ਡੋਨਲਡ ਟਰੰਪ ਤੇ ਪੁਤਿਨ ਨੇ ਯੂਕਰੇਨ ਤੇ ਇਰਾਨ ਸਬੰਧੀ ਕੀਤੀ ਵਿਚਾਰ ਚਰਚਾ
ਮਾਸਕੋ, 11 ਮਾਰਚ : ਇਕ ਪਾਸੇ ਜਿਥੇ ਰਸ਼ੀਆ ਵਲੋ ਯੂਕਰੇਨ ਨਾਲ ਯੁੱਧ ਚਲ ਰਿਹਾ ਹੈ ਤਾਂ ਉਥੇ ਹੀ ਅਮਰੀਕਾ ਵਲੋ ਹੁਣ ਇਰਾਨ ਨਾਲ ਯੁੱਧ ਜਾਰੀ ਹੈ, ਜਿਸ ਕਾਰਨ ਦੋਵਾਂ ਮੁਦਿਆਂ ਨੂੰ ਲੈ ਕੇ ਅੱਜ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਤੇ ਵਲੋਦੋਮੀਰ ਪੁਤਿਨ ਨੇ ਫੋਨ ਰਾਹੀ ਵਿਚਾਰ ਚਰਚਾ ਕੀਤੀ ਹੈ।
ਜਿਕਰਯੋਗ ਹੈ ਕਿ ਕਰੈਮਲਿਨ ਦੇ ਵਿਦੇਸ਼ ਨੀਤੀ ਸਲਾਹਕਾਰ ਯੂਰੀ ਊਸ਼ਾਕੋਵ ਦੇ ਅਨੁਸਾਰ ਕਰੀਬ ਇੱਕ ਘੰਟੇ ਤੱਕ ਚੱਲੀ ਇਸ ਗੱਲਬਾਤ ਦੌਰਾਨ ਦੋਵਾਂ ਨੇ ਅੰਤਰਰਾਸ਼ਟਰੀ ਮਸਲਿਆਂ ’ਤੇ ਵਿਚਾਰ ਸਾਂਝੇ ਕੀਤੇ।
ਊਸ਼ਾਕੋਵ ਨੇ ਦੱਸਿਆ ਕਿ ਚਰਚਾ ਦਾ ਕੇਂਦਰ ਮੁੱਖ ਤੌਰ ’ਤੇ ਅਮਰੀਕਾ–ਇਰਾਨ ਵਿਚਕਾਰ ਵਧ ਰਹੇ ਤਣਾਅ ਅਤੇ ਰੂਸ–ਯੂਕਰੇਨ ਟਕਰਾਅ ਨਾਲ ਜੁੜੇ ਮਾਮਲੇ ਰਹੇ। ਇਸਦੇ ਨਾਲ ਹੀ ਮਾਸਕੋ, ਵਾਸ਼ਿੰਗਟਨ ਅਤੇ ਕੀਵ ਦਰਮਿਆਨ ਸੰਭਾਵਿਤ ਤਿੰਨ ਧਿਰੀ ਗੱਲਬਾਤ ਦੇ ਮੌਕਿਆਂ ’ਤੇ ਵੀ ਵਿਚਾਰ ਕੀਤਾ ਗਿਆ।
ਉਨ੍ਹਾਂ ਕਿਹਾ ਕਿ ਦੋਵੇਂ ਰਾਸ਼ਟਰਪਤੀਆਂ ਦਰਮਿਆਨ ਗੱਲਬਾਤ ਖੁੱਲ੍ਹੇ ਅਤੇ ਰਚਨਾਤਮਕ ਮਾਹੌਲ ਵਿੱਚ ਕਾਰੋਬਾਰੀ ਢੰਗ ਨਾਲ ਹੋਈ। ਇਸ ਦੌਰਾਨ ਰਾਸ਼ਟਰਪਤੀ ਪੂਤਿਨ ਨੇ ਇਰਾਨ ਨਾਲ ਜੁੜੀ ਸਥਿਤੀ ਬਾਰੇ ਆਪਣੇ ਵਿਚਾਰ ਵੀ ਸਾਂਝੇ ਕੀਤੇ ਅਤੇ ਟਰੰਪ ਨੂੰ ਖਾੜੀ ਦੇਸ਼ਾਂ ਦੇ ਆਗੂਆਂ ਅਤੇ ਇਰਾਨ ਦੇ ਰਾਸ਼ਟਰਪਤੀ ਮਸੂਦ ਪੇਜ਼ੇਸ਼ਕੀਅਨ ਨਾਲ ਪਿਛਲੇ ਹਫ਼ਤੇ ਹੋਈ ਆਪਣੀ ਗੱਲਬਾਤ ਬਾਰੇ ਵੀ ਜਾਣਕਾਰੀ ਦਿੱਤੀ।
