ਨਜਾਇਜ ਕਬਜਿਆਂ ਨੂੰ ਲੈ ਕੇ ਨਗਰ ਨਿਗਮ ਹੋਇਆ ਸਖਤ

ਨਜਾਇਜ ਕਬਜਿਆਂ ਨੂੰ ਲੈ ਕੇ ਨਗਰ ਨਿਗਮ ਹੋਇਆ ਸਖਤ
ਰੇਹੜੀਆਂ ਦੇ ਕੀਤੇ ਚਲਾਨ
ਦੁਕਾਨਦਾਰਾਂ ਨੂੰ ਦਿੱਤੀ ਚਿਤਾਵਨੀ : ਨਜਾਇਜ ਕਬਜੇ ਨਾ ਹਟਾਏ ਤਾਂ ਹੋਵੇਗੀ ਕਾਰਵਾਈ
ਪਟਿਆਲਾ : ਨਗਰ ਨਿਗਮ ਦੇ ਮੇਅਰ ਕੁੰਦਨ ਗੋਗੀਆ ਦੇ ਦਿਸ਼ਾ ਨਿਰਦੇਸ਼ਾਂ ਦੇ ਤਹਿਤ ਨਜਾਇਜ ਕਬਜਿਆਂ ਨੂੰ ਲੈ ਕੇ ਨਗਰ ਨਿਞਮ ਪੂਰੀ ਤਰ੍ਹਾਂ ਸਖਤ ਨਜਰ ਆ ਰਿਹਾ ਹੈ, ਜਿਸਦੇ ਤਹਿਤ ਅੱਜ ਜਿਥੇ ਨਿਗਮ ਟੀਮ ਵਲੋ ਨਜਾਇਜ ਤੌਰ ‘ਤੇ ਖੜੀ ਰੇਹੜੀਆਂ ਦੇ ਚਲਾਨ ਕੀਤੇ ਗਏ, ਉੱਥੇ ਦੂਸਰੇ ਪਾਸੇ ਦੁਕਾਨਦਾਰਾਂ ਨੂੰ ਵੀ ਚਿਤਾਵਨੀ ਦਿੱਤੀ ਗਈ ਕਿ ਜੇਕਰ ਨਜਾਇਜ ਕਬਜੇ ਨਾ ਹਟਾਏ ਗਏ ਤਾਂ ਕਾਰਵਾਈ ਕੀਤੀ ਜਾਵੇਗੀ।
ਜਾਣਕਾਰੀ ਦੇ ਅਨੁਕਾਰ ਨਗਰ ਨਿਗਮ ਕਮਿਸ਼ਨਰ ਡਾ. ਰਜਤ ਓਬਰਾਏ ਤੇ ਮੇਅਰ ਕੁੰਦਨ ਗੋਗੀਆ ਦੇ ਦਿਸ਼ਾ ਨਿਰਦੇਸ਼ਾਂ ਦੇ ਬਾਅਦ ਨਿਗਮ ਲੈਂਡ ਬਰਾਂਚ ਅੱਜ ਬਡੂੰਗਰ ਰੋਡ, ਰਾਜਿੰਦਰਾ ਹਸਪਤਾਲ ਰੋਡ ਆਦਿ ਥਾਵਾਂ ਨੂੰ ਜਾਣ ਵਾਲੀ ਸੜਕ ਕਿਨਾਰੇ ਹੋਣ ਵਾਲੀ ਰੇਹੜੀਆਂ ‘ਤੇ ਕਾਰਵਾਈ ਕੀਤੀ। ਇਸ ਦੌਰਾਨ ਨਿਗਮ ਨੇ 25 ਦੇ ਕਰੀਬ ਰੇਹੜੀਆਂ ਦੇ ਚਲਾਨ ਕੀਤੇ। ਇਸਦੇ ਨਾਲ ਹੀ ਸ਼ਹਿਰ ਦੇ ਵੱਖ ਵੱਖ ਬਜਾਰਾਂ ਵਿਚ ਦੁਕਾਨਦਾਰਾਂ ਨੂੰ ਚਿਤਾਵਨੀ ਦਿੱਤੀ ਗਈ। ਇਸ ਤਰ੍ਹਾਂ ਨਿਗਮ ਟੀਮ ਵਲੋ ਸਫਾਬਾਦੀ ਗੇਟ ਤੋਂ ਸਨੌਰੀ ਅੱਡਾ ਨੂੰ ਜਾਣ ਵਾਲੀ ਸੜਕ ‘ਤੇ ਸਥਿਤ ਪਾਰਕ ਵਿਚ ਇਲਾਕੇ ਦੇ ਲੋਕਾਂ ਵਲੋ ਕੀਤੇ ਨਜਾੲਜ ਕਬਜੇ ਨੂੰ ਹਟਾਉਣ ਨਿਗਮ ਟੀਮ ਪੁੱਜੀ। ਟੀਮ ਦੀ ਅਗਵਾਈ ਇੰਸਪੈਕਟਰ ਮਨੀਸ ਪੁਰੀ ਨੇ ਲੋਕਾਂ ਨੂੰ ਪਾਰਕ ਤੋ ਨਜਾਇਜ ਕਬਜੇ ਹਟਾਉਣ ਦੇ ਲੲਂ ਦੋ ਦਿਨ ਦਾ ਅਲਟੀਮੇਟਮ ਦਿੱਤਾ। ਇਸ ਦੌਰਾਨ ਪੁਰੀ ਨੇ ਕਿਹਾ ਕਿ ਜੇਕਰ ਦੋ ਦਿਨ ਵਿਚ ਨਜਾਇਜ ਕਬਜਿਆਂ ਨੂੰ ਨਹੀ ਹਟਾਇਆ ਗਿਆ ਤਾਂ ਨਿਗਮ ਖੁਦ ਇਸ ਨਜਾਇਜ ਕਬਜੇ ਨੂੰ ਹਟਾਵੇਗਾ ਅਤੇ ਕਾਰਵਾਈ ਕਰੇਗਾ।
ਟ੍ਰੈਫਿਕ ਵਿਵਸਥਾ ਦੇ ਲਈ ਕਾਰਵਾਈ ਰਹੇਗੀ ਜਾਰੀ : ਮੇਅਰ ਕੁੰਦਨ ਗੋਗੀਆ
ਇਸ ਮੌਕੇ ਨਗਰ ਨਿਗਮ ਦੇ ਮੇਅਰ ਕੁੰਦਨ ਗੋਗੀਆ ਨੇ ਕਿਹਾ ਕਿ ਟ੍ਹੈਫਿਕ ਵਿਵਸਥਾ ਨੂੰ ਸਹੀ ਕਰਨ ਦੇ ਲੲਂ ਇਹ ਕਾਰਵਾਈ ਅੱਗੇ ਦਿਨਾਂ ਵਿਚ ਵੀ ਜਾਰੀ ਰਹੇਗੀ। ਉਨ੍ਹਾ ਕਿਹਾ ਕਿ ਟ੍ਰੈਫਿਕ ਵਿਵਸਥਾ ਸਹੀ ਕਰਨਾ ਹੈ ਤਾਂ ਸ਼ਹਿਰ ਦੇ ਬਜਾਰਾਂ ਵਿਚੋਂ ਨਜਾਇਜ ਕਬਜਿਆਂ ਨੂੰ ਹਟਾਉਣਾ ਬੇਹਦ ਜਰੂਰੀ ਹੈ। ਉਨ੍ਹਾ ਕਿਹਾ ਕਿ ਨਿਗਮ ਟੀਮ ਲਗਾਤਾਰ ਨਜਾਇਜ ਕਬਜਿਆਂ ਦੇ ਖਿਲਾਫ ਕਾਰਵਾਈ ਕਰ ਰਹੀ ਹੈ ਅਤੇ ਇਹ ਕਾਰਵਾਈ ਅਗਲੇ ਦਿਨਾਂ ਵਿਚ ਵੀ ਜਾਰੀ ਰਹੇਗੀ। ਮੇਅਰ ਨੇ ਸ਼ਹਿਰ ਦੇ ਸਮੂਹ ਦੁਕਾਨਦਾਰਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਮੁਹਿੰਮ ਵਿਚ ਸਹਿਯੋਗ ਕਰਨ ਅਤੇ ਨਜਾਇਜ ਤੌਰ ‘ਤੇ ਸਮਾਨ ਰਖਕੇ ਕਬਜੇ ਨਾ ਕਰਨ ਤਾਂ ਜੋ ਟ੍ਰੈਫਿਕ ਵਿਵਸਥਾ ਸਹੀ ਹੋ ਸਕੇ ।