ਫਿਰੋਜ਼ਪੁਰ `ਚ ਇਕ ਹੋਰ ਵਿਅਕਤੀ ਹੋਇਆ ਕੋਰੋਨਾ ਪਾਜ਼ੀਟਿਵ
ਫਿਰੋਜ਼ਪੁਰ, 2 ਜੂਨ 2025 : Another person tests positive for coronavirus in Ferozepur : ਪੰਜਾਬ ਦੇ ਵੱਖ ਵੱਖ ਸੂਬਿਆਂ ਵਿਚ ਕੋਰੋਨਾ ਨਾਲ ਪੀੜ੍ਹਤ ਹੁੰਦੇ ਜਾ ਰਹੇ ਮਰੀਜਾਂ ਦੇ ਚਲਦਿਆਂ ਅੱਜ ਇਕ ਹੋਰ ਨੌਜਵਾਨ ਦੇ ਫਿਰੋਜ਼ਪੁਰ ਵਿਚ ਕੋਰੋਨਾ ਪੀੜ੍ਹਤ ਹੋਣ ਬਾਰੇ ਪਤਾ ਲੱਗਿਆ ਹੈ । ਦੱਸਣਯੋਗ ਹੈ ਕਿ ਫਿਰੋਜ਼ਪੁਰ (Ferozepur) ਵਿਚ ਪਹਿਲਾ ਕੇਸ ਮਈ ਮਹੀਨੇ ਦੇ ਅਖੀਰ ਵਿਚ ਆਇਆ ਸੀ ।
ਰਾਜਸਥਾਨ ਦੇ ਹਨੂੰਮਾਨਗੜ੍ਹ ਦਾ ਵਸਨੀਕ ਹੈ ਨੌਜਵਾਨ
ਭਰੋਸੇਯੋਗ ਸੂਤਰਾਂ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਰਾਜਸਥਾਨ ਦੇ ਹਨੂੰਮਾਨਗੜ੍ਹ ਦਾ ਵਸਨੀਕ ਨੌਜਵਾਨ ਕਿਸੇ ਕੰਮ ਲਈ 25 ਮਈ ਤੋਂ 27 ਮਈ ਤੱਕ ਯੂ. ਪੀ. ਦੇ ਸ਼ਹਿਰ ਮੁਜੱਫਰਨਗਰ ਗਿਆ ਸੀ ਤੇ ਉਕਤ ਨੌਜਵਾਨ ਦੇ ਕੋਰੋਨਾ ਪੀੜਤ ਹੋਣ ਬਾਰੇ ਰੇਲਵੇ ਹਸਪਤਾਲ ਵਲੋਂ ਰਿਪੋਰਟ ਭੇਜਣ ਪਿੱਛੋਂ ਪਤਾ ਲੱਗਿਆ ਹੈ, ਜਿਸਨੂੰ ਉਸਦੇ ਮਾਤਾ-ਪਿਤਾ ਕੋਲ ਸੂਰਿਆ ਇਨਕਲੇਵ ਨੇੜੇ ਰੇਲਵੇ ਕਾਲੋਨੀ ਫਿਰੋਜ਼ਪੁਰ ਵਿਖੇ ਕੁਆਰਨਟਾਈਨ (Quarantine) ਕਰ ਦਿੱਤਾ ਗਿਆ ਹੈ ।
ਮੁੜ ਕੋਰੋਨਾ ਕੇਸਾਂ ਦੀ ਸ਼ੁਰੂਆਤ ਵਿਦੇਸ਼ ਹਾਂਗਕਾਂਗ ਅਤੇ ਸਿੰਗਾਪੁਰ ਵਿਖੇ ਹੋਈ
ਦੱਸਣਯੋਗ ਹੈ ਕਿ 2025 ਵਿਚ ਮੁੜ ਕੋਰੋਨਾ ਕੇਸਾਂ ਦੀ ਸ਼ੁਰੂਆਤ ਵਿਦੇਸ਼ ਹਾਂਗਕਾਂਗ ਅਤੇ ਸਿੰਗਾਪੁਰ (Hong Kong and Singapore) ਵਿਖੇ ਹੋਈ ਹੈ, ਜਿਸਦੇ ਚਲਦਿਆਂ ਚਲਦਿਆਂ ਹੁਣ ਇਹ ਭਾਰਤ ਅਤੇ ਇਸਦੇ ਹੋਰ ਸੂਬਿਆਂ ਵਿਚ ਵੀ ਆਪਣੇ ਪੈਰ ਪਸਾਰਦਾ ਜਾ ਰਿਹਾ ਹੈ, ਜਿਸ ਨਾਲ ਡਾਕਟਰਜ਼ ਵਲੋਂ ਪਹਿਲਾਂ ਨਾਲੋਂ ਬੜੇ ਹੀ ਚੰਗੇ ਤਰੀਕੇ ਨਾਲ ਲੜਿਆ ਜਾ ਰਿਹਾ ਹੈ ਤੇ ਕੋਰੋਨਾ ਲੱਛਣ ਵਾਲਿਆਂ ਨੂੰ ਸਹੀ ਇਲਾਜ ਦੇ ਕੇ ਠੀਕ ਕਰਕੇ ਵੀ ਭੇਜਿਆ ਜਾ ਰਿਹਾ ਹੈ ਤੇ ਇਸ ਤੋਂ ਪਹਿਲਾਂ ਕੋਰੋਨਾ ਦੇ ਲੱਂਛਣ ਇਕ ਤੋਂ ਦੂਸਰੇ ਮਨੁੱਖ ਵਿਚ ਨਾ ਫੈਲਣ ਨੂੰ ਮੁੱਖ ਰੱਖਦਿਆਂ ਕੋਰੋਨਾ ਪੀੜ੍ਹਤ ਨੂੰ ਕੁਆਰਨਟਾਈਨ ਕਰਕੇ ਰੱਖਿਆ ਜਾਂਦਾ ਹੈ ਤੇ ਦਵਾਈਆਂ ਆਦਿ ਨਾਲ ਇਲਾਜ ਕੀਤਾ ਜਾਂਦਾ ਹੈ । ਇਸ ਸਭ ਦੇ ਚਲਦਿਆਂ ਬੇਸ਼ਕ ਕੁੱਝ ਵਿਅਕਤੀਆਂ ਦੀ ਮੌਤ ਵੀ ਹੋ ਚੁੱਕੀ ਹੈ ਪਰ ਡਾਕਟਰਾਂ ਵਲੋਂ ਕੋਰੋਨਾ ਵਿਰੁੱਧ ਜੰਗ ਜਾਰੀ ਹੈ ।
Read More : ਨਾ ਮੁਰਾਦ ਕੋਰੋਨਾ ਦਾ ਤੀਸਰਾ ਮਾਮਲਾ ਪੰਜਾਬ ਵਿਚ ਆਇਆ ਸਾਹਮਣੇ