ਰੂਸ ਵਿਚ ਪੰਜਾਬੀ ਨੌਜਵਾਨ ਦੀ ਡੁਬਣ ਕਾਰਨ ਹੋਈ ਮੌਤ

ਦਿੱਲੀ, 30 ਜੁਲਾਈ : ਰੂਸ ਵਿਚ ਇਕ ਪੰਜਾਬੀ ਨੌਜਵਾਨਦੀ ਸਮੁੰਦਰ ਦੀਆਂ ਲਹਿਰਾਂ ਵਿਚ ਡੁਬ ਜਾਣਕਾਰਨ ਮੌਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਾਣਕਾਰੀ ਅਨੁਸਾਰ 20 ਸਾਲਾਂ ਪੰਜਾਬੀ ਨੌਜਵਾਨ ਦੀ ਪਛਾਣ ਧਰੁਵ ਕਪੂਰ ਵਜੋਂ ਹੋਈ ਹੈ ਜੋ ਕਿ ਆਪਣੇ ਦੋਸਤਾਂ ਦੇ ਨਾਲ ਸਮੁੰਦਰ ਕੰਢੇ ਨਹਾਉਣ ਲਈ ਗਿਆ ਸੀ। ਇਸ ਦੌਰਾਨ ਇਹ ਹਾਦਸਾ ਵਾਪਰਿਆ।

ਦੱਸ ਦਈਏ ਕਿ ਲੁਧਿਆਣਾ ਦੇ ਖੰਨਾ ਵਿੱਚ ਅਮਲੋਹ ਰੋਡ ‘ਤੇ ਸਨਸਿਟੀ ਦਾ ਰਹਿਣ ਵਾਲਾ ਧਰੁਵ ਐਤਵਾਰ ਨੂੰ ਤਿੰਨ ਦੋਸਤਾਂ ਨਾਲ ਸਮੁੰਦਰੀ ਕੰਢੇ ਗਿਆ ਸੀ ਜਦੋਂ ਤੇਜ਼ ਲਹਿਰਾਂ ਉਸ ਨੂੰ ਵਹਾ ਕੇ ਲੈ ਗਈਆਂ। ਉਸਦੇ ਦੋਸਤ ਭੱਜਣ ਵਿੱਚ ਕਾਮਯਾਬ ਹੋ ਗਏ, ਪਰ ਬਚਾਅ ਟੀਮਾਂ ਦੇ ਉਸਨੂੰ ਬਚਾਉਣ ਤੋਂ ਪਹਿਲਾਂ ਹੀ ਧਰੁਵ ਡੁੱਬ ਗਿਆ। ਮ੍ਰਿਤਕ ਨੌਜਵਾਨ ਆਪਣੇ ਮਾਪਿਆਂ ਦਾ ਇਕਲੌਤਾ ਪੁੱਤਰ ਸੀ, ਉਸਦੇ ਪਿਤਾ ਕਰਨ ਕਪੂਰ ਖੰਨਾ ਵਿੱਚ ਇੱਕ ਛੋਟਾ ਕਰਜ਼ਾ ਸਲਾਹਕਾਰ ਦਫਤਰ ਚਲਾਉਂਦੇ ਹਨ। ਦੱਸ ਦਈਏ ਕਿ ਮ੍ਰਿਤਕ ਦਾ ਪਰਿਵਾਰ ਪਹਿਲਾਂ ਹੀ ਵਿੱਤੀ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਿਹਾ ਸੀ, ਨੇ ਧਰੁਵ ਨੂੰ ਉੱਚ ਸਿੱਖਿਆ ਪ੍ਰਾਪਤ ਕਰਨ ਲਈ ਰੂਸ ਭੇਜਿਆ ਸੀ। ਇਸ ਕਾਰਨ ਇਲਾਕੇ ਅੰਦਰ ਸੋਕ ਦੀ ਲਹਿਰ ਦੌੜ ਗਈ ਹੈ।