ਰੂਸ–ਭਾਰਤ ਪਰਮਾਣੂ ਸਹਿਯੋਗ ’ਤੇ ਨਵੇਂ ਐਮਓਯੂ ਨੂੰ ਹਰੀ ਝੰਡੀ
ਮਾਸਕੋ, 3 ਦਸੰਬਰ : ਰੂਸੀ ਕੈਬਨਿਟ ਨੇ ਰਾਸ਼ਟਰਪਤੀ ਵਲਾਦੀਮੀਰ ਪੂਤਿਨ ਦੀ 4–5 ਦਸੰਬਰ ਨੂੰ ਨਿਧਾਰਤ ਭਾਰਤ ਯਾਤਰਾ ਤੋਂ ਪਹਿਲਾਂ ਭਾਰਤ ਨਾਲ ਸਿਵਲ ਪਰਮਾਣੂ ਊਰਜਾ ਖੇਤਰ ਵਿੱਚ ਸਹਿਯੋਗ ਵਧਾਉਣ ਲਈ ਇੱਕ ਨਵੇਂ ਸਮਝੌਤਾ ਯਾਦਦਾਸ਼ਤ (ਐਮਓਯੂ) ਨੂੰ ਮੰਜ਼ੂਰੀ ਦੇ ਦਿੱਤੀ ਹੈ।
ਦਸ ਦਈਏ ਕਿ ਕ੍ਰੈਮਲਿਨ ਦੇ ਬੁਲਾਰੇ ਦਮਿਤਰੀ ਪੈਸਕੋਵ ਨੇ ਭਾਰਤੀ ਮੀਡੀਆ ਨਾਲ ਗੱਲਬਾਤ ਦੌਰਾਨ ਦੱਸਿਆ ਕਿ ਰੋਸਾਟੋਮ ਦੇ ਮੁਖੀ ਅਲੈਕਸੀ ਲਿਗਾਚੇਵ ਨਵੀਂ ਦਿੱਲੀ ਵਿੱਚ ਸਿਖਰ ਮੀਟਿੰਗ ਲਈ ਸਹਿਯੋਗ ਦੇ ਕਈ ਨਵੇਂ ਪ੍ਰਸਤਾਵਾਂ ਦਾ ਪੂਰਾ ਪੋਰਟਫੋਲਿਓ ਲੈ ਕੇ ਆਉਣਗੇ। ਉਨ੍ਹਾਂ ਮੁਤਾਬਕ, ਭਾਰਤ ਨਾਲ ਛੋਟੇ ਮਾਡਿਊਲਰ ਰਿਐਕਟਰਾਂ ਦੇ ਨਿਰਮਾਣ ਵਿੱਚ ਸਹਿਕਾਰ ਵੀ ਮੁੱਖ ਚਰਚਾ ਦਾ ਹਿੱਸਾ ਹੋਵੇਗਾ।
ਰਿਪੋਰਟਾਂ ਮੁਤਾਬਕ, ਰੂਸ ਦੀ ਰੋਸਾਟੋਮ ਪਰਮਾਣੂ ਕੰਪਨੀ—ਜੋ ਇਸ ਸਮੇਂ ਤਾਮਿਲਨਾਡੂ ਦੇ ਕੁਡਨਕੁਲਮ ਪਰਮਾਣੂ ਬਿਜਲੀ ਪਰੋਜੈਕਟ ਵਿੱਚ ਕਈ ਰਿਐਕਟਰ ਨਿਰਮਾਣ ਰਹੀ ਹੈ—ਨੂੰ ਰੂਸੀ ਸਰਕਾਰ ਵੱਲੋਂ ਭਾਰਤੀ ਅਧਿਕਾਰੀਆਂ ਨਾਲ ਇਸ ਨਵੇਂ ਐਮਓਯੂ ’ਤੇ ਦਸਤਖਤ ਕਰਨ ਲਈ ਅਧਿਕਾਰ ਦਿੱਤਾ ਗਿਆ ਹੈ। ਪਹਿਲਾਂ ਵੀ ਖਬਰਾਂ ਆਈਆਂ ਸਨ ਕਿ ਰੋਸਾਟੋਮ ਨੇ ਭਾਰਤ ਵਿੱਚ ਐਡਵਾਂਸਡ ਰੂਸੀ ਡਿਜ਼ਾਈਨ ਵਾਲੇ ਨਵੇਂ ਰਿਐਕਟਰਾਂ ਦੇ ਨਿਰਮਾਣ ਲਈ ਆਪਣੀ ਤਿਆਰੀ ਜ਼ਾਹਰ ਕੀਤੀ ਸੀ।