ਬੰਗਾਲ ਦੀ ਤਰ੍ਹਾ ਪੰਜਾਬ ਅੰਦਰ ਵੀ ਭਾਜਪਾ ਦਾ ਚਲੇਗਾ ਜਾਦੂ : ਰਵਨੀਤ ਬਿੱਟੂ
ਨਵੀਂ ਦਿੱਲੀ, 04 ਮਈ 2026 : ਕੇਦਰੀ ਰੇਲ ਰਾਜ ਮੰਤਰੀ ਰਵਨੀਤ ਸਿੰਘ ਬਿੱਟੂ ਨੇ ਅੱਜ ਗੱਲਬਾਤ ਕਰਦਿਆਂ ਆਖਿਆ ਕਿ ਜਿਸ ਤਰ੍ਹਾ ਪੱਛਮੀ ਬੰਗਾਲ ਅੰਦਰ ਭਾਜਪਾ ਦਾ ਜਾਦੂ ਚਲਿਆ ਹੈ, ਹੁਣ ਉਸੇ ਤਰ੍ਹਾਂ ਪੰਜਾਬ ਅੰਦਰ ਵੀ ਭਾਜਪਾ ਆਪਣਾ ਜਾਦੂ ਦਿਖਾਵੇਗੀ। ਉਨਾ ਕਿਹਾ ਕਿ ਬੰਗਾਲ ਦੇ ਵੋਟਰਾਂ ਨੇ ਮਾਫੀਆ ਰਾਜ, ਨਸ਼ਿਆਂ ਅਤੇ ਭ੍ਰਿਸ਼ਟਾਚਾਰ ਦੇ ਖ਼ਿਲਾਫ਼ ਸਪੱਸ਼ਟ ਫੈਸਲਾ ਦਿੱਤਾ ਹੈ ਅਤੇ ਇਹੀ ਰੁਝਾਨ ਹੁਣ ਪੰਜਾਬ ਵਿੱਚ ਵੀ ਦੇਖਣ ਨੂੰ ਮਿਲੇਗਾ।
ਉਨ੍ਹਾਂ ਇਹ ਵੀ ਕਿਹਾ ਕਿ ਸੂਬੇ ਦੇ ਵੋਟਰ ਹੁਣ ਵਿਕਾਸ, ਸਥਿਰਤਾ ਅਤੇ ਸੁਸ਼ਾਸਨ ਨੂੰ ਤਰਜੀਹ ਦੇ ਰਹੇ ਹਨ, ਜਿਸ ਦਾ ਅਸਰ ਅਗਲੇ ਚੋਣੀ ਨਤੀਜਿਆਂ ਵਿੱਚ ਸਪੱਸ਼ਟ ਨਜ਼ਰ ਆਵੇਗਾ।
ਬਿੱਟੂ ਨੇ ਦਾਅਵਾ ਕੀਤਾ ਕਿ ਪੰਜਾਬ ਵਿੱਚ ਜਲਦ ਹੀ ਰਾਜਨੀਤਿਕ ਪਲਟਾਅ ਹੋ ਸਕਦਾ ਹੈ ਕਿਉਂਕਿ ਲੋਕ ਮੌਜੂਦਾ ਹਾਲਾਤਾਂ ਤੋਂ ਅਸੰਤੁਸ਼ਟ ਹਨ ਅਤੇ ਬਦਲਾਅ ਦੀ ਉਮੀਦ ਕਰ ਰਹੇ ਹਨ। ਉਨ੍ਹਾਂ ਦੇ ਅਨੁਸਾਰ, ਸੂਬੇ ਦੇ ਲੋਕ ਇਸ ਵੇਲੇ ਚੁੱਪ ਹਨ ਪਰ ਇਹ ਚੁੱਪੀ ਅਸੰਤੋਸ਼ ਦੀ ਨਿਸ਼ਾਨੀ ਹੈ।
