ਬੀਜਾਪੁਰ ਵਿੱਚ ਨਕਸਲਵਾਦ ਨੂੰ ਵੱਡਾ ਝਟਕਾ, 50 ਦੇ ਕਰੀਬ ਮਾਓਵਾਦੀਆਂ ਕੀਤਾ ਆਤਮ-ਸਮਰਪਣ

ਦਿੱਲੀ, 16 ਜਨਵਰੀ : ਛੱਤੀਸਗੜ੍ਹ ਦੇ ਬੀਜਾਪੁਰ ਜ਼ਿਲ੍ਹੇ ਵਿੱਚ ਨਕਸਲਵਾਦ ਖ਼ਿਲਾਫ਼ ਸਰਕਾਰ ਅਤੇ ਪੁਲਿਸ ਵਲੋ ਜਿਥੇ ਵੱਡੀ ਮੁਹਿੰਮ ਚਲਾਈ ਜਾ ਰਹੀ ਹੈ, ਉਥੇ ਅੱਜ ਤਾਜਾ ਮਾਮਲੇ ਵਿਚ 50 ਦੇ ਕਰੀਬ ਨਕਸਲੀਆਂ ਵਲੋ ਆਤਮ ਸਮਰਣ ਕਰਨ ਦੀ ਸੂਚਨਾ ਮਿਲੀ ਹੈ।

ਜਾਣਕਾਰੀ ਅਨੁਸਾਰ ਇਹ ਸਾਰੇ ਮਾਓਵਾਦੀ ਵੱਡੀ ਇਨਾਮ ਰਾਸ਼ੀ ਵਾਲੇ ਸਨ, ਜਿਨਾ ਨੂੰ ਹਿਰਾਸਤ ਵਿਚ ਲੈ ਲਿਆਗਿਆ ਹੈ। ਇਸਤੋਂ ਇਕ ਦਿਨ ਪਹਿਲਾਂ ਪੜੋਸੀ ਸੁਕਮਾ ਜ਼ਿਲ੍ਹੇ ਵਿੱਚ ਵੀ 29 ਨਕਸਲੀਆਂ ਨੇ ਆਤਮ-ਸਮਰਪਣ ਕੀਤਾ ਸੀ। ਸਰਕਾਰੀ ਅੰਕੜਿਆਂ ਅਨੁਸਾਰ ਪਿਛਲੇ ਸਾਲ ਦੌਰਾਨ 1500 ਤੋਂ ਵੱਧ ਨਕਸਲੀ ਹਿੰਸਾ ਤਿਆਗ ਚੁੱਕੇ ਹਨ। ਸੂਬਾ ਸਰਕਾਰ ਨੇ ਇਸ ਸਾਲ 31 ਮਾਰਚ ਤੱਕ ਨਕਸਲਵਾਦ ਦੇ ਪੂਰਨ ਖ਼ਾਤਮੇ ਦਾ ਟੀਚਾ ਨਿਰਧਾਰਤ ਕੀਤਾ ਹੋਇਆ ਹੈ।

ਹੁਣ ਪੁਲਿਸ ਅਧਿਕਾਰੀਆਂ ਸਾਹਮਣੇ ਹਥਿਆਰ ਸੁੱਟ ਕੇ ਮੁੱਖ ਧਾਰਾ ਵਿੱਚ ਵਾਪਸੀ ਦਾ ਰਾਹ ਅਪਣਾਇਆ। ਇਨ੍ਹਾਂ ਵਿੱਚੋਂ 49 ਨਕਸਲੀਆਂ ’ਤੇ ਕੁੱਲ 1.41 ਕਰੋੜ ਰੁਪਏ ਦਾ ਇਨਾਮ ਘੋਸ਼ਿਤ ਸੀ।