ਟਰੰਪ ਚਾਹੁੰਦੇ ਹਨ ਵੇਨੇਜੁਏਲਾ ਦੂਸਰੇ ਦੇਸਾਂ ਨਾਲ ਕਰੇ ਸਬੰਧ ਖਤਮ

ਦਿਲੀ, 7 ਜਨਵਰੀ : ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਵਲੋ ਵੇਨੇਜੁਏਲਾ ਦੇ ਰਾਸਟਰਪਤੀ ਨਿਕੋਲਾਸ ਮਾਦੁਰੋ ਉਪਰ ਕੀਤੀ ਗਈ ਕਾਰਵਾਈ ਤੋ ਬਾਅਦ ਹੁਣ ਟਰੰਪ ਕਥਿਤ ਤੌਰ ’ਤੇ ਚਾਹੁੰਦੇ ਹਨ ਕਿ ਅੰਤਰਿਮ ਰਾਸ਼ਟਰਪਤੀ ਡੈਲਸੀ ਰੋਡਰੀਗਜ਼ ਦੇ ਅਧੀਨ ਵੇਨੇਜ਼ੂਏਲਾ ਦੀ ਨਵੀਂ ਸਰਕਾਰ ਨੂੰ ਵਧੇਰੇ ਤੇਲ ਉਤਪਾਦਨ ਦੀ ਇਜਾਜ਼ਤ ਮਿਲਣ ਤੋਂ ਪਹਿਲਾਂ ਦੂਸਰੇ ਦੇਸ਼ਾਂ ਨਾਲ ਆਪਣਾ ਸਬੰਧ ਖਤਮ ਕਰੇ। ਉਹ ਚਾਹੁੰਦੇ ਹਨ ਕਿ ਟਰੰਪ ਪ੍ਰਸ਼ਾਸਨ ਇਹ ਵੀ ਚਾਹੁੰਦਾ ਹੈ ਕਿ ਵੇਨੇਜ਼ੂਏਲਾ ਤੇਲ ਉਤਪਾਦਨ ਲਈ ਸਿਰਫ਼ ਅਮਰੀਕਾ ਨਾਲ ਹੀ ਸਾਂਝੇਦਾਰੀ ਕਰੇ ਅਤੇ ਭਾਰੀ ਕੱਚਾ ਤੇਲ ਵੇਚਦੇ ਸਮੇਂ ਅਮਰੀਕਾ ਨੂੰ ਤਰਜੀਹ ਦੇਵੇ।

ਦਸ ਦਈਏ ਕਿ ਵੇਨੇਜ਼ੂਏਲਾ ਪਿਛਲੇ ਹਫ਼ਤੇ ਦੇਸ਼ ’ਤੇ ਅਮਰੀਕੀ ਹਮਲਿਆਂ ਤੋਂ ਬਾਅਦ ਤੋਂ ਹੀ ਰਾਜਨੀਤਿਕ ਉਥਲ-ਪੁਥਲ ਵਿੱਚ ਘਿਰਿਆ ਹੋਇਆ ਹੈ, ਜਦੋਂ ਵੇਨੇਜ਼ੂਏਲਾ ਦੇ ਰਾਸ਼ਟਰਪਤੀ ਨਿਕੋਲਾਸ ਮਾਦੂਰੋ ਨੂੰ ਗ੍ਰਿਫ਼ਤਾਰ ਕਰਕੇ ਦੇਸ਼ ਤੋਂ ਬਾਹਰ ਭੇਜ ਦਿੱਤਾ ਗਿਆ ਸੀ। ਉਸ ਤੋਂ ਬਾਅਦ ਡੈਲਸੀ ਰੋਡਰੀਗਜ਼ ਨੇ ਅੰਤਰਿਮ ਰਾਸ਼ਟਰਪਤੀ ਵਜੋਂ ਕਮਾਨ ਸੰਭਾਲੀ ਹੈ, ਹਾਲਾਂਕਿ ਟਰੰਪ ਨੇ ਦਾਅਵਾ ਕੀਤਾ ਹੈ ਕਿ ਦੱਖਣੀ ਅਮਰੀਕਾ ਦੇ ਇਸ ਦੇਸ਼ ’ਤੇ ਕਾਬੂ ਉਨ੍ਹਾਂ ਦਾ ਹੀ ਹੈ।