ਮੋਹਾਲੀ ਵਿੱਚ ਕਾਮੇਡੀਅਨ ਕਪਿਲ ਸ਼ਰਮਾ ਨੇ ਨਵਜੋਤ ਸਿੱਧੂ ਲਈ ਮੰਗੀਆਂ ਵੋਟਾਂ
ਮੋਹਾਲੀ, 17 ਮਾਰਚ : ਪੰਜਾਬ ਦੀ ਰਾਜਨੀਤੀ ਤੋਂ ਕੁੱਝ ਸਮੇਂ ਤੋਂ ਦੂਰ ਰਹਿੰਦੇ ਨਵਜੋਤ ਸਿੰਘ ਸਿੱਧੂ ਇਕ ਸਮਾਗਮ ਦੌਰਾਨ ਮੁੜ ਚਰਚਾ ਵਿੱਚ ਆ ਗਏ, ਜਦੋਂ ਮਸ਼ਹੂਰ ਕਾਮੇਡੀਅਨ ਕਪਿਲ ਸ਼ਰਮਾ ਨੇ ਮੰਚ ਤੋਂ ਉਨ੍ਹਾਂ ਲਈ ਮਜ਼ਾਕੀਆ ਅੰਦਾਜ਼ ‘ਚ ਵੋਟਾਂ ਮੰਗ ਲਈਆਂ।
ਇਹ ਮੌਕਾ ਉਸ ਵੇਲੇ ਬਣਿਆ ਜਦੋਂ ਸਿੱਧੂ ਅਤੇ ਕਪਿਲ ਸ਼ਰਮਾ ਸਮੇਤ ਹੋਰ ਕਲਾਕਾਰ ਮੋਹਾਲੀ ਸਥਿਤ ਚੰਡੀਗੜ ਯੂਨੀਵਰਸਿਟੀ ਵਿੱਚ ਇਕ ਪ੍ਰੋਗਰਾਮ ‘ਚ ਸ਼ਿਰਕਤ ਕਰਨ ਪਹੁੰਚੇ ਸਨ । ਸਮਾਗਮ ਦੌਰਾਨ ਵਿਦਿਆਰਥੀਆਂ ਦੀ ਵੱਡੀ ਭੀੜ ਇਕੱਠੀ ਹੋਈ ਸੀ।
ਕਪਿਲ ਸ਼ਰਮਾ ਨੇ ਆਪਣੇ ਹਾਸਿਆਤਮਕ ਅੰਦਾਜ਼ ਵਿੱਚ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ “ਇਸ ਵਾਰ ਸਿਰਫ਼ ਨਵਜੋਤ ਸਿੱਧੂ ਨੂੰ ਹੀ ਵੋਟ ਦਿਓ,” ਜਿਸ ‘ਤੇ ਮੰਚ ‘ਤੇ ਮੌਜੂਦ ਸਿੱਧੂ ਖੁਦ ਵੀ ਹੱਸ ਪਏ ਅਤੇ ਦਰਸ਼ਕਾਂ ਵਿੱਚ ਵੀ ਖੁਸ਼ੀ ਦੀ ਲਹਿਰ ਦੌੜ ਗਈ।
ਮੰਚ ‘ਤੇ ਹਾਸੇ ਨਾਲ ਬਣਿਆ ਰੈਲੀ ਵਰਗਾ ਮਾਹੌਲ
ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਪ੍ਰੋਗਰਾਮ ਦੌਰਾਨ ਵਿਦਿਆਰਥੀਆਂ ਦੀ ਭਾਰੀ ਭੀੜ ਅਤੇ ਕਪਿਲ ਸ਼ਰਮਾ ਦੇ ਮਜ਼ਾਕੀਆ ਬਿਆਨ ਨਾਲ ਮਾਹੌਲ ਕੁਝ ਸਮੇਂ ਲਈ ਸਿਆਸੀ ਰੈਲੀ ਵਰਗਾ ਦਿਖਾਈ ਦਿੱਤਾ, ਜਿਸ ਨਾਲ ਸਮਾਗਮ ਹੋਰ ਵੀ ਦਿਲਚਸਪ ਬਣ ਗਿਆ। ਇਸ ਲਈ ਉਨਾ ਲੋਕਾਂ ਕੋਲੋ ਵੋਟਾਂ ਵੀ ਮੰਗੀਆਂ।