ਰੁਪਏ ਵਿੱਚ ਭਾਰੀ ਗਿਰਾਵਟ: ਡਾਲਰ ਦੇ ਮੁਕਾਬਲੇ ਡਿਗਿਆ

ਨਵੀਂ ਦਿੱਲੀ, 12 ਦਸੰਬਰ : ਇੰਟਰ-ਡੇ ਟਰੇਡ ਦੌਰਾਨ ਭਾਰਤੀ ਰੁਪੈਏ ਨੇ ਅਮਰੀਕੀ ਡਾਲਰ ਦੇ ਮੁਕਾਬਲੇ ਭਾਰੀ ਝਟਕਾ ਖਾਦਾ ਅਤੇ ਹੇਠਾ ਵਲ ਡਿਗਿਆ ਹੈ, ਜਿਸ ਕਾਰਨ ਬਜਾਰ ਬਹੁਤ ਉਪਰ ਥਲੇ ਹੋਇਆ।
ਜਾਣਕਾਰੀ ਅਨੁਸਾਰ 54 ਪੈਸੇ ਡਿੱਗ ਕੇ 90.48 ਦੇ ਇਤਿਹਾਸਕ ਹੇਠਲੇ ਪੱਧਰ ’ਤੇ ਪਹੁੰਚ ਗਿਆ। ਇਹ ਪਹਿਲੀ ਵਾਰ ਹੈ ਕਿ ਰੁਪਇਆ ਖੁੱਲ੍ਹੇ ਬਾਜ਼ਾਰ ਵਿੱਚ ਇੰਨਾ ਹੇਠਾਂ ਲੁੜਕਿਆ ਹੈ।

ਇੰਟਰਬੈਂਕ ਮੁਦਰਾ ਬਾਜ਼ਾਰ ਵਿੱਚ ਰੁਪਇਆ 89.95 ’ਤੇ ਖੁੱਲ੍ਹਿਆ ਪਰ ਵਪਾਰ ਦੌਰਾਨ ਲਗਾਤਾਰ ਫਿਸਲਦਾ ਹੋਇਆ 90.48 ਤੱਕ ਪਹੁੰਚ ਗਿਆ।

ਬੁੱਧਵਾਰ ਨੂੰ ਰੁਪਇਆ 89.87 ’ਤੇ ਬੰਦ ਹੋਇਆ ਸੀ, ਜਿਸ ਨਾਲ ਅੱਜ ਦੀ ਗਿਰਾਵਟ 54 ਪੈਸੇ ਦੀ ਦਰਜ ਕੀਤੀ ਗਈ।
ਫਾਰੇਕਸ ਬਾਜ਼ਾਰ ਨਾਲ ਜੁੜੇ ਵਪਾਰੀਆਂ ਦੇ ਅਨੁਸਾਰ, ਮੁੱਖ ਆਰਥਿਕ ਸਲਾਹਕਾਰ ਵੀ. ਅਨੰਤ ਨਾਗੇਸ਼ਵਰਨ ਵੱਲੋਂ ਭਾਰਤ–ਅਮਰੀਕਾ ਦੁਵੱਲੇ ਵਪਾਰ ਸਮਝੌਤੇ ਦੇ ਸੰਭਾਵਿਤ ਮਾਰਚ ਤੱਕ ਫਾਈਨਲ ਹੋਣ ਬਾਰੇ ਦਿੱਤੇ ਬਿਆਨ ਤੋਂ ਬਾਅਦ ਬਾਜ਼ਾਰ ਵਿੱਚ ਉਤਾਰ-ਚੜ੍ਹਾਅ ਵਧ ਗਿਆ। ਇਸ ਨਾਲ ਰੁਪਏ ’ਤੇ ਦਬਾਅ ਹੋਰ ਤਿੱਖਾ ਹੋ ਗਿਆ।