ਸਿਕਉਰਿਟੀ ਗਾਰਡ ਦੀ ਰਾਈਫਲ ਤੋ ਲੱਗੀ ਬੱਚੇ ਨੂੰ ਗੋਲੀ, ਗੰਭੀਰ ਜਖਮੀ
ਮੋਗਾ, 13 ਮਾਰਚ : ਮੋਗਾ ਵਿਖੇ ਇਕ ਸਿਕਉਰਿਟੀ ਗਾਰਡ ਦੀ ਰਾਈਫਲ ਵਿਚੋ ਇਕ ਛੋਟੇ ਬਚੇ ਨੂੰ ਗੋਲੀ ਲੱਗਣ ਕਾਰਨ ਬੱਚੇ ਦੇ ਗੰਭੀਰ ਜਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ, ਜਿਸਨੂੰ ਇਲਾਜ ਲਈ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਇਸ ਹਾਦਸੇ ਤੋ ਬਾਅਦ ਹੀ ਗਾਰਡ ਮੌਕੇ ਤੋ ਫਰਾਰ ਦਸਿਆ ਜਾ ਰਿਹਾ ਹੈ।
ਜਾਣਕਾਰੀ ਦੇ ਅਨੁਸਾਰ ਘਰ ਦੇ ਮਾਲਕ ਕੋਲ ਸੁਰੱਖਿਆ ਲਈ ਇੱਕ ਗਾਰਡ ਤਾਇਨਾਤ ਸੀ, ਜਿਸ ਕੋਲ ਰਾਈਫਲ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਤਿੰਨ ਸਾਲਾ ਬੱਚਾ, ਜੋ ਨਰਸਰੀ ਕਲਾਸ ਵਿੱਚ ਪੜ੍ਹਦਾ ਹੈ, ਉਸ ਦਿਨ ਪੇਪਰ ਦੇ ਕੇ ਸਕੂਲ ਤੋਂ ਘਰ ਵਾਪਸ ਆਇਆ ਸੀ, ਜੋਕਿ ਰਾਈਫਲ ਨਾਲ ਛੇੜਛਾੜ ਕਰਨ ਲਗ ਪਿਆ। ਇਸ ਦੌਰਾਨ ਹੀ ਹਾਦਸਾ ਵਾਪਰ ਗਿਆ। ਇਸ ਹਾਦਸੇ ਕਾਰਨ ਪਰਿਵਾਰ ਅੰਦਰ ਭਾਰੀ ਚਿੰਤਾ ਦਾ ਮਾਹੌਲ ਦੇਖਣ ਨੂੰ ਮਿਲ ਰਿਹਾ ਹੈ।
