ਮੁਲਤਾਨੀ ਮੱਲ ਮੋਦੀ ਕਾਲਜ ਪਟਿਆਲਾ ਵਿੱਚ 76ਵਾਂ ਗਣਤੰਤਰ ਦਿਵਸ ਮਨਾਇਆ ਗਿਆ

ਮੁਲਤਾਨੀ ਮੱਲ ਮੋਦੀ ਕਾਲਜ ਪਟਿਆਲਾ ਵਿੱਚ 76ਵਾਂ ਗਣਤੰਤਰ ਦਿਵਸ ਮਨਾਇਆ ਗਿਆ
ਪਟਿਆਲਾ : ਮੁਲਤਾਨੀ ਮੱਲ ਮੋਦੀ ਕਾਲਜ, ਪਟਿਆਲਾ ਵਿੱਚ 76ਵਾਂ ਗਣਤੰਤਰ ਦਿਵਸ ਬੜੇ ਸਨਮਾਨ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਇਹ ਸਮਾਰੋਹ 5 ਪੀ.ਬੀ. ਬਟਾਲੀਅਨ, ਪਟਿਆਲਾ, 4 ਪੀ.ਬੀ. ਬਟਾਲਿਅਨ, ਪਟਿਆਲਾ ਅਤੇ 3 ਪੀ.ਬੀ. ਏਅਰ ਸਕਵਾਰਡਨ ਪਟਿਆਲਾ ਦੇ ਸਹਿਯੋਗ ਨਾਲ ਆਯੋਜਿਤ ਕੀਤਾ ਗਿਆ।
ਇਸ ਉਤਸ਼ਾਹਪੂਰਣ ਸਮਾਰੋਹ ਦੀ ਸ਼ੁਰੂਆਤ ਕਾਲਜ ਦੇ ਮਾਣਯੋਗ ਪ੍ਰਿੰਸੀਪਲ ਡਾ. ਨੀਰਜ ਗੋਇਲ ਨੇ ਰਾਸ਼ਟਰੀ ਝੰਡਾ ਫਹਿਰਾਉਣ ਦੀ ਰਸਮ ਨਾਲ ਕੀਤੀ, ਜਿਸ ਨਾਲ ਉਨ੍ਹਾਂ ਨੇ ਦੇਸ਼ ਦੀ ਆਜ਼ਾਦੀ ਲਈ ਆਪਣੇ ਪ੍ਰਾਣ ਸਮਰਪਿਤ ਕਰਨ ਵਾਲੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦਿੱਤੀ । ਡਾ. ਗੋਇਲ ਨੇ ਵਿਦਿਆਰਥੀਆਂ ਨੂੰ ਰਾਸ਼ਟਰੀ ਵਿਕਾਸ, ਸ਼ਾਂਤੀ ਅਤੇ ਸਮੂਹਿਕ ਸਦਭਾਵਨਾ ਪ੍ਰਤੀ ਸੱਚੀ ਪ੍ਰਤਿਬੱਧਤਾ ਦਿਖਾਉਣ ਦੀ ਅਹਿਮੀਅਤ ਨੂੰ ਉਜਾਗਰ ਕੀਤਾ। ਸੈਨਾ ਅਤੇ ਏਅਰ ਵਿੰਗ ਦੇ ਕੈਂਡਿਟਾਂ ਨੇ ਮਾਰਚ ਪਾਸਟ ਦੁਆਰਾ ਇੱਕ ਬਹੁਤ ਹੀ ਸੁਚਜਿਤ ਗਾਰਡ ਆਫ਼ ਓਨਰ ਪੇਸ਼ ਕੀਤਾ ਜ਼ੋ ਕਿ ਅਨੁਸ਼ਾਸਨ ਅਤੇ ਦੇਸ਼ ਭਗਤੀ ਦੀ ਮਿਸਾਲ ਸੀ। ਇਸ ਮਹੱਤਵਪੂਰਨ ਸਮਾਰੋਹ ਵਿੱਚ ਐਨ. ਸੀ. ਸੀ. ਅਫ਼ਸਰ (ਐਨ. ਓ.) ਲੈਫਟਿਨੈਂਟ ਡਾ. ਰੋਹਿਤ ਸਚਦੇਵਾ, 5 ਪੀ.ਬੀ. ਬਟਾਲਿਅਨ ਤੋਂ, ਫਲਾਇੰਗ ਅਫ਼ਸਰ ਡਾ. ਸਮੀਤ ਕੁਮਾਰ 3 ਪੀ. ਬੀ. ਏਅਰ ਸਕਵਾਰਡਨ ਤੋਂ, ਕਾਲਜ ਦੇ ਮਹੱਤਵਪੂਰਨ ਫੈਕਲਟੀ ਮੈਂਬਰ ਡਾ. ਹਰਮੋਹਨ ਸ਼ਰਮਾ, ਡਾ. ਗਣੇਸ਼ ਸੇਠੀ, ਡਾ. ਵਰੁਣ ਜੈਨ, ਡਾ. ਅਸ਼ਵਨੀ ਸ਼ਰਮਾ ਅਤੇ ਗੈਰ-ਅਧਿਆਪਣ ਸਟਾਫ਼ ਵਿਚੋਂ ਸ਼੍ਰੀ ਅਜੇ ਕੁਮਾਰ ਗੁਪਤਾ ਤੇ ਸ਼੍ਰੀ ਜਸਵਿੰਦਰ ਸਿੰਘ ਸ਼ਾਮਿਲ ਸਨ । ਸਮਾਰੋਹ ਦੇ ਦੌਰਾਨ ਕੈਡਿਟ ਆਂਚਲ, ਜ਼ਸਕਰਨ, ਪਰਨਿਤੀ, ਅਭਿਤੇਜ਼, ਸ਼ੁਭਾਂਗਿਨੀ, ਦਿਕਸ਼ਿਤ, ਰਮਨ, ਸਕਸ਼ਮ, ਗੁਨਵਾਰੀ ਅਤੇ ਦੀਪਾਂਸ਼ੀ ਨੇ ਵਿਭਿੰਨ ਪ੍ਰਕਾਰ ਦੇ ਸਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤੇ । ਕੜਾਕੇ ਦੀ ਠੰਡ ਦੇ ਬਾਵਜੂਦ ਕੈਡਿਟਾਂ ਦੇ ਦ੍ਰਿੜ ਇਰਾਦੇ ਅਤੇ ਜਜ਼ਬੇ ਨੇ ਸਮਾਗਮ ਨੂੰ ਚਾਰ ਚੰਦ ਲਗਾ ਦਿੱਤੇ । ਸਮਾਰੋਹ ਦੇ ਅੰਤ ਵਿੱਚ ਕੈਡਿਟਾਂ ਵੱਲੋਂ ਐਨ.ਸੀ.ਸੀ. ਗੀਤ ਅਤੇ ਰਾਸ਼ਟਰੀ ਗਾਨ ਗਾਇਆ ਗਿਆ । ਇਸ ਮੌਕੇ ਤੇ ਪ੍ਰਿੰਸੀਪਲ ਡਾ. ਗੋਇਲ ਵੱਲੋਂ ਬ੍ਰੇਕਫਾਸਟ ਦਾ ਵੀ ਆਯੋਜਨ ਕੀਤਾ ਗਿਆ । ਸਮਾਰੋਹ ਦੀ ਸਮਾਪਤੀ ਦੇਸ਼ ਭਗਤੀ ਦੀਆਂ ਭਾਵਨਾਵਾਂ ਅਤੇ ਭਾਰਤ ਮਾਤਾ ਦੀ ਜੈ ਅਤੇ ਵੰਦੇ ਮਾਤਰਮ ਦੇ ਨਾਅਰਿਆਂ ਨਾਲ ਹੋਈ, ਜਿਸਦੀ ਗੂੰਜ ਪੂਰੇ ਕਾਲਜ ਵਿੱਚ ਸੁਣਾਈ ਦਿੱਤੀ । ਸਮਾਰੋਹ ਦੀ ਆਯੋਜਨਾ ਐਨ. ਓ. ਵੱਲੋਂ ਪ੍ਰਿੰਸੀਪਲ ਸਾਹਿਬ ਦੀ ਮਾਹਰ ਅਗਵਾਈ ਹੇਠ ਕੀਤੀ ਗਈ, ਜਿਸ ਨਾਲ ਇਸ ਮਹੱਤਵਪੂਰਨ ਰਾਸ਼ਟਰੀ ਦਿਵਸ ਦਾ ਪ੍ਰਭਾਵਸ਼ਾਲੀ ਅਤੇ ਯਾਦਗਾਰੀ ਤਰੀਕੇ ਨਾਲ ਮਨਾਉਣਾ ਯਕੀਤੀ ਬਣਾਇਆ ਜਾ ਸਕੇ ।