ਮੁਸਲਮਾਨ ਹੋ ਕੇ ਹਿੰਦੂ ਲੜਕੀ ਨਾਲ ਹਿੰਦੂ ਦੱਸ ਕੇ ਵਿਆਹ ਕਰਨ ਵਾਲੇ ਮੁਲਜ਼ਮ ਅਬਦੁਰਰਹਿਮਾਨ ਨੂੰ ਥਾਣਾ ਕੋਤਵਾਲੀ ਪੁਲਸ ਕੀਤਾ ਗ੍ਰਿਫ਼ਤਾਰ

ਮੁਸਲਮਾਨ ਹੋ ਕੇ ਹਿੰਦੂ ਲੜਕੀ ਨਾਲ ਹਿੰਦੂ ਦੱਸ ਕੇ ਵਿਆਹ ਕਰਨ ਵਾਲੇ ਮੁਲਜ਼ਮ ਅਬਦੁਰਰਹਿਮਾਨ ਨੂੰ ਥਾਣਾ ਕੋਤਵਾਲੀ ਪੁਲਸ ਕੀਤਾ ਗ੍ਰਿਫ਼ਤਾਰ
ਉੱਤਰ ਪ੍ਰਦੇਸ : ਉੱਤਰ ਪ੍ਰਦੇਸ਼ ਦੇ ਗਾਜ਼ੀਆਬਾਦ ਜਿ਼ਲੇ ਵਿਚ ਧਰਮ ਦੇ ਨਾਂ ‘ਤੇ ਧੋਖਾਧੜੀ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇਕ ਮੁਸਲਮਾਨ ਵਿਅਕਤੀ ਨੇ ਆਪਣੀ ਧਾਰਮਿਕ ਪਛਾਣ ਲੁਕਾ ਕੇ ਇਕ ਹਿੰਦੂ ਲੜਕੀ ਨਾਲ ਵਿਆਹ ਕਰ ਲਿਆ। ਇਹ ਪੂਰਾ ਮਾਮਲਾ ਥਾਣਾ ਕੋਤਵਾਲੀ ਦਾ ਦੱਸਿਆ ਜਾ ਰਿਹਾ ਹੈ, ਜਿੱਥੇ ਧਰਮ ਪਰਿਵਰਤਨ ਅਤੇ ਵਿਆਹ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪਹਿਲਾਂ, ਮੁਸਲਿਮ ਨੌਜਵਾਨ ਓਡੀਸ਼ਾ ਦੇ ਰਹਿਣ ਵਾਲੇ ਡਾਕਟਰ ਹਰਸ਼ਾ ਦੇ ਨੇੜੇ ਆਇਆ ਅਤੇ ਫਿਰ ਹਿੰਦੂ ਧਰਮ ਅਪਣਾ ਕੇ ਉਸ ਨਾਲ ਵਿਆਹ ਕਰਵਾ ਲਿਆ। ਇਸ ਮਾਮਲੇ ਵਿੱਚ ਥਾਣਾ ਕੋਤਵਾਲੀ ਦੀ ਪੁਲੀਸ ਨੇ ਮੁਲਜ਼ਮ ਅਬਦੁਰਰਹਿਮਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਦੋਸ਼ੀ ਨੇ 2018 ‘ਚ ਉੜੀਸਾ ਦੀ ਰਹਿਣ ਵਾਲੀ ਹਿੰਦੂ ਔਰਤ ਨਾਲ ਵਿਆਹ ਕੀਤਾ ਸੀ। ਦੋਸ਼ੀ ਨੇ ਹਿੰਦੂ ਔਰਤ ਨੂੰ ਦੱਸਿਆ ਕਿ ਉਸ ਨੇ ਆਪਣਾ ਧਰਮ ਬਦਲ ਲਿਆ ਹੈ ਅਤੇ ਹੁਣ ਹਿੰਦੂ ਬਣ ਗਿਆ ਹੈ। ਫਿਰ ਉਸ ਨੇ ਹਰਸ਼ਾ ਨਾਲ ਵਿਆਹ ਕਰਵਾ ਲਿਆ ਅਤੇ ਵਿਆਹ ਵੀ ਰਜਿਸਟਰ ਕਰਵਾ ਲਿਆ। ਸਾਲ 2021 ਵਿੱਚ, ਜਦੋਂ ਦੋਵਾਂ ਦੇ ਇੱਕ ਬੇਟਾ ਹੋਇਆ, ਉਸਨੇ ਉਸਦਾ ਨਾਮ ਮੁਹੰਮਦ ਅਲੀ ਰੱਖਿਆ ਅਤੇ ਮੁਸਲਿਮ ਧਰਮ ਦੇ ਅਨੁਸਾਰ ਉਸਦੀ ਸੁੰਨਤ ਵੀ ਕਰਵਾਈ। ਦੋਸ਼ੀ ਨੇ ਵਿਆਹ ਕਰਵਾਉਣ ਲਈ ਹੀ ਖੁਦ ਨੂੰ ਹਿੰਦੂ ਦੱਸਿਆ ਸੀ।