ਪੁਣਛ ਵਿੱਚ ਐਲਓਸੀ ਨੇੜੇ ਮਿਲਿਆ ਮੋਰਟਾਰ ਸ਼ੈੱਲ ਫੌਜ ਵੱਲੋਂ ਨਿਸ਼ਕ੍ਰਿਆ

ਪੁਣਛ, 7 ਮਾਰਚ : ਜੰਮੂ-ਕਸ਼ਮੀਰ ਦੇ ਪੁਣਛ ਜ਼ਿਲ੍ਹੇ ਵਿੱਚ ਕੰਟਰੋਲ ਰੇਖਾ ਨੇੜੇ ਇੱਕ ਪਿੰਡ ਵਿੱਚ ਮਿਲੇ ਜ਼ਿੰਦਾ ਮੋਰਟਾਰ ਸ਼ੈੱਲ ਨੂੰ ਸੁਰੱਖਿਆ ਬਲਾਂ ਨੇ ਬੀਤੇ ਦਿਨੀ ਸੁਰੱਖਿਅਤ ਢੰਗ ਨਾਲ ਨਿਸ਼ਕ੍ਰਿਆ ਕਰ ਦਿੱਤਾ। ਇਸ ਕਾਰਵਾਈ ਨਾਲ ਇਲਾਕੇ ਵਿੱਚ ਸੰਭਾਵਿਤ ਵੱਡੇ ਹਾਦਸੇ ਤੋਂ ਬਚਾਵ ਹੋ ਗਿਆ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਅਧਿਕਾਰੀਆਂ ਨੇ ਦਸਿਆ ਕਿ ਇਹ ਮੋਰਟਾਰ ਸ਼ੈੱਲ ਸੰਭਵਤ: ਪਹਿਲਾਂ ਸਰਹੱਦ ਪਾਰੋਂ ਚਲਾਇਆ ਗਿਆ ਹੋਵੇਗਾ ਜੋ ਉਸ ਸਮੇਂ ਫਟਿਆ ਨਹੀਂ ਅਤੇ ਬਾਅਦ ਵਿੱਚ ਇਲਾਕੇ ਵਿੱਚ ਪਿਆ ਰਹਿ ਗਿਆ। ਸਰਹੱਦੀ ਖੇਤਰਾਂ ਵਿੱਚ ਅਜਿਹੇ ਅਣਫਟੇ ਗੋਲਾ-ਬਾਰੂਦ ਕਦੇ-ਕਦੇ ਮਿਲਦੇ ਰਹਿੰਦੇ ਹਨ, ਕਿਉਂਕਿ ਜੰਗਬੰਦੀ ਦੀ ਉਲੰਘਣਾ ਦੌਰਾਨ ਚਲਾਇਆ ਗਿਆ ਹਥਿਆਰ ਅਕਸਰ ਜ਼ਮੀਨ ਵਿੱਚ ਦੱਬੇ ਰਹਿ ਜਾਂਦੇ ਹਨ ਜਾਂ ਬਾਅਦ ਵਿੱਚ ਸਾਹਮਣੇ ਆਉਂਦੇ ਹਨ।

ਅਧਿਕਾਰੀਆਂ ਮੁਤਾਬਕ ਸੌਜੀਅਨ ਸੈਕਟਰ ਦੇ ਪਿੰਡ ਬਰਾਰੀ ਦੇ ਇਕ ਦੂਰਦਰਾਜ਼ ਹਿੱਸੇ ਵਿੱਚ ਇੱਕ ਸਥਾਨਕ ਵਸਨੀਕ ਨੇ ਜ਼ਮੀਨ ਉੱਤੇ ਪਿਆ ਮੋਰਟਾਰ ਸ਼ੈੱਲ ਦੇਖਿਆ। ਇਸ ਬਾਰੇ ਉਸ ਨੇ ਤੁਰੰਤ ਫੌਜ ਦੀ ਯੂਨਿਟ ਅਤੇ ਨੇੜਲੀ ਪੁਲਿਸ ਚੌਕੀ ਨੂੰ ਜਾਣਕਾਰੀ ਦਿੱਤੀ, ਜਿਨਾ ਆਕੇ ਇਸਨੂੰ ਨਸ਼ਟ ਕੀਤਾ।