ਸੁਰਖਿਆ ਫੋਰਸਾਂ ਨੇ ਸਰਹੱਦ ਤੋ ਡਰੋਨ ਅਤੇ ਹੈਰੋਇਨ ਕੀਤੀ ਬਰਾਮਦ

ਅੰਮ੍ਰਿਤਸਰ, 24 ਅਕਤੂਬਰ 2025 : ਬੀਐਸਐਫ ਦੀਆਂ ਸੁਰਖਿਆ ਫੋਰਸਾਂ ਨੇ ਅੱਜ ਅੰਮ੍ਰਿਤਸਰ ਸਰਹਦ ਨੇੜੇ ਡਰੋਨ ਅਤੇ ਹੈਰੋਇਨ ਬਰਾਮਦ ਕਰਨਵਿਚ ਸਫਲਤਾ ਹਾਸਲ ਕੀਤੀ ਹੈ। ਇਸ ਸਬੰਧੀ BSF ਦੇ ਅਧਿਕਾਰੀ ਨੇ ਦੱਸਿਆ ਕਿ ਪਿਛਲੇ 24 ਘੰਟਿਆਂ ਵਿੱਚ ਪੰਜਾਬ ਸਰਹੱਦ ’ਤੇ 03 ਹੋਰ ਪਾਕਿਸਤਾਨੀ ਡਰੋਨਾਂ ਨੂੰ ਵੀ ਸਫਲਤਾਪੂਰਵਕ ਬੇਅਸਰ ਕੀਤਾ ਗਿਆ।

ਅਧਿਕਾਰੀਆਂ ਦੇ ਅਨੁਸਾਰ ਜਵਾਨਾਂ ਨੇ ਡਰੋਨਾਂ ਦੀ ਗਤੀਵਿਧੀ ਵੇਖਣ ਤੋਂ ਬਾਅਦ ਤੇਜ਼ੀ ਨਾਲ ਕਾਰਵਾਈ ਕਰਦਿਆਂ ਪਿੰਡ ਚੱਕ ਅੱਲਾਬਖਸ਼ ਨੇੜੇ 2 ਡਰੋਨ ਅਤੇ ਪਿੰਡ ਰੋੜਾਂਵਾਲਾ ਨੇੜੇ 1 ਡਰੋਨ ਨੂੰ ਬੇਅਸਰ ਕੀਤਾ।

ਜਾਣਕਾਰੀ ਅਨੁਸਾਰ ਬਾਰਡਰ ਸਿਕਿਊਰਿਟੀ ਫੋਰਸ (BSF) ਨੇ ਅੰਮ੍ਰਿਤਸਰ ਸਰਹੱਦ ’ਤੇ 3 ਪਾਕਿਸਤਾਨੀ ਡਰੋਨ ਬੇਅਸਰ ਕਰਨ ਦੇ ਨਾਲ-ਨਾਲ 4 ਡਰੋਨ ਅਤੇ 1 ਪੈਕੇਟ ਹੈਰੋਇਨ ਵੀ ਬਰਾਮਦ ਕੀਤੀ ਹੈ। ਇਨ੍ਹਾਂ ਵਿੱਚੋਂ ਦੋ ਡਰੋਨ “ਡੀਜੀਆਈ ਮੈਵਿਕ 300 ਆਰਟੀਕੇ” ਸ਼੍ਰੇਣੀ ਦੇ ਹਨ, ਜਦਕਿ ਇੱਕ ਡਰੋਨ “ਡੀਜੀਆਈ ਮੈਵਿਕ 3 ਕਲਾਸਿਕ” ਸ਼੍ਰੇਣੀ ਦਾ ਹੈ। BSF ਅਧਿਕਾਰੀ ਨੇ ਦੱਸਿਆ ਕਿ ਪਹਿਲਾਂਵੀ ਇਸ ਤਰਾਂ ਦੇ ਡਰੋਨ ਬਰਾਮਦ ਕੀਤੇ ਹਨ।