ਨਕਾਬਪੋਸ਼ਾਂ ਬੈਂਕ ਦੇ ਏ ਟੀ ਐਮ. ਨੂੰ ਗੈਸ ਕਟਰ ਨਾਲ ਕਟ ਉਡਾਏ 17 ਲੱਖ
ਦੁਆਰਾ: Punjab Bani ਪ੍ਰਕਾਸ਼ਿਤ :Wednesday, 18 September, 2024, 12:59 PM
ਨਕਾਬਪੋਸ਼ਾਂ ਬੈਂਕ ਦੇ ਏਟੀਐਮ. ਨੂੰ ਗੈਸ ਕਟਰ ਨਾਲ ਕਟ ਉਡਾਏ 17 ਲੱਖ
ਜਗਰਾਉਂ : ਜਗਰਾਓਂ ਨੇੜਲੇ ਪਿੰਡ ਲੰਮਾ ਜੱਟਪੁਰਾ ਸਥਿਤ ਪੰਜਾਬ ਨੈਸ਼ਨਲ ਬੈਂਕ ਦੇ ਏਟੀਐਮ ਨੂੰ ਬੀਤੀ ਰਾਤ ਨਕਾਬਪੋਸ਼ਾਂ ਨੇ ਗੈਸ ਕਟਰ ਨਾਲ ਕੱਟਦਿਆਂ ਉਸ ਵਿੱਚ ਪਏ 17 ਲੱਖ ਰੁਪਏ ਲੈ ਕੇ ਫਰਾਰ ਹੋ ਗਏ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਡ ਲੰਮਾ ਜੱਟਪੁਰਾ ਵਿਖੇ ਪੀਐਨਬੀ ਬੈਂਕ ਦੀ ਸਥਿਤ ਬਰਾਂਚ ਦੇ ਨਾਲ ਹੀ ਏਟੀਐਮ ਲੱਗਾ ਹੋਇਆ ਹੈ। ਤੜਕਸਾਰ ਕਰੀਬ ਡੇਢ ਵਜੇ ਦੋ ਮੋਟਰਸਾਈਕਲਾਂ `ਤੇ ਆਏ ਚਾਰ ਨਕਾਬਪੋਸ਼ਾਂ ਨੇ ਗੈਸ ਕਟਰ ਨਾਲ ਏਟੀਐਮ ਕੱਟ ਕੇ ਉਸ ਵਿੱਚ ਪਈ 17 ਲੱਖ ਰੁਪਏ ਦੀ ਨਗਦੀ ਕੱਢ ਕੇ ਫਰਾਰ ਹੋ ਗਏ। ਬੁੱਧਵਾਰ ਸਵੇਰੇ 6:30ੇ ਵਜੇ ਬੈਂਕ ਨੇੜੇ ਰਹਿੰਦੇ ਇੱਕ ਮਕਾਨ ਮਾਲਕ ਨੇ ਬੈਂਕ ਦੇ ਏਟੀਐਮ ਲੁੱਟੇ ਹੋਣ ਦੀ ਬੈਂਕ ਮੈਨੇਜਰ ਨੂੰ ਸੂਚਨਾ ਦਿੱਤੀ। ਸੂਚਨਾ ਤੋਂ ਬਾਅਦ ਬੈਂਕ ਮੈਨੇਜਰ ਤੋਂ ਇਲਾਵਾ ਜਗਰਾਉਂ , ਰਾਏਕੋਟ ਅਤੇ ਹਠੂਰ ਤੋਂ ਪੁਲਿਸ ਟੀਮਾਂ ਮੌਕੇ ਤੇ ਪੁੱਜੀਆਂ।
