ਮਾਮਲਾ ਅਦਾਕਾਰ ਯੋਗਰਾਜ ਸਿੰਘ ਦੀ ਅਗਾਂਊਂ ਜ਼ਮਾਨਤ ਦਾ : ਚੰਡੀਗੜ ਪੁਲਸ ਨੇ ਜਤਾਇਆ ਵਿਰੋਧ
ਚੰਡੀਗੜ੍ਹ, 20 ਮਈ 2026 : ਇਕ ਵੈਬ ਸੀਰੀਜ ਵਿਚ ਔਰਤਾਂ ਪ੍ਰਤੀ ਗਲਤ ਟਿਪਣੀ ਦੀ ਵੀਡਿਓ ਕਲੀਪ ਵਾਇਰਲ ਹੋਣ ਤੋ ਬਾਅਦ ਕਾਨੂੰਨ ਦੇ ਘੇਰੇ ਵਿਚ ਆਏ ਅਦਾਕਾਰ ਯੋਗਰਾਜਸਿੰਘ ਦੀ ਅਗਾਊ ਜਮਾਨਤ ਨੂੰ ਲੈ ਕੇ ਅੱਜ ਚੰਡੀਗੜ ਪੁਲਸ ਨੇ ਵਿਰੋਧ ਜਤਾਇਆ ਹੈ।
ਜਾਣਕਾਰੀ ਦੇ ਅਨੁਸਾਰ ਇਸ ਮਾਮਲੇ ਵਿਚ ਕ੍ਰਿਕਟਰ ਯੁਵਰਾਜ ਸਿੰਘ ਦੇ ਪਿਤਾ ਅਤੇ ਅਦਾਕਾਰ ਯੋਕਰਾਜ ਸਿੰਘ ਨੇ ਆਪਣੇ ਖ਼ਿਲਾਫ਼ ਮਾਮਲਾ ਦਰਜ ਹੋਣ ਤੋਂ ਬਾਅਦ 16 ਮਈ ਨੂੰ ਜ਼ਿਲ੍ਹਾ ਅਦਾਲਤ ਦਾ ਦਰਵਾਜ਼ਾ ਖੜਕਾਇਆ ਸੀ ਅਤੇ ਅਗਾਂਊਂ ਜ਼ਮਾਨਤ ਦੀ ਮੰਗ ਕੀਤੀ ਸੀ।
ਪੁਲੀਸ ਵੱਲੋਂ ਅਦਾਲਤ ਵਿੱਚ ਦਾਖ਼ਲ ਜਵਾਬ ਵਿੱਚ ਕਿਹਾ ਗਿਆ ਕਿ ਜਾਂਚ ਨੂੰ ਅੱਗੇ ਵਧਾਉਣ ਲਈ ਯੋਗਰਾਜ ਸਿੰਘ ਦੇ ਵੌਇਸ ਸੈਂਪਲ ਲੈਣ ਲਾਜ਼ਮੀ ਹਨ। ਇਸ ਤੋਂ ਇਲਾਵਾ, ਕਥਿਤ ਵਾਇਰਲ ਵੀਡੀਓ ਨਾਲ ਸੰਬੰਧਤ ਅਸਲ ਰਿਕਾਰਡਿੰਗ ਅਤੇ ਡਿਜ਼ੀਟਲ ਸਬੂਤ ਵੀ ਜਾਂਚ ਲਈ ਬਹੁਤ ਮਹੱਤਵਪੂਰਨ ਹਨ।