ਚਾਰ ਵਿਦਿਆਰਥੀ ਲੜਕੀਆਂ ਦੀ ਅਮਰੀਕੀ ਕੰਪਨੀ ਸੇਫਇਉਨ ਵਿੱਚ ਲੱਗੀ ਨੌਕਰੀ

ਪਟਿਆਲਾ, 16 ਸਤੰਬਰ – ਪੰਜਾਬੀ ਯੂਨੀਵਰਸਿਟੀ ਦੇ ਕੰਪਿਊਟਰ ਸਾਇੰਸ ਅਤੇ ਇੰਜਨੀਅਰਿੰਗ ਵਿਭਾਗ ਤੋਂ ਚਾਰ ਵਿਦਿਆਰਥੀ ਲੜਕੀਆਂ ਦੀ ਅਮਰੀਕੀ ਕੰਪਨੀ ਸੇਫਇਉਨ ਵਿੱਚ ਨੌਕਰੀ ਲਈ ਚੋਣ ਹੋਈ ਹੈ। ਅਨੰਨਿਆ ਸੋਈ, ਗੀਤਿਕਾ, ਗੁਰਸੀਰਤ ਕੌਰ ਅਤੇ ਪੱਲਵੀ ਨਾਮਕ ਇਹ ਲੜਕੀਆਂ ਕੰਪਨੀ ਵਿੱਚ ਐੱਸ.ਓ.ਸੀ. ਐਨਾਲਿਸਟਜ਼ ਵਜੋਂ ਕਾਰਜ ਕਰਨਗੀਆਂ।

ਵਿਭਾਗ ਮੁਖੀ ਡਾ. ਜਸਵਿੰਦਰ ਸਿੰਘ, ਜੋ ਯੂਨੀਵਰਸਿਟੀ ਪਲੇਸਮੈਂਟ ਦੇ ਡਾਇਰੈਕਟਰ ਵੀ ਹਨ, ਨੇ ਦੱਸਿਆ ਕਿ ਸੇਫਇਉਨ ਆਈ.ਐੱਨ.ਸੀ. ਇੱਕ ਯੂ.ਐੱਸ. ਏ. ਅਧਾਰਿਤ ਨਾਮੀ ਕੰਪਨੀ ਹੈ ਜੋ ਸਾਇਬਰ ਸੁਰੱਖਿਆ ਦੇ ਖੇਤਰ ਵਿੱਚ ਆਪਣੀਆਂ ਸੇਵਾਵਾਂ ਮੁਹੱਈਆ ਕਰਵਾਉਂਦੀ ਹੈ। ਇਸ ਕੰਪਨੀ ਦਾ ਟੈਕਨੀਕਲ ਦਫ਼ਤਰ ਯੂ.ਐੱਸ.ਏ. ਦੀ ਸਿਲੀਕੌਨ ਵੈਲੀ, ਕੈਨੇਡਾ ਦੀ ਸ਼ਾਰਲੇਟਾਊਨ ਅਤੇ ਯੂ.ਕੇ. ਦੇ ਬੈਡਫੋਰਡ ਤੋਂ ਇਲਾਵਾ ਪੰਜਾਬ ਦੇ ਮੋਹਾਲੀ ਵਿੱਚ ਵੀ ਹੈ।
ਉਪ-ਕੁਲਪਤੀ ਡਾ. ਜਗਦੀਪ ਸਿੰਘ ਵੱਲੋਂ ਵਿਦਿਆਰਥੀ,ੳਨ੍ਹਾਂ ਦੇ ਵਿਭਾਗ ਅਤੇ ਪਲੇਸਮੈਂਟ ਸੈੱਲ ਨੂੰ ਮੁਬਾਰਕ ਦਿੱਤੀ ਗਈ।