣ ਜਾਂਦਾ ਹੈ । ਗ੍ਰਾਹਕਾਂ ਦਾ ਬਜਾਰਾਂ ਵਿਚ ਆਉਣ-ਜਾਣਾ ਬੰਦ ਹੋਣ ਨਾਲ ਵਪਾਰੀ ਵਰਗ ਵਿਚ ਵੀ ਚਿੰਤਾ ਨਜਰ ਆ ਰਹੀ ਹੈ ਤੇ ਦੁਕਾਨਦਾਰ ਪਰੇਸ਼ਾਨ ਹੋ ਰਹੇ ਹਨ ।

ਅਗਾਮੀ ਦਿਨਾਂ ‘ਚ ਪੈ ਸਕਦੀ ਹੈ ਬਰਸਾਤ

ਉਧਰ ਦੁਸਰੇ ਪਾਸੇ ਮੌਸਮ ਮਾਹਿਰਾਂ ਦੀ ਮੰਨੀਏ ਤਾਂ ਆਗਾਮੀ ਦਿਨਾਂ ਅੰਦਰ ਤੇਜ ਬਰਸਾਤ ਅਤੇ ਤੇਜ ਹਵਾਵਾਂ ਚੱਲਣ ਦੀ ਸੰਭਾਵਨਾ ਵੀ ਬਣੀ ਹੋਈ ਹੈ, ਜੋਕਿ ਗਰਮੀ ਨੂੰ ਕਿਤੇ ਨਾ ਕਿਤੇ ਨਥ ਪਾਉਣ ਵਿਚ ਭੂਮਿਕਾ ਅਦਾ ਕਰੇਗੀ ।

ਗਰਮੀ ਅਤੇ ਹੀਟ ਵੇਵ ਤੋਂ ਬਚਾਅ ਲਈ ਲੋਕ ਰੱਖਣ ਸਾਵਧਾਨੀ : ਡਾ. ਅਸ਼ੋਕ ਜੋਸ਼ੀ

ਇਸ ਮੌਕੇ ਸਹਾਰਾ ਹਸਪਤਾਲ ਦੇ ਸੀਨੀਅਰ ਡਾ. ਅਸ਼ੋਕ ਜੋਸ਼ੀ ਨੇ ਆਖਿਆ ਕਿ ਗਰਮੀ ਅਤੇ ਹੀਟ ਵੇਵ ਤੋਂ ਬਚਾਅ ਲਈ ਲੋਕ ਸਾਵਧਾਨੀਆਂ ਰੱਖਣ । ਉਨਾ ਆਖਿਆ ਕਿ ਬਾਹਰ ਨਿਕਲਨ ਸਮੇ ਲੋਕ ਆਪਣੇ ਸ਼ਰੀਰ ਨੂੰ ਢੱਕਨ। ਤਪਸ਼ ਤੋਂ ਬਚਣ ਲਈ ਚਿੱਟੇ ਜਾਂ ਹਲਕੇ ਰੰਗ ਦੇ ਸੂਤ ਦੇ ਕੱਪੜੇ ਪਹਿਨਨ, ਸਿਰ ‘ਤੇ ਰੁਮਾਲ, ਕੈਪ ਜਾਂ ਛੱਤਰੀ ਦੀ ਵਰਤੋਂ ਕਰਨ । ਇਸ ਤੋ ਇਲਾਵਾ ਵੱਧ ਤੋਂ ਵੱਧ ਪਾਣੀ ਪੀਓ। ਰੋਜ਼ਾਨਾ ਘੱਟੋ-ਘੱਟ 3-4 ਲੀਟਰ ਪਾਣੀ ਪੀਣਾ ਜਰੂਰੀ ਹੈ, ਇਨ੍ਹਾਂ ਦਿਨਾਂ ਵਿੱਚ ਛਾਛ, ਨਿੰਬੂ ਪਾਣੀ ਜਾਂ ਗਲੂਕੋਸ ਵਾਲੇ ਪਾਣੀ ਦੀ ਵੀ ਵਰਤੋਂ ਕਰੋ । ਸਿੱਧੀ ਧੁੱਪ ਤੋਂ ਬਚਨ ਲਈ ਬਿਨਾ ਕੰਮ ਤੋਂ ਘਰ ਤੋਂ ਬਾਹਰ ਨਾ ਨਿਕਲਨ । ਇਸ ਤੋ ਇਲਾਵਾ ਬੱਚਿਆਂ ਅਤੇ ਬੁਜ਼ੁਰਗਾਂ ਦੀ ਖ਼ਾਸ ਦੇਖਭਾਲ ਕਰਨ ਦੀ ਵੀ ਲੋੜ ਹੈ ।

Read More : ਭਿਆਨਕ ਗਰਮੀ ਨੇ ਲੈ ਲਈ ਘੱਟੋ-ਘੱਟ 110 ਲੋਕਾਂ ਦੀ ਜਾਨ