ਗੇਂਦ ਲੈਣ ਗੁਆਂਢੀਆਂ ਦੀ ਛੱਤ ਤੇ ਪਹੁੰਚੇ ਲੜਕੇ ਨੂੰ ਮਕਾਨ ਮਾਲਕਨ ਨੇ ਅੰਡਰਗਾਰਮੈਂਟਸ ਚੋਰੀ ਕਰਨ ਲਈ ਜਿੰਮੇਵਾਰ ਸਮਝਦਿਆਂ ਕਮਰੇ ਬੰਦ ਕਰਕੇ ਚਾੜ੍ਹਿਆ ਕੁਟਾਪਾ

ਗੇਂਦ ਲੈਣ ਗੁਆਂਢੀਆਂ ਦੀ ਛੱਤ ਤੇ ਪਹੁੰਚੇ ਲੜਕੇ ਨੂੰ ਮਕਾਨ ਮਾਲਕਨ ਨੇ ਅੰਡਰਗਾਰਮੈਂਟਸ ਚੋਰੀ ਕਰਨ ਲਈ ਜਿੰਮੇਵਾਰ ਸਮਝਦਿਆਂ ਕਮਰੇ ਬੰਦ ਕਰਕੇ ਚਾੜ੍ਹਿਆ ਕੁਟਾਪਾ
ਗਵਾਲੀਅਰ : ਭਾਰਤ ਦੇਸ਼ ਦੇ ਸੂਬੇ ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਵਿੱਚ 14 ਸਾਲ ਦਾ ਲੜਕਾ ਕ੍ਰਿਕਟ ਖੇਡ ਰਿਹਾ ਸੀ । ਖੇਡਦੇ ਹੋਏ ਉਸ ਦੀ ਗੇਂਦ ਗੁਆਂਢੀ ਦੀ ਛੱਤ ‘ਤੇ ਜਾ ਡਿੱਗੀ । ਘਰ ਦੇ ਬਾਹਰ ਖੜ੍ਹ ਕੇ ਉਸ ਨੇ ਕਾਫੀ ਦੇਰ ਤੱਕ ਗੇਂਦ ਲਈ ਪੁਕਾਰਿਆ ਪਰ ਕਿਸੇ ਨੇ ਉਸ ਦੀ ਆਵਾਜ਼ ਨਹੀਂ ਸੁਣੀ । ਫਿਰ ਉਹ ਆਪ ਛੱਤ ‘ਤੇ ਚੜ੍ਹ ਗਿਆ । ਘਰ ਦੀ ਮਾਲਕਣ ਨੇ ਜਿਵੇਂ ਹੀ ਉਸ ਨੂੰ ਛੱਤ ‘ਤੇ ਦੇਖਿਆ ਤਾਂ ਉਹ ਡਰ ਗਈ ਅਤੇ ਉਸ ਨੂੰ ਸਿੱਧਾ ਹੇਠਾਂ ਕਮਰੇ ‘ਚ ਲੈ ਗਈ ਅਤੇ ਉਸ ਨੂੰ ਤਾਲਾ ਲਗਾ ਦਿੱਤਾ। ਉਸ ਨੂੰ ਬੁਰੀ ਤਰ੍ਹਾਂ ਕੁੱਟਿਆ ਅਤੇ ਦੂਜੇ ਗੁਆਂਢੀ ਨੂੰ ਬੁਲਾ ਲਿਆ। ਦੋਸ਼ ਹੈ ਕਿ ਮਹਿਲਾ ਦੇ ਸਾਥੀ ਨੇ ਬੱਚੇ ਨੂੰ ਮੁਰਗਾ ਬਣਾਇਆ ਅਤੇ ਬੱਚੇ ਨੂੰ ਬੇਰਹਿਮੀ ਨਾਲ ਕੁੱਟਿਆ । ਔਰਤ ਨੇ ਇਹ ਵੀ ਦੋਸ਼ ਲਾਇਆ ਕਿ ਉਸ ਦੇ ਘਰੋਂ ਅੰਡਰਗਾਰਮੈਂਟਸ ਚੋਰੀ ਹੋ ਰਹੇ ਹਨ । ਸ਼ੱਕ ਦੇ ਤਹਿਤ ਬੱਚੇ ਦੀ ਕੁੱਟਮਾਰ ਕੀਤੀ ਗਈ । ਗਵਾਲੀਅਰ ‘ਚ 8ਵੀਂ ਜਮਾਤ ਦੇ ਵਿਦਿਆਰਥੀ ਨੂੰ ਗੁਆਂਢੀ ਵੱਲੋਂ ਬੰਧਕ ਬਣਾ ਕੇ ਬੇਰਹਿਮੀ ਨਾਲ ਕੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ । ਜਿੱਥੇ ਵਿਦਿਆਰਥੀ ਆਪਣੀ ਕ੍ਰਿਕੇਟ ਗੇਂਦ ਲੈਣ ਗੁਆਂਢੀ ਦੀ ਛੱਤ ‘ਤੇ ਗਿਆ ਸੀ। ਬੱਚੇ ਦੀ ਕੁੱਟਮਾਰ ਕਰਦੇ ਹੋਏ ਉਸ ਨੇ ਦੋਸ਼ ਲਾਇਆ ਕਿ ਵਿਦਿਆਰਥੀ ਛੱਤ ਤੋਂ ਕੱਪੜੇ ਚੋਰੀ ਕਰਦਾ ਹੈ । ਪਿਛਲੇ ਕੁਝ ਦਿਨਾਂ ਤੋਂ ਉਸ ਦੇ ਘਰੋਂ ਅੰਡਰਗਾਰਮੈਂਟਸ ਚੋਰੀ ਹੋ ਰਹੇ ਸਨ । ਪੀੜਤ ਵਿਦਿਆਰਥੀ ਦੇ ਪਰਿਵਾਰ ਵਾਲਿਆਂ ਨੇ ਇਸ ਮਾਮਲੇ ਦੀ ਸ਼ਿਕਾਇਤ ਥਾਣੇ ‘ਚ ਕੀਤੀ ਹੈ । ਪੁਲਸ ਨੇ ਗੁਆਂਢੀ ਸਮੇਤ ਦੋ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।