ਸ਼੍ਰੋਮਣੀ ਸੰਤ ਸ੍ਰੀ ਗੁਰੂ ਰਵਿਦਾਸ ਆਗਮਨ ਪੂਰਬ ਮੌਕੇ ਸ਼ੋਭਾ ਯਾਤਰਾ

ਸ਼੍ਰੋਮਣੀ ਸੰਤ ਸ੍ਰੀ ਗੁਰੂ ਰਵਿਦਾਸ ਆਗਮਨ ਪੂਰਬ ਮੌਕੇ ਸ਼ੋਭਾ ਯਾਤਰਾ
ਸਫਲਤਾ ਨਾਲ ਕੱਢਣ *ਤੇ ਪ੍ਰਬੰਧਕ ਆਗੂਆਂ ਦਾ ਵਾਲਮੀਕਿ ਭਾਈਚਾਰੇ ਨੇ ਕੀਤਾ ਵਿਸ਼ੇਸ਼ ਸਨਮਾਨ
ਪਟਿਆਲਾ : ਸ਼੍ਰੋਮਣੀ ਸੰਤ ਸ੍ਰੀ ਗੁਰੂ ਰਵਿਦਾਸ ਜੀ ਦੇ 648ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਸ਼ਹਿਰ ਵਿੱਚ ਸ੍ਰੀ ਗੁਰੂ ਰਵਿਦਾਸ ਸਭਾ ਫੈਕਟਰੀ ਏਰੀਆ ਵਲੋਂ ਸਫਲਤਾ ਪੂਰਵਕ ਕੱਢੀ ਗਈ ਸ਼ੋਭਾ ਯਾਤਰਾ ਦੇ ਪ੍ਰਬੰਧਕ ਆਗੂਆਂ ਦਾ ਵਾਲਮੀਕਿ ਧਰਮ ਸਭਾ ਗਾਂਧੀ ਨਗਰ ਲਾਹੋਰੀ ਗੇਟ ਵਲੋਂ ਪ੍ਰਧਾਨ ਰਾਜੇਸ਼ ਕੁਮਾਰ ਕਾਲਾ ਦੀ ਅਗਵਾਈ ਵਿੱਚ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ । ਦੋਵਾਂ ਭਾਈਚਾਰੇ ਵਲੋਂ ਗਲੀ—ਗਲੀ ਤੋਂ ਆਈ ਆਵਾਜ, ਜੈ ਵਾਲਮੀਕਿ, ਜੈ ਰਵਿਦਾਸ ਦੇ ਨਾਅਰੇ ਲਗਾਏ ਗਏ । ਇਸ ਮੌਕੇ ਲੱਡੂ ਵੰਡ ਕੇ ਮਾਨਵਤਾਵਾਦੀ ਸੰਤ ਰਵਿਦਾਸ ਪ੍ਰਕਾਸ਼ ਪੂਰਬ ਦੀ ਖੁਸ਼ੀ ਦਾ ਇਜਹਾਰ ਕੀਤਾ ਗਿਆ । ਇਸ ਦੌਰਾਨ ਵਾਲਮੀਕਿ ਧਰਮ ਸਭਾ ਦੇ ਪ੍ਰਧਾਨ ਰਾਜੇਸ਼ ਕੁਮਾਰ ਕਾਲਾ ਨੇ ਕਿਹਾ ਕਿ ਸਾਡੇ ਦੇਸ਼ ਵਿੱਚ ਸਮੇਂ—ਸਮੇਂ ਤੇ ਸੰਤਾਂ, ਪੀਰਾਂ, ਪੈਗੰਬਰਾਂ ਅਤੇ ਗੁਰੂਆਂ ਨੇ ਮਨੁੱਖਤਾ ਦੇ ਸੰਦੇਸ਼ ਲੋਕਾਂ ਨੂੰ ਦਿੱਤੇ ਅਤੇ ਜੀਵਨ ਜਿਉਣ ਦਾ ਸਹੀ ਮਾਰਗ ਦਿਖਾਇਆ ਹੈ । ਇਨ੍ਹਾਂ ਵਿੱਚ ਮਹਾਨ ਸਮਾਜ ਸੁਧਾਰਕ ਗੁਰੂ ਰਵਿਦਾਸ ਜੀ ਨੇ ਸਮੁੱਚੀ ਮਨੁੱਖਤਾ ਨੂੰ ਭਾਈਚਾਰਕ ਸਾਂਝ ਦਾ ਸੁਨੇਹਾ ਦਿੰਦਿਆ ਸਮਾਜ ਵਿੱਚ ਫੈਲੀਆਂ ਬੁਰਾਈਆਂ ਨੂੰ ਦੂਰ ਕਰ ਬਰਾਬਰਤਾ ਵਾਲਾ ਸਮਾਜ ਕਾਇਮ ਕਰਨ ਤੇ ਜ਼ੋਰ ਦਿੱਤਾ, ਜਿਨ੍ਹਾਂ ਦੇ ਵਿਚਾਰਾਂ ਰਾਹੀਂ ਸਾਨੂੰ ਪ੍ਰੇਮ, ਸਮਾਨਤਾ ਅਤੇ ਭਾਈਚਾਰਕ ਸਾਂਝ ਨੂੰ ਮਜਬੂਤੀ ਅਤੇ ਜਾਤੀਵਾਦ, ਉੱਚ—ਨੀਚ ਦੇ ਭੇਦ—ਭਾਵ ਤੋਂ ਉਪਰ ਉੱਠਣ ਦਾ ਬਲ ਮਿਲਦਾ ਹੈ, ਇਸ ਲਈ ਸਾਨੂੰ ਸ੍ਰੀ ਗੁਰੂ ਰਵਿਦਾਸ ਵਲੋਂ ਦਿਖਾਏ ਮਾਰਗ ਤੇ ਚਲਦਿਆਂ ਆਪਸੀ ਭਾਈਚਾਰਕ ਸਾਂਝ ਨੂੰ ਮਜਬੂਤ ਰੱਖਣਾ ਚਾਹੀਦਾ ਹੈ ਅਤੇ ਸਮਾਜਿਕ, ਧਾਰਮਿਕ ਵਿਸ਼ੇਸ਼ ਦਿਨ ਸਾਂਝੇ ਤੌਰ ਤੇ ਮਨਾਉਣੇ ਚਾਹੀਦੇ ਹਨ । ਇਸ ਮੌਕੇ ਨਰੇਸ਼ ਕੁਮਾਰ ਨਿੰਦੀ, ਮੋਹਨ ਲਾਲ ਅਟਵਾਲ, ਮਨੋਜ਼ ਕੁਮਾਰ ਮੱਟੂ, ਅਜੈ ਕੁਮਾਰ ਸਿੱਪਾ, ਸੋਨੂੰ ਸੰਗਰ, ਰਾਜੇਸ਼ ਘਾਰੂ, ਨਰੇਸ਼ ਕੁਮਾਰ ਬੋਬੀ, ਕ੍ਰਿਸ਼ਨ ਹੰਸ, ਜੀਵਨਦਾਸ ਗਿੱਲ, ਰਾਜੀਵ ਰਾਮਾ, ਉਪਿੰਦਰ ਛਾਂਗਾ, ਜੀਵਨ ਲਾਲ ਪ੍ਰੇਮੀ ਆਦਿ ਹਾਜਰ ਸਨ ।