ਘਰ ਵਿਚੋਂ ਕੁੱਤੀ ਗਾਇਬ ਹੋਣ ਉੱਤੇ ਪਤਨੀ ਵਲੋਂ ਪਤੀ ਖਿਲਾਫ ਕੁੱਤੀ ਚੋਰੀ ਕਰਨ ਦੀ ਸਿਕਾਇਤ ਤੇ ਪੁਲਸ ਕੀਤਾ ਐਨੀਮਲ ਐਕਟ ਤਹਿਤ ਕੇਸ ਦਰਜ

ਘਰ ਵਿਚੋਂ ਕੁੱਤੀ ਗਾਇਬ ਹੋਣ ਉੱਤੇ ਪਤਨੀ ਵਲੋਂ ਪਤੀ ਖਿਲਾਫ ਕੁੱਤੀ ਚੋਰੀ ਕਰਨ ਦੀ ਸਿਕਾਇਤ ਤੇ ਪੁਲਸ ਕੀਤਾ ਐਨੀਮਲ ਐਕਟ ਤਹਿਤ ਕੇਸ ਦਰਜ
ਜਗਰਾਓਂ : ਪੰਜਾਬ ਦੇ ਪ੍ਰਸਿੱਧ ਸ਼ਹਿਰ ਜਗਰਾਓਂ ਦੇ ਮੁਹੱਲਾ ਰਾਮ ਨਗਰ ਵਿੱਚ ਇੱਕ ਘਰ ਵਿੱਚੋਂ ਕੁੱਤੀ ਗਾਇਬ ਹੋਣ ਉੱਤੇ ਪਤਨੀ ਨੇ ਆਪਣੇ ਹੀ ਪਤੀ ਖਿਲਾਫ ਕੁੱਤੀ ਚੋਰੀ ਕਰਨ ਦੀ ਸਿ਼ਿਕਾਇਤ ਥਾਣਾ ਸਿਟੀ ਵਿੱਚ ਦਰਜ ਕਰਵਾਈ ਹੈ, ਜਿਸ ਉੱਤੇ ਕਾਰਵਾਈ ਕਰਦਿਆਂ ਪੁਲਿਸ ਨੇ ਪਤੀ ਖਿਲਾਫ ਕੁੱਤੀ ਗਾਇਬ ਕਰਨ ਦਾ ਮਾਮਲਾ ਦਰਜ ਕਰ ਲਿਆ ਹੈ। ਫਿਲਹਾਲ ਅਜੇ ਪਤੀ ਫਰਾਰ ਹੈ ਤੇ ਪੁਲਿਸ ਉਸਦੀ ਭਾਲ ਕਰ ਰਹੀ ਹੈ।ਮੁਹੱਲਾ ਰਾਮ ਨਗਰ ਦਾ ਰਹਿਣ ਵਾਲੇ ਸੁਰਿੰਦਰਪਾਲ ਸਿੰਘ ਖਿਲਾਫ ਉਸਦੀ ਪਤਨੀ ਜਸਮੀਤ ਕੌਰ ਨੇ ਮਾਮਲਾ ਦਰਜ ਕਰਵਾਇਆ ਹੈ। ਦਰਅਸਲ ਸੈਫ਼ੀ ਨਾਂ ਦੀ ਕੁੱਤੀ ਪਿਛਲੇ 10 ਸਾਲ ਤੋਂ ਇਸ ਘਰ ਵਿੱਚ ਰਹਿ ਰਹੀ ਸੀ ਤੇ ਜਸਮੀਤ ਕੌਰ ਉਸਨੂੰ ਆਪਣੇ ਬੱਚਿਆਂ ਦੀ ਤਰ੍ਹਾਂ ਪਿਆਰ ਕਰਦੀ ਸੀ। ਪਰ ਪਤੀ ਨੂੰ ਇਹ ਪਸੰਦ ਨਹੀਂ ਸੀ ਤੇ ਆਏ ਦਿਨ ਇਸ ਕੁੱਤੀ ਨੂੰ ਘਰੋਂ ਕੱਢਣ ਲਈ ਕਹਿੰਦਾ ਰਹਿੰਦਾ ਸੀ। ਜਿਸ ਕਰਕੇ ਕਈ ਵਾਰ ਇਨ੍ਹਾਂ ਦੀ ਇਸ ਗੱਲ ਨੂੰ ਲੈ ਕੇ ਲੜਾਈ ਵੀ ਹੁੰਦੀ ਰਹਿੰਦੀ ਸੀ। ਬੀਤੇ ਦਿਨੀਂ ਜਦੋਂ ਜਸਮੀਤ ਕੌਰ ਬਿਮਾਰ ਹੋਈ ਤੇ ਉਹ ਆਪਣੀ ਬਿਮਾਰੀ ਦੇ ਇਲਾਜ ਲਈ ਆਪਣੇ ਪੇਕੇ ਗਈ ਤਾਂ ਮਗਰੋਂ ਪਤੀ ਸੁਰਿੰਦਰਪਾਲ ਸਿੰਘ ਨੇ ਸੈਫ਼ੀ ਨਾਂ ਦੀ ਕੁੱਤੀ ਨੂੰ ਘਰੋਂ ਲੈ ਗਿਆ, ਜਿਸਦੀ ਦੀਆਂ ਤਸਵੀਰਾਂ ਵਿੱਚ ਕੈਦ ਹੋ ਗਈਆਂ ਹਨ। ਜਦੋਂ ਜਸਮੀਤ ਕੌਰ ਇਲਾਜ ਕਰਵਾ ਕੇ ਆਪਣੇ ਘਰ ਵਾਪਿਸ ਆਈ ਤਾਂ ਉਸਦੀ ਕੁੱਤੀ ਘਰੋਂ ਗਾਇਬ ਸੀ ਤੇ ਜਦੋਂ ਇਸ ਬਾਰੇ ਉਸਨੇ ਆਪਣੇ ਪਤੀ ਨੂੰ ਪੁੱਛਿਆ ਤਾਂ ਉਸਨੇ ਕੋਈ ਜਵਾਬ ਨਹੀਂ ਦਿੱਤਾ ਤੇ ਜਿਆਦਾ ਜ਼ੋਰ ਪਾਉਣ ਉੱਤੇ ਉਸਨੇ ਕਿਹਾ ਕਿ ਉਸਨੇ ਕੁੱਤੀ ਨੂੰ ਮੋਗੇ ਜਾਣ ਵਾਲੀ ਟ੍ਰੇਨ ਉੱਤੇ ਚੜ੍ਹਾ ਦਿੱਤਾ ਸੀ।ਇਸ ਗੱਲ ਤੋਂ ਨਾਰਾਜ਼ ਹੋ ਕੇ ਜਸਮੀਤ ਕੌਰ ਨੇ ਪੁਲਿਸ ਨੂੰ ਸਿ਼ਕਾਇਤ ਦਿੱਤੀ ਤੇ ਪੁਲਿਸ ਤੋਂ ਇਸ ਸਬੰਧੀ ਕਾਰਵਾਈ ਦੀ ਮੰਗ ਕੀਤੀ ਹੈ। ਇਸ ਬਾਰੇ ਜਦੋਂ ਥਾਣਾ ਸਿਟੀ ਜਗਰਾਓਂ ਦੇ ਅੰਮ੍ਰਿਤਪਾਲ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਨੇ ਕਿਹਾ ਕਿ ਜਸਮੀਤ ਕੌਰ ਦੀ ਸ਼ਿਕਾਇਤ ਉੱਤੇ ਉਸਦੇ ਪਤੀ ਸੁਰਿੰਦਰਪਾਲ ਸਿੰਘ ਖਿ਼ਲਾਫ਼ ਐਨੀਮਲ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ ਤੇ ਜਲਦੀ ਹੀ ਫੁਟੇਜ ਦੇ ਅਧਾਰ ਉੱਤੇ ਕੁੱਤੀ ਨੂੰ ਲੱਭ ਲਿਆ ਜਾਵੇਗਾ, ਫਿਲਹਾਲ ਸੁਰਿੰਦਰਪਾਲ ਸਿੰਘ ਅਜੇ ਫਰਾਰ ਹੈ।