ਮੇਅਰ ਨੇ ਤ੍ਰਿਪੜੀ ਵਿਖੇ ਐਲ ਐਂਡ ਟੀ ਵਲੋਂ ਚੱਲ ਰਹੇ ਕੰਮਾਂ ਦੀ ਕੀਤੀ ਚੈਕਿੰਗ
ਪਟਿਆਲਾ, 22 ਫ਼ਰਵਰੀ – ਨਗਰ ਨਿਗਮ ਪਟਿਆਲਾ ਦੇ ਮੇਅਰ ਕੁੰਦਨ ਗੋਗੀਆ ਅੱਜ ਤ੍ਰਿਪੜੀ ਵਿਖੇ ਐਲ ਐਂਡ ਟੀ ਕੰਪਨੀ ਵੱਲੋਂ ਚੱਲ ਰਹੇ ਕਾਰਜਾਂ ਦਾ ਜਮੀਨੀ ਪੱਧਰ ਉੱਤੇ ਖ਼ੁਦ ਜਾਇਜਾ ਲੈਣ ਪਹੁੰਚੇ। ਇਸ ਦੌਰਾਨ ਉਨ੍ਹਾਂ ਨੇ ਸ਼ਹਿਰ ਵਿੱਚ ਚਲ ਰਹੀਆਂ ਨਵੀਆਂ ਸੜਕਾਂ ਕੰਮ ਅਤੇ ਮੁਰੰਮਤ ਤੇ ਪਾਣੀ ਸਪਲਾਈ ਪ੍ਰੋਜੈਕਟਾਂ ਦੀ ਪ੍ਰਗਤੀ ਦਾ ਜਾਇਜ਼ਾ ਲਿਆ। ਮੇਅਰ ਨੇ ਨਗਰ ਨਿਗਮ ਅਧਿਕਾਰੀਆਂ ਨੂੰ ਸਪੱਸ਼ਟ ਹੁਕਮ ਦਿੱਤੇ ਕਿ ਹਰ ਪ੍ਰੋਜੈਕਟ ਗੁਣਵੱਤਾ ਅਤੇ ਸਮੇਂ ਦੀ ਪਾਬੰਦੀ ਨਾਲ ਪੂਰਾ ਕੀਤਾ ਜਾਵੇ ਤਾਂ ਜੋ ਨਾਗਰਿਕਾਂ ਨੂੰ ਸੁਵਿਧਾਜਨਕ ਬੁਨਿਆਦੀ ਸਹੂਲਤਾਂ ਮਿਲ ਸਕਣ।
ਮੇਅਰ ਗੋਗੀਆ ਨੇ ਕਿਹਾ ਕਿ ਸ਼ਹਿਰ ਦੇ ਹਰ ਇਲਾਕੇ ਵਿੱਚ ਵਿਕਾਸ ਕਾਰਜਾਂ ਤੇ ਕੋਈ ਸਮਝੌਤਾ ਨਹੀਂ ਕੀਤਾ ਜਾਵੇਗਾ। ਨਾਗਰਿਕਾਂ ਦੇ ਟੈਕਸ ਦਾ ਹਰ ਪੈਸਾ ਲੋਕਾਂ ਦੇ ਹਿੱਤ ਵਿੱਚ ਵਰਤਿਆ ਜਾਵੇਗਾ। ਅਸੀਂ ਚਾਹੁੰਦੇ ਹਾਂ ਕਿ ਤ੍ਰਿਪੜੀ ਵਰਗੇ ਖੇਤਰਾਂ ਵਿੱਚ ਸੁਵਿਧਾਵਾਂ ਜਲਦੀ ਲੋਕਾਂ ਤੱਕ ਪਹੁੰਚਣ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਨਹਿਰੀ ਪਾਣੀ ਲਈ ਤ੍ਰਿਪੜੀ ਵਿੱਚ ਪਾਈਆਂ ਜਾ ਰਹੀਆਂ ਪਾਈਪਾਂ ਦੀ ਦੇਖਰੇਖ ਦਾ ਕੰਮ ਨਗਰ ਨਿਗਮ ਦੇ ਅਧੀਨ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਨੇ ਮੈਦਾਨੀ ਨਿਗਰਾਨੀ ਤੇ ਧਿਆਨ ਦੇਣ ਅਤੇ ਜਿੱਥੇ ਕੰਮ ਧੀਮਾ ਹੈ, ਉੱਥੇ ਤੁਰੰਤ ਕਾਰਵਾਈ ਕਰਨ ਦੀ ਹਦਾਇਤ ਦਿੱਤੀ।
ਵਿਜ਼ਿਟ ਦੌਰਾਨ ਤ੍ਰਿਪੜੀ ਅਤੇ ਆਸ-ਪਾਸ ਦੇ ਮਾਰਕੀਟ ਮੈਂਬਰ ਚਿੰਟੂ ਨਾਸਰਾ, ਸੁਭਾਸ਼ ਵਲੇਚਾ, ਭੂਸ਼ਨ ਕੁਮਾਰ, ਅਸ਼ੋਕ ਚਾਵਲਾ, ਪ੍ਰਵੀਨ ਕਾਲੜਾ, ਸੁਰਧੀਰ ਅਹੂਜਾ, ਕ੍ਰਿਸ਼ਨ ਸਿੰਧੀ, ਲਵਲੀ ਦਵਨ, ਪਰਮਿੰਦਰ ਕੋਹਲੀ, ਡਾ. ਕੁਲਜੀਤ ਸਾਹਨੀ, ਲਛਮਣ ਦਾਸ ਆਹੂਜਾ, ਜਵਾਰ ਵਰਮਾ, ਯਸ਼ਪਾਲ ਕਾਲੜਾ, ਦਰਸ਼ਨ ਲਾਲ, ਸੁਰੇਸ਼ ਧਵਨ, ਬੰਟੀ, ਹੰਸਰਾਜ, ਜਤਿਨ ਅਰੋੜਾ, ਬੰਸੀ ਲਾਲ, ਬਿਹਾਰੀ ਲਾਲ ਆਦਿ ਮੌਜੂਦ ਸਨ।
ਮੇਅਰ ਨੇ ਸਪਸ਼ਟ ਕਿਹਾ ਕਿ ਨਿਯਮਤ ਤੌਰ ‘ਤੇ ਇਸ ਤਰ੍ਹਾਂ ਦੀਆਂ ਸਮੀਖਿਆ ਮੀਟਿੰਗਾਂ ਕਰਕੇ ਸ਼ਹਿਰ ਦੇ ਵਿਕਾਸ ਕਾਰਜਾਂ ਨੂੰ ਨਵੀਂ ਰਫ਼ਤਾਰ ਮਿਲੇਗੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਨਗਰ ਨਿਗਮ ਦੀਆਂ ਕੋਸ਼ਿਸ਼ਾਂ ਨਾਲ ਤ੍ਰਿਪੜੀ ਖੇਤਰ ਵਿੱਚ ਨਾਗਰਿਕਾਂ ਲਈ ਪਾਣੀ, ਸੜਕਾਂ ਅਤੇ ਹੋਰ ਸੁਵਿਧਾਵਾਂ ਜਲਦ ਅਤੇ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਉਪਲਬਧ ਹੋਣਗੀਆਂ।
