ਸਿਡਬੀ ਨੇ 30 ਲੜਕੀਆਂ ਨੂੰ ਸਿਲਾਈ ਮਸ਼ੀਨਾਂ ਅਤੇ ਸਰਟੀਫਿਕੇਟ ਵੰਡੇ

ਸਿਡਬੀ ਨੇ 30 ਲੜਕੀਆਂ ਨੂੰ ਸਿਲਾਈ ਮਸ਼ੀਨਾਂ ਅਤੇ ਸਰਟੀਫਿਕੇਟ ਵੰਡੇ
ਪਟਿਆਲਾ : ਸਿਡਬੀ ਅਤੇ ਪਟਿਆਲਾ ਹੈਂਡੀਕਰਾਫਟ ਸੁਸਾਇਟੀ ਵੱਲੋਂ ਸਪਾਂਸਰ ਕੀਤੇ ਹੁਨਰ ਵਿਕਾਸ ਪ੍ਰੋਜੈਕਟ ਤਹਿਤ ਪਿੰਡ ਰਾਏਪੁਰ ਮੰਡਲਾ ਜ਼ਿਲ੍ਹਾ ਪਟਿਆਲਾ, ਦਾਸ ਕੇ ਧਰਮਸ਼ਾਲਾ, ਪਿੰਡ ਰਾਏਪੁਰ ਮੰਡਲਾ ਡਾਕਖਾਨਾ ਬਹਾਦਰਗੜ੍ਹ, ਘਨੌਰ ਵਿਖੇ ਪੰਜਾਬ ਦੀਆਂ ਰਵਾਇਤੀ ਹੱਥ ਕਢਾਈ, ਫੁਲਕਾਰੀ ਅਤੇ ਡਰੈੱਸ ਡਿਜ਼ਾਈਨਿੰਗ ਵਿੱਚ ਭਾਗ ਲੈਣ ਵਾਲੀਆਂ 30 ਔਰਤਾਂ ਦੇ ਹੁਨਰ ਵਿਕਾਸ ਪ੍ਰੋਗਰਾਮ ਰੋਡ, ਤਹਿਸੀਲ ਰਾਜਪੁਰਾ ਜ਼ਿਲ੍ਹਾ ਪਟਿਆਲਾ ਵਿਖੇ ਕਰਵਾਇਆ ਗਿਆ । ਇਹ ਪ੍ਰੋਜੈਕਟ, ਜੋ ਕਿ ਤਿੰਨ ਮਹੀਨੇ ਦਾ ਕੋਰਸ ਸੀ, ਸ੍ਰੀਮਤੀ ਰੇਖਾ ਮਾਨ (ਰਾਸ਼ਟਰੀ ਪੁਰਸਕਾਰ ਵਿਜੇਤਾ) ਦੀ ਦੇਖ-ਰੇਖ ਹੇਠ ਚਲਾਇਆ ਗਿਆ । ਇਸ ਸਿਖਲਾਈ ਵਿੱਚ ਲੜਕੀਆਂ ਨੂੰ ਆਤਮ ਨਿਰਭਰ ਬਣਾਇਆ ਗਿਆ । ਇਸ ਮੌਕੇ ਸਿਲਾਈ ਸਿੱਖਣ ਵਾਲੀਆਂ 30 ਲੜਕੀਆਂ ਨੂੰ ਸਿਲਾਈ ਮਸ਼ੀਨਾਂ ਅਤੇ ਸਰਟੀਫਿਕੇਟ ਵੀ ਵੰਡੇ ਗਏ। ਇਸ ਮੌਕੇ ਮੁੱਖ ਮਹਿਮਾਨ ਟੀ. ਐਚ. ਆਰ. ਸਮਦ (ਡਿਪਟੀ ਜਨਰਲ ਮੈਨੇਜਰ ਸਿਡਬੀ) ਮੁੱਖ ਮਹਿਮਾਨ ਵਜੋਂ ਪੁੱਜੇ ਅਤੇ ਵਿਸ਼ੇਸ਼ ਮਹਿਮਾਨ ਰੋਟੇਰੀਅਨ ਭੁਪੇਸ਼ ਮਹਿਤਾ (ਡੀ. ਜੀ. 2025-26) ਅਤੇ ਅਭਿਨਵ ਪ੍ਰਤਾਸ ਸਿੰਘ (ਸੀ. ਆਈ. ਡੀ. ਬੀ. ਵਿਕਾਸ ਕਾਰਜਕਾਰੀ), ਰੇਖਾ ਮਾਨ (ਪ੍ਰਧਾਨ ਟੀ. ਪੀ. ਐਚ. ਐਲ.), ਰਾਕੇਸ਼ ਠਾਕੁਰ (ਡਾਇਰੈਕਟਰ ਰਾਸ਼ਟਰੀ ਜਯੋਤੀ ਕਲਾ ਮੰਚ), ਟੀ. ਪੀ. ਐਚ. ਐਲ. ਟੀਮ ਹਾਜ਼ਰ ਸਨ । ਰੋਟਰੀ ਕਲੱਬ ਪਟਿਆਲਾ ਰਾਇਲ ਤੋਂ ਸ਼੍ਰੀਮਤੀ ਦਲਜੀਤ ਕੌਰ ਚੀਮਾ, ਰੋਟਰੀ ਕਲੱਬ ਮਿਡ ਟਾਊਨ ਤੋਂ ਸ਼ੁਕਲਾ ਚੰਦ ਜੈਨ ਜਾਂ ਭਗਵਾਨ ਦਾਸ ਗੁਪਤਾ ਅਤੇ ਪਿੰਡ ਰਾਏਪੁਰ ਮੰਡਲਾ ਤੋਂ ਸਰਪੰਚ ਹਾਜ਼ਰ ਸਨ । ਇਸ ਮੌਕੇ ਸਿੱਖਿਆਰਥੀ ਨੇ ਆਏ ਹੋਏ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਇਹ ਕੋਰਸ ਸਿਡਬੀ ਵੱਲੋਂ ਸਾਡੇ ਪਿੰਡ ਵਿੱਚ ਕਰਵਾਇਆ ਗਿਆ ਸੀ ਜੋ ਕਿ ਵਿਦਿਆਰਥੀਆਂ ਲਈ ਕਾਫੀ ਲਾਹੇਵੰਦ ਰਿਹਾ । ਇਸ ਤੋਂ ਪਹਿਲਾਂ ਇਸ ਪਿੰਡ ਵਿੱਚ ਕੋਈ ਵੀ ਸਰਕਾਰੀ ਜਾਂ ਗੈਰ ਸਰਕਾਰੀ ਕੋਰਸ ਨਹੀਂ ਕਰਵਾਇਆ ਗਿਆ । ਮੁੱਖ ਮਹਿਮਾਨ ਨੇ ਵਿਦਿਆਰਥੀ ਦੀ ਮਿਹਨਤ ਅਤੇ ਹਿੰਮਤ ਦੀ ਭਰਪੂਰ ਸ਼ਲਾਘਾ ਕੀਤੀ । ਉਨ੍ਹਾਂ ਕਿਹਾ ਕਿ ਸਿਡਬੀ ਦੀ ਸਿਖਲਾਈ ਦਾ ਉਦੇਸ਼ ਸਿੱਖਿਆਰਥੀਆਂ ਨੂੰ ਆਤਮ ਨਿਰਭਰ ਬਣਾਉਣਾ ਹੈ ਅਤੇ ਇਹ ਨਾਰੀ ਸ਼ਕਤੀ ਦੀ ਜਿਉਂਦੀ ਜਾਗਦੀ ਮਿਸਾਲ ਹੈ ।